Tɔɔɓɛlaa dɔlɔɔ 8:46 - Yálá laawoo hɛɓɛ (dc)

⁴⁶ «Ɲələi Israɛlə a nɛ̨ŋɛ̨n ɉəɠə la yɛ́, mąąhɔlɔɓo, nu ta hvo laa yii hva nɛ̨ŋɛ̨n ɉəɠə, yá ə́ liiholi di pɔ, ə́ di lɔ di yowoɠaa yee ŋą, ɛlɛɛ, nuą da di hon, di li a diɛ nwɛ̨ą lɔi hu, luwɔlaa hu, ə kɛ kwɛa la, ə kɛ kpuwɔ la,

Yálá laawoo hɛɓɛ

⁴⁶ «Ɲələi Israɛlə a nɛ̨ŋɛ̨n ɉəɠə la yɛ́, mąąhɔlɔɓo, nu ta hvo laa yii hva nɛ̨ŋɛ̨n ɉəɠə, yá ə́ liiholi di pɔ, ə́ di lɔ di yowoɠaa yee ŋą, ɛlɛɛ, nuą da di hon, di li a diɛ nwɛ̨ą lɔi hu, luwɔlaa hu, ə kɛ kwɛa la, ə kɛ kpuwɔ la,

Bible

⁴⁶ “Berei máŋ núu kélee sɔŋ ƃa la sɔnyɔ̂ŋ, à kɛ̀ ǹûai ŋí da sɔnyɔ̂ŋ kɛ̀ a yá ílii a ŋwàna dîa, ífaa ma a gɛ́ɛ díkpɔara-ƃelai dí díyee mɛi ɣále, nyii-ŋai da lí a dia luɛ-laa su ŋɔ̃ya lɔii su, kwa kóya ma kpaa máŋ díkɔlɛ ma ǹɔii da su,

Tɔɔɓɛlaa dɔlɔɔ 8:46 Referans Kwoze

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Hanwon 20:9

Gbɛɛ ɓə a pɛli kɛi diɛ: «Ŋą́ą́ nii hu mąąhəɠə, nɛ̨ŋɛ̨n və mą́ą́?»

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Mąątɛ̨nɛ̨ 130:3

Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨?

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Tɔɔɓɛlaa veelɛ 17:18

Yai-Laa ə níiholi Israɛlə pɔ kpɔ kɛnɛ̨, ə di pili kpɔ kwɛaa la, ə di həɠə ɲɛ̨i mu; Ɉuda huwu yaa tɔ̨nɔ̨ lɔ ɓə lɛɛ.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Galatə 3:22

Kɛlaa, ɉɛɓɛ́ ə mo yɛ: Nu kəlee kaa nɛ̨ŋɛ̨n ŋą huwalawala yee mu, ə gɛ, nuąi da laa Jesus Kristə la, mɛ̨nįi Yálá ə naakwɛlanmo, di ɉɔlɔɓo.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Kɔlɔnikɔ Veerɛi 6:36

«Da nɛ̨ŋɛ̨n ɉəɠə Yɛ́, hvo gaai, nu hvo laa, yɛ kɛ hva nɛ̨ŋɛ̨n ɉəɠə; ɛlɛɛ, Yá Ə́ liiholi di pɔ, nuą di hon kɔ́ hu, da li a diɛ lɔi takpɛli hu kwɛaa la, awala kɛ tii kpuɔ la,

Tɔɔɓɛlaa veelɛ 25:21

Babilonə tɔɔmun ə nuą tii kəlee paa kpɔ kpai Rivla daai Hamatə lɔi hu. Bələ ɓə di Ɉuda nɔi nuą hon na a luwɔ, di di mąą kwɛa di pɔ lɔi ɓa.

Tɔɔɓɛlaa veelɛ 17:23

Yili ɓə gɛ, Yai-Laa yɛ di kpɛ ɲɛ̨i mu, yɛ bələi ə bu la nwɔ tínuą kəlee la, diɛi kɛ a gwəi mɛ̨nį hukulɔ nuą, diɛ mo. Di Israɛlə kulɔ nwɔ lɔi hu, di li la kwɛaa la Asiri lɔi hu, gaa ni laa.

Dutɛrɔnome 29:28

«Mɛ̨nį yiiɠaa noɔ, Yai-Laa ku wɔ Yálái nwɔɔ li; yaa tɔ̨nɔ̨ ɓə gɔlɔn. Mɛ̨nį yiiɠaai aa di kulɔ pɔ̨nɔ̨ŋą, yiliɠaa kaa a ku wɔɔ kwa ku lonnii, kuɔ pɛli dɔ́n ŋɛ̨i hu wooɠaa kəlee kɛi a yələ kəlee mɛ̨nį.

Tɔɔɓɛlaa dɔlɔɔ 8:45

Yələkɔlɔn ɉu Yálá, ə́ wəli tɔɔ ə́ hvɛli woo ɓa, da nwɔ nɛ̨ɛ̨mąą woo, ɛlɛɛ, ə́ di wɔ tɛ̨ą mɛ̨nį ɲɛ̨i kulɔ, a nɛ pələ diɛ.

Mąątɛ̨nɛ̨ 130:4

Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.