Tɔɔɓɛlaa dɔlɔɔ 8:9 - Yálá laawoo hɛɓɛ (dc)

⁹ Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Yálá laawoo hɛɓɛ

⁹ Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Bible

⁹ Sɛŋ da kpɛ́ni fɛ́ kɛ́ ní Gbanaŋ-woo-kɛɛ Gãlai su fɛ̂ɛ nɔ́ gɔni-ƃela feerɛi nyíi Mose è dípù zu Sânai yeei ma, ƃɛ́i ma Yâwɛɛ è Gbanaŋ-wooi kɛ̀ naa da Eezuɛ-ŋai díloai dí kuláa Ize lɔii sui.

Tɔɔɓɛlaa dɔlɔɔ 8:9 Referans Kwoze

Lɛɛ gbɔwɔ ɓa 25:21

Ə́ gəhi laa kalan bɛlɛ gəhi mɛ̨i, mįnɛ̨ kwɛni ɓɛlai gáá pai dɛɛi ə́ pɔ, ə́ naa gəhi hu.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

Lɛɛ gbɔwɔ ɓa 40:20

Gwɛni ɓɛlaɠaai Yálá ə díɓoɠaa pɛ̨ɛ̨ mą, ə di laa mįnɛ̨ kəhi hu, ə gəhi kpəŋə wuluɠaa lɔ mą, ə naa kalan bɛlɛ mɛ̨i.

Kɔlɔnikɔ Veerɛi 5:10

Hɛn da hvo kɛ gəhi hu, hvo kɛli gwɛni ɓɛla hveelɛi ŋɛ̨i Moisə ə naa laa Horɛbə yee ɓa, ɓɛlɔwai Yai-Laa da Israɛlə di mįnɛ̨ həɠə la di kulaa Eziptə lɔi hu.

Dutɛrɔnome 4:13

Ə nwɔ mįnɛ̨i hukulɔ kaa, a tɔ́n bow, yɛ kɛ ka bɔ yíi ɓo; ə di pɛ̨ɛ̨ kpəlin mɛla hveelɛ mɛ̨i.

M̀ɛni-lɛɛi 15:8

Ɛlɛɛ, Yálá hee pɛlɛ́ laa ə hvɛɛ a lulu, Yálá nwɔ mąąwiɛlaa, da ŋą yəi kɛnɛ̨laa mąą mɛ̨nį ɓa. Ɛlɛɛ, nui lɔpee ta hva pɛli kɛ lɔi yálá hɛlɛ́n, ə lɛɛ ɉu, mɔ̨nɔ̨ mɛ̨ihveelɛi tii malaka mɛ̨ihveelɛi tii yəi, bɔ mɛ̨nį ə kɛ.

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Tɔɔɓɛlaa dɔlɔɔ 8:21

Ɛlɛɛ, ŋą́ą́ kɛɛnąą ta pɛli kpɔ bɛlɛ́i tii mu, ɓɛi mįnɛ̨ kəhi mąą nɛ̨ɛ̨ ə hee laa. Yaai mįnɛ̨i da ku nąnni di ɉəɠə gaa ɉu, ɓɛlɔwai ə di kulɔ la Eziptə lɔi hu.»

Dutɛrɔnome 31:26

«Gəhi lon tii Yai-Laa ka wɔ Yálá nwɔ mįnɛ̨ kwɛni ɓɛlaɠaa kaa laani ɉui, ka dɔ́n ɉɛɓɛ́ həɠə ka naa gwɛlɛ. Yili ɓə pai kɛi a kɛla.

Lonon mo 17:10

«Ka kulɔ nu kpului ŋɛ̨i lɔwai, ŋį́ di hukala kpɔlɔɔ yiihu.» Moisə da Aarɔn di pɛlɛ nɔi ɓa.

Lonon mo 9:15

Ɲələi ŋɛ̨i di gee kaa kələ tɔɔ la; tulɔ kpinįn ə yɛɛ, ə pɛlɛ mɛ̨i, ɓɛi ŋɛ̨i mįnɛ̨ kəhi ə kɛ laai. Yələ wulii pɔ, ə kɛ nąą nwun mɛ̨i yɛ nwɔ̨n gɛ pələ, ə lɛɛ ɉu yələ ə ɓɔ.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Lɛɛ gbɔwɔ ɓa 16:33

Moisə yɛ Aarɔn ɓa: «Hɛn ɲąŋą ta həɠə, ə́ manə kəgən ɉu tɔ̨nɔ̨ həɠə, ə́ bu ɉɛnɲąŋąi ti hu, yili pulu, ə́ ɉee Yai-Laa lííla, ka naa hɔn mo ka huwu hu nuą mąą mɛ̨nį ɓa.»

Lɛɛ gbɔwɔ ɓa 16:10

Ɓɛlɔwai Aarɔn ə kɛi bələ ɓo la Israɛlə lonnii kəlee diɛ, ə tinɛ̨n ə ɲɛ̨i hee nɔi pun ɉu pələ, ə Yai-Laa nwɔ mąąwiɛ kaa tulɔ kpinįn ɉu.

Lɛɛ gbɔwɔ ɓa 14:24

Yələɓoi lɔwai, Yai-Laa kɛ dulɔ kpinįn ɉu da nwɔ̨n nən, ə tinɛ̨n ə ɲɛ̨i ɲɔ̨nwɔ̨ɔ̨ hee Eziptə nuą diɛ, ə di hu pu diɛ.

Lɛɛ gbɔwɔ ɓa 13:21

Hvóló a kulɔ, Yai-Laa, a kɛ hvilɛn ni di tɔwɔ a tulɔ kpinįn, yɛ di tənən dɔɔ, kpinį a pɛlɛ yɛ ɓo a nwɔ̨n nən yɛ di mąąpono gbinį hiɛ kɛɛ hu.

Lɛɛ gbɔwɔ ɓa 25:16

Gwɛni ɓɛlaɠaai gáá pai dɛɛi ə́ pɔ, yá naa gəhi hu.

Kɔlɔnikɔ Veerɛi 5:9

Gbɔnŋąą tii kwɛa pələ, nu a pɛli kɛ lɛɛi gɛɛnąą mąąhəɠɛɛ ɓa yɛ nwun gaa bɛlɛ mąąhəɠɛɛ laaləi, kɛlaa, nu hvo kɛi lɛɛ ɲɛ̨nɛ̨ɛ̨ pələ yɛ di kaa, di lɔ nii laa ə mą kɛ háákələi.