Piɛrə dɔlɔɔ 3:1 - Yálá laawoo hɛɓɛ (dc)

¹ Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,

Yálá laawoo hɛɓɛ

¹ Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,

Bible

¹ Nɛyâa, ka kásinâai wóo mɛni, a gɛ́ɛ a kɛ̀ díta-ni, berei máŋ dífa díwoli tɔ̀ɔ la ŋ̀óoi mai, dínɛyâai tûa-pere é gɛ̀ dílii é pene da wàla máŋ lono dípɔ,

Piɛrə dɔlɔɔ 3:1 Referans Kwoze

Kolosə 3:18

Nɛ̨ąą, 'ká lɛɛ ká hilɛni woo mu yɛ bələi mąąnɛ̨ɛ̨ la gu Ną́mu.

Ifisiɛŋ 5:33

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Korɛntə dɔlɔɔ 11:3

Kɛlaa, gɛ́ ká mɛ̨nįi ŋɛ̨i kpaɠala kaa: Hinąą kəlee di nwun nąmu ɓaa a Kristə. Nɛ̨ɛ̨nu nwun nąmu ɓaa a hulɔnu. Kristə nwun nąmu ɓaa a Yálá.

Korɛntə dɔlɔɔ 7:16

Yili ɓa nɛ̨ɛ̨nu, ə́ kili hvo ɉu yɛ́ kɛ, yɛ́ ɓə pai ə́ hilɛ nwun mąąɓoi? Hulɔnu, ə́ kili hvo ɉu yɛ́ kɛ, yɛ́ ɓə pai ə́ nɛ̨ą nwun mąąɓoi?

Zɛnɛse 3:16

Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»

Piɛrə dɔlɔɔ 3:7

Hinąą kaa kpɛlimąn, 'ká ká nɛ̨ąni ká ɲíi kɛ a nɛlɛɛ, ká kili ə pu ɉu, káá, di kɔlɔ hvįikpɛɛi, 'ká di mąąwiɛ, gbala ə tɔɔ, ká diɛni ká káá pai yɛnɛ̨ɛ̨ hɔlɔɓoi a ká kwɛlin, yili ɓə a gɛ, mɛ̨nį ta hva kpɛ̨ąn ka wɔ hvɛli woo tɔwɔ.

Lomaŋ 7:2

Hilɛtai nɛ̨ą kɔwɔla yiliɛ ɉilɛ ɓa a tɔ́n yii kpɔ ɉilɛ kaa ni heeni. Ɉilɛ a haa, akɛ tii, gɔwɔla aa holoon.

Korɛntə dɔlɔɔ 14:34

nɛ̨ąą da kɛ ɲąąkpɔn ɉu, di di laa pilɛ, pələ ɓoɔ mąą laa hvo di yəi, mąąnɛ̨ɛ̨ di lɛɛ nwoo mulaa kɛ, yɛ bələi dɔ́n nwoo ə mo la.

Maafîu 18:15

«Akɛ nu ta a mɛ̨nį ta kɛ a yɛ́, li ə́ mo mą ka nu hveelɛ kɛɛnáá. A ɉɔn gɔlɔn, ə nɛ̨ɛ̨mąą hvə, akɛ tii yáá ə́ ɓɛlan ɉɔlɔɓo.

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Lomaŋ 6:17

Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Hanwon 18:19

Kaayɔwɔ hvaa hu hon naa walaai, ə tɛɛ kɔ́ taa walawala hon ŋąą ɓa. Vaa taaləi tii a walawala yɛ kwɛli.

Hanwon 11:30

Tələnmomun dúwɔ́ pələ a ɓá a yɛnɛ̨ɛ̨, kilimąą mun nwoo yɛ nuą líi hon.

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Lomaŋ 10:16

Kɛlaa, nu kəlee hvo ɲee heeli nwɛlɛɛ lɛlɛɛ mu. Esai ə mo nwɔ̨nɔ̨ yɛ diɛ: «Námu, nwɛlɛɛ lɛlɛɛi ku naa həlii, gbɛɛ ɓə laai na?»

Piɛrə dɔlɔɔ 3:2

diɛ ká tuwɔ pələ mąąhəɠɛɛ tii mąąwiɛ.