Tɔɔɓɛlaa dɔlɔɔ 8:63 - Yálá laawoo hɛɓɛ (dc)

⁶³ Salomɔn ə: Nįŋɛ̨ waa pow hveelɛ kɔ́w hveelɛ, ɓooli, da ɓɛlaa waa nwun dɔ̨nɔ̨ ɲee hveelɛ kulɔ a ponaa kulɔ haláá Yai-Laa ɓa. Bələ ɓə Salomɔn da Israɛlə nuą kəlee di Yai-Laa nwɔ pɛlɛ́i laa ɓo hɛli pu la.

Yálá laawoo hɛɓɛ

⁶³ Salomɔn ə: Nįŋɛ̨ waa pow hveelɛ kɔ́w hveelɛ, ɓooli, da ɓɛlaa waa nwun dɔ̨nɔ̨ ɲee hveelɛ kulɔ a ponaa kulɔ haláá Yai-Laa ɓa. Bələ ɓə Salomɔn da Israɛlə nuą kəlee di Yai-Laa nwɔ pɛlɛ́i laa ɓo hɛli pu la.

Bible

⁶³ Saloma è kɛ-zu-tɔnɔɔ sala-ŋa kùla Yâwɛɛ ma. Niŋa sîrɛ wála buu feerɛ káo feerɛ (22,000), ƃála da ƃoli wála ŋuŋ tɔnɔ pôlu buu feerɛ (120,000). Nya ƃe gâloŋ da Eezuɛ-ƃelai kélee dí Ŋ̀âla-pɛrɛ Kɛ́tɛi tɛ̀ɛ Yâwɛɛ pɔ́.

Tɔɔɓɛlaa dɔlɔɔ 8:63 Referans Kwoze

Nehemi 12:27

Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Kɔlɔnikɔ Veerɛi 15:11

Ɉɛnŋąą tii di həɠə la gɔ́ ɓa, di nįŋɛ̨ nwun mɛ̨ihveelɛ, da taatɛlɛɛ pɛlɛɛ waa mɛ̨ihveelɛ kulɔ a haláá Yai-Laa ɓa.

Ɉaan 10:22

Ɉuifəɠaa di kɛi Yálá hee pɛlɛ́ kalihvaɓo mɛ̨nį mąą hɛli pu kwɛlɛ pai lɔwai Ɉerusalɛmə daai.

Mise 6:7

Yai-Laa kaa pai hvaai mą yɛ ɲee hee ɓɛlaa hilɛ waa tamąą mu? Wulɔ munuun damąą ɓə mɔ̨ɔ̨ ŋą́ gboloon naa nií la? Kulɔi ŋą́ mo nwoo mu, nąą pɛli hɛn maa mɔ̨ɔ̨ a nón ɉulɔnu tɔlɔɔ? Gɛ́ nwɔ́ nɛ̨ŋɛ̨nŋaai mąą kwələ kulɔ a gwə́i lon?

Izikiɛ 45:17

«Dɔɔmun nwųɔ tiɛ̨ ɓaa; haláá da gəlee kələn, Yálá kɔ́ haláá, nwulɔ da nɔɔ, a ɉiɛ kulɔ yələɠaa; a ɲąnin nįnɛ̨ hɛli yələɠaa, Israɛlə nwɔ pɛlɛ́i nwɔ hɛli yələɠaa kəlee. Ya ɓə a nɛ̨ŋɛ̨n mąąhvaalɛɛ haláá kulɔ, da gɔ́ mɛ̨nį, da kwɛli hvilɛn mɛ̨nį ma, da nii laa haláá; diɛ Israɛlə nwɔ pɛlɛ́i mąąhəɠə la.

Kɔlɔnikɔ Veerɛi 30:24

Hvó gaai, tɔɔmun Ezekiasə ə nįnɛ̨ hilɛ waa tɔ̨nɔ̨ da taatɛlɛɛ pɛlɛɛɠaa waa mɛ̨ihveelɛ həɠə ɉu a nu kpulu nwɔɔ; ɛlɛɛ, galanɉonŋąą di nįnɛ̨ hilɛ waa tɔ̨nɔ̨ da taatɛlɛɛ pɛlɛɛ waa pow həɠə ɉu a nu kpulu nwɔɔ. Ɉaláá laa həli nuą di di mąąhəɠə kpɔ a di kpulu kɛnɛ̨.

Kɔlɔnikɔ Veerɛi 7:5

Tɔɔmun Salomɔn ə nįŋɛ̨ waa pow hveelɛ kɔ́w hveelɛ haláá kulɔ, da taatɛlɛɛ pɛlɛɛ pɛlɛɛ waa nwun dɔ̨nɔ̨ waa pow hveelɛ. Bələ ɓə tɔɔmun da nɔi lonnii kəle di Yálá ŋą pɛlɛ́i mąąhəɠə hɛli pu la.

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Kɔlɔnikɔ Maa-ŋuŋ 29:21

Bulu ɓa yələ laaɓɔɔ di haláá kulɔ Yai-Laa ɓa, a haláá hɛnŋąąi da gəlee kələn: Nįŋɛ̨ hilɛ waa tɔ̨nɔ̨, ɓɛlaa hilɛ waa tɔ̨nɔ̨, ɓɛlaa lonnii waa tɔ̨nɔ̨, da nɔɔi mąąnɛ̨ɛ̨ di bu nɔi ɓa; di haláá tamąą kulɔ Israɛlə kəlee mąą mɛ̨nį ɓa.

Kɔlɔnikɔ Veerɛi 7:4

Tɔɔmun da nɔi lonnii kəlee di haláá kulɔ Yai-Laa ɓa.

Ɛsdrasə 6:15

Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Izikiɛ 36:38

yɛ bələi lɔ ɉaláá kulɔ taatɛlɛɛ kpuluɠaa kaa la, yɛ bələi daatɛlɛɛ kpuluɠaa da kɛ la Ɉerusalɛmə, a ɉɛli pu yələɠaa; bələ ɓə daaɠaai ŋɛ̨i a di kpoloon, di laa kaa pai hvɛɛi la, a nu kpulu. Bələ ɓə da gili kɔ́lɔn na, diɛ kɛ, ɲą́ą́ ɓə gáá a Yai-Laa.»

Mąątɛ̨nɛ̨ 30:1

Nwələi di doo a ɲələi di kɛi lúwɔ too la Davidə nwɔ pɛlɛ́ ɓa.