Piɛrə dɔlɔɔ 3:10 - Yálá laawoo hɛɓɛ (dc)

¹⁰ Hvó gaai, moɔi yɛ mą: «Gbɛɛ ɓə lamun yɛnɛ̨ɛ̨ wɛli kaa mą? Ɛlɛɛ, gaa bɔ ə nwunnąnɛ̨ɛ̨ yɛnɛ̨ɛ̨ kaa? Mąąnɛ̨ɛ̨ ə nɛ̨n dɔɔ gani vaa woo tɔwɔ, ə ɲee kɛ naaləi ɓa, ɛlɛɛ, nu ɓowo woo hvo kulɔ na,

Yálá laawoo hɛɓɛ

¹⁰ Hvó gaai, moɔi yɛ mą: «Gbɛɛ ɓə lamun yɛnɛ̨ɛ̨ wɛli kaa mą? Ɛlɛɛ, gaa bɔ ə nwunnąnɛ̨ɛ̨ yɛnɛ̨ɛ̨ kaa? Mąąnɛ̨ɛ̨ ə nɛ̨n dɔɔ gani vaa woo tɔwɔ, ə ɲee kɛ naaləi ɓa, ɛlɛɛ, nu ɓowo woo hvo kulɔ na,

Bible

¹⁰ Kpɛ́ni fêi, “Ǹúui à fulu-laa wɛ̀li a gɛɛ é ɣele lɛ́lɛɛ-ŋa kaai, fɛ̂ɛ é ǹɛ́ŋ kúla mɛni nyɔ́mɔɔ su é ǹá kúla kiri-mɛni ƃóɔ sú.

Piɛrə dɔlɔɔ 3:10 Referans Kwoze

Zĩi 1:26

Kɛlaa, nu ta a gbɔwɔ kɛ a Yálá kɔ́lɔn mun, a wala nɛ̨n dɔɔ vaa woo tɔwɔ, akɛtii gaa gbɔwɔ ɓowoi, hvo Yálá kɔ́lɔn.

Piɛrə dɔlɔɔ 2:22

Yaa tii hvo nɛ̨ŋɛ̨n ɉəɠə li, nu ɓowo woo hvo kulɔ li na,

Piɛrə dɔlɔɔ 2:1

'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

M̀ɛni-lɛɛi 14:5

ɛlɛɛ, lɛɛ mɛ̨nį hvo kulɔ li di la, hon nɔpee hvo diɛ.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Ɉaan 12:25

Nui a nwɔ yɛnɛ̨ɛ̨ wɛli la kɛ, yɛ viɛlaɓo Yálá ɓa; a kulɔ ɲəi. Kɛlaa, nui a gili kulɔ ɲɛnɛ̨ɛ̨ ŋɛ̨i hu Yálá mąą mɛ̨nį ɓa; a ɉɔlɔɓo ɲɛnɛ̨ɛ̨i kpɛɛ hvo mą ɉu.

Hanwon 8:35

Mąąhɔlɔɓo, nui a ɉɔ́lɔɓo, aa yɛnɛ̨ɛ̨ hɔlɔɓo, a gɛ tii, a Yai-Laa nwɔ mɛ̨inɛ̨ɛ̨ hɔlɔɓo.

Hanwon 3:2

Mąąhɔlɔɓo, ɉaalai ɓə ə́ yíi a kwɛa la, ə́ wɔ kwɛlanŋaa hu ə kwɛa, ɲąą ə nɛ̨ɛ̨.

Maafîu 19:17

Jesus ə mo mą yɛ mą: «Lə mɛ̨nį ɓa ə́ kaa mą́ą́ləngɛi mɛ̨nį lɛlɛɛ kɛ mɛ̨nį ɓa? Hɛn dɔ̨nɔ̨ lɔ ɓə nəlɛɛ. Akɛ ə́ kaa bɔ ə́ yɛnɛ̨ɛ̨i kpɛɛ hvo mą hɔlɔɓo Yálá-taa, mąąnɛ̨ɛ̨ lɔ ə́ dɔ́nŋąa hon.»

