Tɔɔɓɛlaa dɔlɔɔ 8:51 - Yálá laawoo hɛɓɛ (dc)

⁵¹ Mąąhɔlɔɓo, ə́ wɔ nu huwui li, ə́ kwɛlin ni, nuą ə́ di kulɔ Eziptə lɔi hu hvuluun nwɔ̨n ɉu, diɛ li.

Yálá laawoo hɛɓɛ

⁵¹ Mąąhɔlɔɓo, ə́ wɔ nu huwui li, ə́ kwɛlin ni, nuą ə́ di kulɔ Eziptə lɔi hu hvuluun nwɔ̨n ɉu, diɛ li.

Bible

⁵¹ kpɛ́ni fêi, díkaa a ínûa da ípɔɔ-sɛŋ. Yá díkùla Ize, gɔli séyeŋ suluŋ kpɔlui tí sui.

Tɔɔɓɛlaa dɔlɔɔ 8:51 Referans Kwoze

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Nehemi 1:10

Ə́ wɔ nu huwui li, ə́ di nwun mąąɓo a ə́ wɔ hvaŋą kɛnɛ̨, a ə́ yee nwɔ huwalawalalaa.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Ɉeremi 51:19

Ɉakɔbə nwɛ̨i hvo tii, ya ɓə hɛn gəlee kɛ, ə lɛɛ, Israɛlə lɔi kaa a gwɛlin nɔi, naa ɓaa a: Yai-Laa; Yai-Laa Mɛ̨nį Kəlee ŋą Hééɓomun.

Azaya 64:9

Yɛ́ taa mąąhəɠɛɛɠaa daa lɛɛ a lɔi pun, Siɔn taa aa lɛɛ a gboloon, Ɉerusalɛmə ɲɛ̨i aa paa.

Kɔlɔnikɔ Veerɛi 6:39

Lɛɛ yələ kɔ́lɔn ɉu, ɓɛi tii Ə́ kaa laa, Ə́ wəli tɔɔ di woo ɓa; Ə́ wəli tɔɔ di wɔ hvɛli wooi da di wɔ nɛ̨ɛ̨mąąhvə wooi ɓa; 'di nwąną kulɔ, ɛlɛɛ, yɛ́ nu huwui a nɛ̨ŋɛ̨n ɉəɠə Yɛ́, Ə́ di mąąhvaalɛɛ.

Tɔɔɓɛlaa dɔlɔɔ 8:53

Hvó gaai, yɛ́ ɓə di tɔɔ a dee, diɛ ɓo a ə́ wɔ, ə́ kwɛlin ɓaa diɛ yɛnɛ̨ɛ̨ nuą kəlee lɔwai, yɛ bələi ə́ bu la ə́ wɔ tímun Moisə la, yɛ mo, ɓɛlɔwai ə́ ku nąnni kulɔ la Eziptə lɔi hu, yɛ́i a Yai-Laa ku wɔ Yálá.»

Dutɛrɔnome 32:9

Kɛlaa Yai-Laa nwɛi ɓaa a nwɔ nu huwui, Ɉakɔbə ə lɛɛ a gwɛlin.

Mąątɛ̨nɛ̨ 28:9

'Ə́ wɔ nuąi nwun mąąɓo, lúwɔ́ too ə́ kwɛlin ma, 'kɛ a di mɛ̨i kaamun, ə́ ə́ yee kɛ diɛ a yələ kəlee.

Azaya 48:10

Ya ka ŋɛ̨i kɛa ŋą́ą́ ə́ waa nwɔ̨n ɉu, yɛ da kɛi wali waa, ŋą́ą́ ə́ hu həɠeen a mąąwɛli mɛ̨nį.

Danîa 3:26

Yili pulu, Nabukodonosorə ə mąą lɛɠɛ vuulu laaləi, ə mo a nwoo kɛnɛ̨ yɛ diɛ: «Sadrakə, Mesakə, Abɛdə-Nego, Yálá yii gaa hɛn gəlee nwun mɛ̨i nwɔ kóló kɛ nuą, ka kulɔ nwɔ̨n ɉu ka pa!» Sadrakə, Mesakə, Abɛdə-Nego, di kulɔ nwɔ̨n ɉu.