Piɛrə dɔlɔɔ 2:11 - Yálá laawoo hɛɓɛ (dc)

¹¹ Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Yálá laawoo hɛɓɛ

¹¹ Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Bible

¹¹ Ŋáwɛli-kɛ-maa-ƃelai, káai a ŋɔ̃yâ-ŋai da ǹɔii da kpɛni su-ƃelai, ŋa kákpera fêi a gɛɛ ká síɣe núu-kpune ŋɔkɛ-pere-nyɔŋ maa-sɛŋ-wɛliɛi kɔlɛ nyíi gáa kɔ̂i kámɔ̂leŋ pɔi.

Piɛrə dɔlɔɔ 2:11 Referans Kwoze

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Piɛrə dɔlɔɔ 4:2

ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Kɔlɔnikɔ Maa-ŋuŋ 29:15

Gbala ə tɔɔ, ku kaa Ə́ ɲɛ̨i mu yɛ nwɛ̨ąą, yɛ tɛɛ nuą, lɔ yɛ ku nąnni kəlee di kɛ la. Ku yíi hvólóɠaai ɓɛ ku yəi yɛ̨nɛ̨ɛ̨, di kaa yɛ nįnįn, ɲali bulu hvo mą.

Zĩi 4:1

Mį ɓə mɛ̨nį kpɛlaanŋąąɠaa da həɠə laa? Mį ɓə gbilɛn gɔɔ a həɠə laa ká lɔwai? Kɛlɛi, da kulɔ ká liiɓaɠaa hu, diɛi gɔ́i a di kee ká kɔ́lɔ hu?

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Lomaŋ 7:23

Kɛlaa, ŋą́ą́ tɔ́n da kpɛli kaa gɔ́lɔi yɛ kɔ́ pɛlɛ nwɔ́ kiliŋąhiɛ lɛlɛɛ ɓa yɛ gɛ́ a nɛ̨ŋɛ̨n nwɔ luwɔ.

Gɛlaɠaa 15:29

'Ká hvo túnwɔ̨n hálaa huwɔ ɓa, 'ká hvo ɲąmą mįi, huwɔi di hvo nwun dee li, ka hvo mįi, ɛlɛɛ, da wɛli mɛ̨nį. 'Ká tɔɔ a ká nwąnąi, ka mɛ̨nįɠaai ti mąą laa, akɛti, káá mɛ̨nį lɛlɛɛ kɛ. Ká yələwala.»

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Mąątɛ̨nɛ̨ 119:19

Nwɛ̨ą ɓaa a ɲą́ą́ nɔi ŋɛ̨i mɛ̨i, 'Hvó ə́ wɔ tíɓoɠaai loo mą́ą́.

Mąątɛ̨nɛ̨ 39:12

Yá nu hutɔɔ a gɛ nɛ̨ŋɛ̨n naa pɔɔ, hɛn nwɛli kaa mą, yá nɛɛ a vowolo! A tɛ̨ą, nu kan nwɔ yɛnɛ̨ɛ̨ kaa ə́ ɲɛ̨i ɓa a hvąŋą!

Levetekɔ 25:23

«Ka lɔi tɔlaa hee nu ta ɓa, mąą hvo nɛ̨ɛ̨li dɔlaa hvo haa. Mąąhɔlɔɓo, lɔi kaa a nwɔ́ɔ́, ka káá lɔ nwɔ́ lɔi tii mɛ̨i yɛ nwɛ̨ą, yɛ tɛɛ nuą.

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Piɛrə dɔlɔɔ 1:1

Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Mąątɛ̨nɛ̨ 119:54

Bɛlɛ́i ŋɛ̨i gáá lɔ mu lɔwai tawolo, Ə́ liiɓa mɛ̨nįɠaa lɔ ɓə di kaa a nwɔ́ wələ woo.

Zɛnɛse 23:4

«Gáá a nwɛ̨ą ɓɛ ka lɔwai, gɛ́ ka hvaa mą, ka kɛɛnąą ta tɛɛ bɔ́, ɓɛi ŋį́ nɛ̨́ą loo laa.»

Ifisiɛŋ 2:19

Yili ɓa, ká hvo kɛa a nwɛ̨ąą, ká hvo a tɛɛ nuą, ká káá a taa tɔ̨nɔ̨ hu nuą, a Yálá yəi bɛlɛ́n nuą.

Hebreu 6:9

Yii ɓaa ká wɛi, nwɛ́likɛmąą nuą, ku mą kɛ mɛ̨nįɠaa ti ɓoi, ku laai na kuɔ: Ká káá bələ haŋąa mɛ̨i, yai a ɓalo pələ.

Piɛrə dɔlɔɔ 4:12

Nwɛ́likɛmąą nuą, hukɔɔn mɛ̨nį kpɛa-kpɛaa yiiɠaai da həli káá, yii a kɛ ka ɲɛ̨i ɓa yɛ mɛ̨nįi mąą hvo nɛ̨ɛ̨li hvo kɛ, yili hvo ka kwəi pili kaa.

Piɛrə veelɛ 3:1

Nwɛ́li kɛ mąą nuą, Ɉɛɓɛ́i ti ŋį́ dɛɛ kaa veelɛ kɛɛnąą ka ŋɛ̨i. Ɉɛɓɛ́ hveelɛi ti hu, galanŋąa ŋɛ̨i gáá naa kilitooi ka ŋą, gáá gɛi ti, ə gɛ, ŋį́ ka wɔ kiliŋąhiɛ ɲɛ̨ilaa ɓo.

Zɛnɛse 21:34

Abrahamə ə lamun kpɔ woloɓo Filisti lɔi hu.

Levetekɔ 15:18

«Hulɔnu ta da nɛ̨ɛ̨nu ta da laa, mąąnɛ̨ɛ̨ di di waa a ya tɔ́n gaa diɛ ə lɛɛ ɉu yələ ə wulu.