Tɔɔɓɛlaa dɔlɔɔ 9:21 - Yálá laawoo hɛɓɛ (dc)

²¹ Nuą tii di lonnii kɛ laa, diɛi Israɛlə lonnii di hvo kɛ di paa li, Salomɔn ə di kɛ a pɔlɔtɛɠaa. Háá ɓa háá, di kaa ni la.

Yálá laawoo hɛɓɛ

²¹ Nuą tii di lonnii kɛ laa, diɛi Israɛlə lonnii di hvo kɛ di paa li, Salomɔn ə di kɛ a pɔlɔtɛɠaa. Háá ɓa háá, di kaa ni la.

Bible

²¹ Dísuu-ŋai su-ƃelai lɛ̀ɛ ǹɔii sui, nyii-ŋai Eezuɛ-ŋai dífe pɔri ní díkelee dípaa, dîa ƃé Saloma è díkɛ̀ a ŋɔpɔlɔtɔ-ŋa díkɛ luɛ tii kɛ̀ mì. Dílônii díkaa sâa a luɛ-ŋa ǹɔii tí su.

Tɔɔɓɛlaa dɔlɔɔ 9:21 Referans Kwoze

Nwun mąąɓo 1:21

Yii ɓaa Ɉebusə nuą ŋɛ̨i kɛ heeni Ɉerusalɛmə daai, Bɛnɉamɛn nu huwu hvo di kpɛ. Ɉebusə nuą di lɛɛ heeni Ɉerusalɛmə daai, da Bɛnɉamɛn nu huwu, da diɛni di kaa háákələi laa.

Zasua 17:12

Kɛlaa, yɛ bələi Manase lonnii di yee hvo pɛli la daaɠaai tii kəlee diɛ, yili ɓə gɛ Kanaan nuą diɛ lɛɛ hee ni nɔi.

Zasua 15:63

Kɛlaa, Ɉebusə nuąi kɛ heeni Ɉerusalɛmə, Ɉuda lonnii di hvo pɛli di kpɛi laa, Ɉebusə nuą tii kaa háákələi heeni Ɉuda lonnii lɔwai Ɉerusalɛmə daai.

Nehemi 11:3

Nɔi ɲąąwooɓo nuąi pa heei Ɉerusalɛmə daai, di laa ka: Ə gɔwɔ tɔɔ Ɉuda taaɠaa hu, Israɛlə, ɉaláá laa həli nuą, Levi huwuhu nuą, ɉaláá koló kɛ nuą, da Salomɔn nwɔ tínuą lonnii nu kəlee ə hee nąn gwɛlin mɛ̨i, bɔ taai.

Nehemi 7:57

Salomɔn nwɔ koló kɛ nuą lonnii, diɛ ɓaa a: Sotai lonnii, Soferɛtə lonnii, Perida lonnii,

Tɔɔɓɛlaa dɔlɔɔ 9:15

Tɔɔmun Salomɔn ə pɔlɔtɛ kóló laa nuą mɛ̨i, di Yai-Laa hee pɛlɛ́ tɔɔ, da yaa kpinįi tii ɲíi pɛlɛ, di Ɉerusalɛmə mąąkpɛ hį́i tɔɔ, di non dɔɔ ɉu, di ɉu hon ɉɛnŋąą tɔɔ di lɔwai. Di Hasɔrə taa tɔɔ, di Megido taa da Gɛzɛrə taa tɔɔ.

Tɔɔɓɛlaa dɔlɔɔ 5:13

Ə wulɔ huwui lɔpee gəlee mąą mɛ̨nį ɓo, ə mą kɛ kpitili ŋɛ̨i kɛ Liban da isopə ŋɛ̨i a kulɔ pɛlɛ́ nwąną ɓai. Ə huwɔɠaa mąą mɛ̨nį ɓo, da nwɛ̨nįɠaa, tala huwɔɠaa da hɔ̨nwɔ̨leeɠaa.

Nwun mąąɓo 2:20

Yai-Laa ə níiɲąnwąną Israɛlə lonnii diɛ, yɛ diɛ: «Mįnɛ̨i wɔlɔ kwa nu huwui ŋɛ̨i di nąnni ku ɉəɠə, yai ŋą́ kɛ di nąnni diɛ, ka mąąwiɛ, di wɛi daa mąą kala, di hvo nwóó hon ni.

Dutɛrɔnome 20:11

Da hvaa mą, da di wɔ taa kponŋąą laaɓo ka tɔwɔ, nui lɔpee a kɛ daai tii hu, a lɛɛ kɛa ka yee mu a kóló kɛ nuą.

Zasua 17:13

Kɛlaa, yii kɛa Israɛlə nuą hvaŋą ə kɛnɛ̨, Kanaan nuą di lɛɛ di yeemu a luwɔɠaa, diɛ pɔlɔtɛ koló kɛ diɛ; di hvo di kulɔ nɔi.

Nwun mąąɓo 3:1

Nu huwuɠaai Yai-Laa ə di lɛɛ laa, yɛ Israɛlə nuą yiiɠaai di hvo Kanaan kɔ́i kɔ́, yɛ di hukɔɔn a diɛ, di laa ka:

Tɔɔɓɛlaa dɔlɔɔ 9:20

Nu kpulu tamąą di lɛɛ nɔi, diɛi di hvo kɛ a Israɛlə nu huwu, diɛ ɓa: Amɔrə nuą, Hɛtə nuą, Pelezzi nuą, Hivi nuą, da Ɉebusə nuą, yiliɠaa ɓə di hvo kɛ a Israɛlə lonnii ta.

Kɔlɔnikɔ Maa-ŋuŋ 22:2

Davidə ə mo nwɛ̨ąąi kpɔ kɛ Israɛlə lɔi hu, di gəlee ɲąąkpɔn, ə lɛɛ, ə kwɛni kulɔ nuą kulɔ, diɛ pɛli kwɛni haɠai, əgɛ, di pa Yálá nwɔ pɛlɛ́i tɔɔ la.

Kɔlɔnikɔ Veerɛi 8:8

Di lonnii tii lɛɛ nɔi, di pu, Israɛlə lonnii di hvo di paai, Salomɔn ə di hon a pɔlɛtɛɠaa ə mą kɛ yiihu.

Hanwon 12:24

Nui nwalaa, gaa pai tɔɔlaa kɛi; Kɛlaa, hviɲɛ kulɔmun nwɛi, hvɛɛ da gbaan goló laa mą.

Zasua 16:10

Kɛlaa, Kanaan nuąi tii kɛ heeni Gɛzɛrə, Israɛlə hvo di kpɛ. Kanaan nuąi tii di lɛɛ Ɛfraimə lonnii lɔwai, ə mą kɛ háákəlee. Kɛlaa, di kɛ a di wɔ kólo kɛ nuą.

Nwun mąąɓo 1:36

Amɔrə nuą di wɔ lɔi ɲɛn ə kɛi həɠə Edɔmə lɔi kwɛlɛ pələ, yɛ li voló həɠəi pələ, yɛ tɛ Ɲɔ̨n-gaalə Yee ɓa.