Piɛrə dɔlɔɔ 3:12 - Yálá laawoo hɛɓɛ (dc)

¹² Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»

Yálá laawoo hɛɓɛ

¹² Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»

Bible

¹² Kpɛ́ni fêi, Nuu-namui ŋ̀ɛi káa dɔ̃yâ-ƃelai dîa, ŋ̀óli lá ƃóɔ a gɛɛ é Díɣâla-fɛli-wooi mɛni. Kɛ́lɛ, Nuu-namui ŋ̀ɛi seɛɛ̂i mɛni nyɔ́mɔɔ kɛ́-ƃelai dîa.”

Piɛrə dɔlɔɔ 3:12 Referans Kwoze

Ɉaan 9:31

Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.

Hanwon 15:29

Yai-Laa a mąą kwɛa nwąnąlɔ nuą diɛ, Kɛlaa, a nwəli tɔɔ tələnmo nuą di wɔ hvɛli ɓo woo ɓa.

Hanwon 15:3

Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Kɔlɔnikɔ Veerɛi 7:15

Yii hu kɛa, ɲɛ̨́nąą ɓoɔi, wə́li tɔɔ vɛli ɓoi a gɛ gɛɛnąą ŋɛ̨i mą.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Mąątɛ̨nɛ̨ 65:2

Yálá, yɛ́i Siɔn daai, ə́ mąątɛ̨nɛ̨ woo a ə́ mąą hon, ɛlɛɛ, mɛ̨nįɠaai ku naakwɛlanmo yɛ́i, kwa di kɛ.

Izikiɛ 15:7

Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Dutɛrɔnome 11:12

Nɔi tii kaa a lɔi yii Yai-Laa ka wɔ Yálái a mɛ̨i kaa kpɔ a mɔlɔɔ. Ə həɠə gwɛlan gbala tɔɔi lɔwai ɓa, ə lɛɛ ɉu naa ə kulɔ, Yai-Laa ka wɔ Yálái a mɛ̨i kaa.

Mąątɛ̨nɛ̨ 80:16

Ɉihɛn yɛ́ kpinįi ə́ ɉin a ə́ yee, mąąkpɛ, da non ŋɛ̨i ə́ ɉuwalawala ə́ mąą mɛ̨ni ɓa.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Levetekɔ 20:6

«Nui lɔpee a li ɲąmuątaa tɔlukpɛmun da pɔɔli mąą tɔlukpɛ mɛ̨nį ɓa, yɛ gbɔwɔ mąąiɓi la tii, ŋą́ hee mąą nu hu, ŋį́ gulɔ nɔi nuą lɔwai.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Mąątɛ̨nɛ̨ 33:18

Kɛlaa, nuąi da ɲɔw Yai-Laa ɓa, a ɲɛ̨i kɛ diɛ, a nuąi di kilitɔɔ nwɔ wɛlikɛmąąlaa ɓai.

Ɉeremi 39:12

«'Ə́ ɲɛ̨i kɛ mą, mąą mɛ̨nį ɲɛ̨i kulɔ, hvó mɔ̨nɔ̨ ɓo, mɛ̨nįi a ɉu hvɛli yɛ́, gɛ́.»