Hanwon 4:22

Nuąi da di yee hee mu, a di yíi kwɛa, ə di kɔ́lɔi pɔ̨nɔ̨.

Hanwon 3:18

Gaa a yíipoo wulu, nuąi da di yee hee mu diɛ. Nui a ɉon kpaan, a kɛ nwun na nɛ̨ɛ̨ hu.

Markə 8:35

Mąąhɔlɔɓo, nui a gbɔwɔ nɔw hviɛlaɓo ə dɛɛ mą́ą́ mɛ̨nį ɓa, a hvɛɠɛ la. Kɛlaa, nui a lənə gbɔwɔ ɓa mą́ą́ mɛ̨nį ɓa, da nwɛlɛɛ lɛlɛɛ mąą mɛ̨nį ɓa; mąą nui nii a ɓalo.

Mąątɛ̨nɛ̨ 49:19

Ɓɛlɔwai ə kɛ la vúlu kɔwɔ ɲą, ə kɛi gbɔwɔ nwɔ luwu pu, yɛ kɛ mą: «Di kaa di yee lɔwai yɛ́, hvó gaai, ə́ kɛ mɛ̨nį kəlee hu kaa nɛ̨ɛ̨i yɛ́!»

Mąątɛ̨nɛ̨ 27:13

Gíli kaa kpɔ ɉu a neelee, gɛ́ diɛ, gáá pai Yai-Laa nwɔ mɛ̨nį nɛ̨ɛ̨ kaai, nu hvuluɠaa di wɔ lɔi mɛ̨i.

Zôo 33:28

Aa nwún mąąɓo kámą yəi, nwɔ́ yɛnɛ̨ɛ̨ yɛ pɛli kɛɛ pono hɔlɔɓoi.»

Zôo 9:25

Ɲíí hvólóɠaa kaa tɛɛi, ə tɛɛ gilɛ həɠə mun nwəlɛɛ ɓa. Daa tɛɛ, di hvo mɛ̨nį ɲąąnɛ̨ɛ̨ kaa li.

Dutɛrɔnome 32:47

Mąąhɔlɔɓo, gaa a woo mąąwiɛ, mąą mɛ̨nį nwąnąą; Nwoo tii ɓə ka wɔ yɛnɛ̨ɛ̨ kaa ɉu; nwoo tii haalai ɉu ɓə ka yíi hvólóɠaa hu kaa lii kwɛai la Ɉurdɛn yá pulu lɔi tii ka káá li ɉɔlɔɓoi, ɉu.»

Ikilisiati 2:3

Ŋą́ naa gwə́i gɛ́ diɛ: «Gáá lɔɔ kpəlɛɛ ɲąąnɛ̨ɛ̨ kwɛlii mą, ɛlɛɛ, ŋą́ kilikpɛɛgwəi nuą pɔɔ kɔ́ɔn; kɛlaa, gɛ́ gbɔ́wɔ́ hu hon, níi yɛ lɛɛ kili pələ mɛ̨i; mɛ̨nįi kpɔ nuą da gɛ ɓɛ lɔi mɛ̨i di hvulú kɔ́wɔ ŋą, ŋą́ kɛ bɔ ŋą́ yiliɠaa kɔ́lɔn.»

Mąątɛ̨nɛ̨ 106:5

Gɛ́ pɛli ə́ liiɓa nuą di wɔ nwun na nɛ̨ɛ̨i kaai, Ə́ gwə́inɛ̨ɛ̨ nwɔ́ nu huwui nwɔ kwəinɛ̨ɛ̨ hu, gɛ́ nwɔ́ɔ́ hɔlɔɓo ə́ kwɛlin nwɔ ɲɛ̨i ponoi hu.

Zôo 2:4

Kɛlaa, ɓilihi yɛ Yai-Laa ɓa: «Nu a pɛli ə mɛlan gaalon gulɔ a haláá, gbɔwɔ nwun mąąɓo mɛ̨nį ɓa. Hɛn kpɔ gaa nu yəi, a pɛli ə gəlee kwɛlɛ nwɔ yɛnɛ̨ɛ̨ mąą mɛ̨nį ɓa.