Piɛrə dɔlɔɔ 2:18 - Yálá laawoo hɛɓɛ (dc)

¹⁸ Luwɔɠaa, 'ká lɛɛ ká luwɔ nąmįną woo mu, 'ká ɲɔw diɛ, di mą kɛ, yiiɠaa di wɔɔ mɛ̨nį lɛlɛɛ, yiiɠaai di yíila nɛ̨ɛ̨, ə mą nwɔ̨nɔ̨ kɛ, yiiɠaai di yíila walaa.

Yálá laawoo hɛɓɛ

¹⁸ Luwɔɠaa, 'ká lɛɛ ká luwɔ nąmįną woo mu, 'ká ɲɔw diɛ, di mą kɛ, yiiɠaa di wɔɔ mɛ̨nį lɛlɛɛ, yiiɠaai di yíila nɛ̨ɛ̨, ə mą nwɔ̨nɔ̨ kɛ, yiiɠaai di yíila walaa.

Bible

¹⁸ Yée-mu-ƃela, ka kámɛi-ƃelai wóo mɛni yao-maa-sii kélee su. Káfe díwoo mɛni nɔ́, à kɛ̀ da kásòŋ a ǹɛ́lɛɛ. Kɛ́lɛ, ka díwoo mɛni à kɛ̀ da kásòŋ a nyɔ́mɔɔ.

Piɛrə dɔlɔɔ 2:18 Referans Kwoze

Hanwon 3:32

Mąąhɔlɔɓo, túwɔ́ pələ ɲɔ̨n gɛmun nwɛli hvo Yai-Laa ɓa, Kɛlaa, nu haŋąąɠaa wɛli kaa mą.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Mąątɛ̨nɛ̨ 101:4

Kiliŋąhiɛi hvo hąŋąli, və́ bɔ! Və́ bɔ və́ mɛ̨nį ɲɔ̨nwɔ́ɔ́ gɔlɔn.

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Hanwon 11:20

Ə́ wɛi, hvilɛn nu túwɔ́ pələ lɛlɛɛɠaa pulu, ə́ nu haŋąɠaa pɔɔn kɔ́ɔn.

Hanwon 10:32

Tələnmomun vaa woo a nuą kwəinɛ̨ɛ̨, Kɛlaa, nwąnąlɔmun vaa woo a kpɔn daɠa.