Piɛrə dɔlɔɔ 1:25 - Yálá laawoo hɛɓɛ (dc)

²⁵ kɛlaa, gu Nąmu laa woo nwɛi, gaa laa a yələ kəlee mɛ̨nį.» Yaan nwoo tii, ya ɓaa, Nwɛlɛɛ lɛlɛɛi di naa həli káá.

Yálá laawoo hɛɓɛ

²⁵ kɛlaa, gu Nąmu laa woo nwɛi, gaa laa a yələ kəlee mɛ̨nį.» Yaan nwoo tii, ya ɓaa, Nwɛlɛɛ lɛlɛɛi di naa həli káá.

Bible

²⁵ Kɛ́lɛ, Kúnuu-namui wóo káa nɔ́ naa wɔ́lɔ-wɔlɔ.” Ǹyaŋ maa-wooi ƃa Duŋ Lɛ́lɛɛi nyíi dí mò kâai.

Piɛrə dɔlɔɔ 1:25 Referans Kwoze

Azaya 40:8

Kala tiliin a kpala, bowa ə yohva; Kɛlaa, guɔ Yálái woo nwɛi gaa lɔ laa a yələ kəlee.»

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Mąątɛ̨nɛ̨ 119:89

Yai-Laa, ə́ laawoo kaa laa a yələ kəlee, yələkɔlɔn ɉu, mąą hva hvalin.

Zɔ̂ŋ Maa-ŋuŋ 1:1

Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

Piɛrə veelɛ 1:19

Yili ɓa, nwoo ŋɛ̨i Yálá kwəi mɛ̨nį hukulɔ nuą di mo, ku laai na kpɔ nwɔ̨nɔ̨ kɛnɛ̨. Mąąhɔlɔɓo, gaa yɛ labon yii gaa lən ɉi kɛɛnąą kpinɛ̨ɛ̨ ɓa, ə lɛɛ la ɉu, yələ ɓoi pɔ, pɛmɛ̨lɛn gɔw yɛ hvóló ka nii hu.

Mąątɛ̨nɛ̨ 102:12

Nwɔ́ hvólóɠaa kaa lii yɛ nįnįn, ŋį́ ɓo yɛ kala tiliin, gɛ́ kpala.

Lukə 16:17

«Yələkɔlɔn da lɔi da pɛli tɛɛi kpɔ a viikpɛɛ, kɛlaa, dɔ́n ɉɛɓɛ́ gɔw logolo tɔ̨nɔ̨ kpɛli hva ɉəɠə mą.

Ifisiɛŋ 2:17

Kristə ə pa liilaa mąą wɛlɛɛ lɛlɛɛ laa həlii káá, a káá tii kɛ kwɛaa la káá, da nuąi kɛ kpuɔ la diɛ.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:1

Gɛɛ Yálá hvo yɛnɛ̨ɛ̨ pɛli, tɔlɔɔ, woo ə gbɛa kɛ laa. Nwoo tii, ə kɛ Yálá pɔ, gaa a Yálá.

Mąątɛ̨nɛ̨ 102:26

Yɛ́ ɓə wɔlɔ lɔi kpalan naa, yələ kɔ́lɔn gaa a ə́ yəi pɔɔ.

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,

Piɛrə dɔlɔɔ 1:23

káái daa ká hɔlɔɓo a lon nįnɛ̨ɠaa, hvo kɛli a híhɛn gɔwi kala kaa mą, kɛlaa gaa a híhɛn gɔwi kala hvo mą, a Yálá hvulúmąą laa wooi gaa laa a yələ kəlee.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Taitɔ 1:3

a yai, guui ə ɉee, ɲələ ə ɉəli lɔ, ə nwoo too pono ɲą, wɛlɛɛ woo hu, yai di galihvaɓo mą́ą́, yɛ bələi gu ɓalo Yálá ə kɛ la bɔ,

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Korɛntə dɔlɔɔ 2:2

Mąąhɔlɔɓo, ŋą́ naa gwə́i, gɛ́, və́ mɛ̨nį takpɛli mɛ̨n ka lɔwai, hvo kɛli lɔ Jesus Kristə mąą mɛ̨nį, a Jesus Kristə, yai di gbɔn kolɔwa ɓa, mąą mɛ̨nį.

Azaya 40:6

Woo ta kaa kɛi diɛ: «Loloɓo», dɔ̨nɔ̨ yɛ kɛ mą: «Ŋą́ kɛ lə?» Nwooi tii yɛ mą: «Yii yá mo ya ka, kɛ diɛ: Nu kanŋaa yíi hvo kwɛa li, di kaa lɔ yɛ kala tiliin, di hu hvo wala wala li hvo tɛɛ wulu powa ɓa.

Hebreu 6:5

diɛi daa Yálá laa woo lɛlɛi kaa, ɛlɛɛ, da ɲɛnɛ̨ɛ̨ nįnɛ̨i gaa pai ŋą hvaŋą,

M̀ɛni-lɛɛi 14:6

Ɛlɛɛ, ŋį́ ɲɛ̨́i hee, ŋį́ malaka ta kaa, yɛ koon gbɔ ɲələ kwəi. Yálá-taa wɛlɛɛ lɛlɛɛ ə kɛ ɲəi, yɛ pa naa həlii lɔi mɛ̨i nuą diɛ: hįi lɔi kəlee, nu huwu kəlee, hįi wooɓo nuą kəlee.