Tɔɔɓɛlaa dɔlɔɔ 8:44 - Yálá laawoo hɛɓɛ (dc)

⁴⁴ «Ə́ wɔ nu huwui aa kɛi pa lii kɔ́ pɛlɛi ɲowoɠaa diɛ, yɛ ɉon a bələi ə́ kaa pai nɛi mą, da ə́ hvɛli daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa mąą mɛ̨nį ɓa,

Yálá laawoo hɛɓɛ

⁴⁴ «Ə́ wɔ nu huwui aa kɛi pa lii kɔ́ pɛlɛi ɲowoɠaa diɛ, yɛ ɉon a bələi ə́ kaa pai nɛi mą, da ə́ hvɛli daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa mąą mɛ̨nį ɓa,

Bible

⁴⁴ “À kɛ̀ ínûai da lì kɔ̂i díkpɔara-ƃelai pɔ́, tãi kélee nɔ́ ya dí tɛ̀ɛ lai, ǹyaŋ à kɛ̀ da Yâwɛɛ fɛ̀li díŋɛi tínaŋɔɔ daa-lêei naa pere nyíi í zìɣe zui, da Ŋ̀âla-pɛrɛ Kɛ́tɛi ŋí ŋá dɔ̀ɔ ílaa mɛni mai,

Tɔɔɓɛlaa dɔlɔɔ 8:44 Referans Kwoze

Kɔlɔnikɔ Veerɛi 32:20

Tɔɔmun Ezekiasə da Yálá kwəi mɛ̨nį hukulɔ mun Amɔsə lon Esai, di Yálá hvɛli mɛ̨nįi tii hu, di tómą diɛ di woo tɛ yələ kɔ́lɔn mą.

Kɔlɔnikɔ Veerɛi 18:31

Ya ɓəi gɛ, ɓɛlɔwai kɔ́-wotolo nwun nąmįną di Ɉosafatə kaa la, di kɛi kɛ diɛ: Israɛlə tɔɔmun ga tii. Di nɛɛ mą, di mąątínɛ̨n, əgɛ, di ɉon. Kɛlaa, Ɉosafatə ə tómą, Yai-Laa ə kpɔnmąą tɛɛ bɔ, Yálá ə di ɲɛ̨i tínɛ̨n ə ɉəɠə mą.

Kɔlɔnikɔ Veerɛi 6:34

«Ə́ wɔɔ nuąi daa kɛi pa lii kɔ́ pɛlɛi di yowoɠaa diɛ, diɛ ɉon a bələi Yá nɛ diɛ, da di ɲɛ̨i tinɛ̨n di ɉee, daai ŋɛ̨i Ə́ ɉəɠə ɉu, da bɛlɛ́i ŋɛ̨i ŋį́ dɔɔ Ə́ laa ɓa, diɛ Ə́ hvɛli,

Tɔɔɓɛlaa dɔlɔɔ 8:16

Ə kɛ ną́n ma: ‹Ə həɠə volói ŋɛ̨i ə nwɔ nu huwu Israɛlə kulɔ la Eziptə lɔi hu ɓa, və́ kɛi taa ta həɠə ɉu Israɛlə nuą lɔwai ɓɛi ŋą pɛlɛ́ tɔɔ laa a náá mąąwiɛ pɛlɛ́. Kɛlaa ŋą́ Davidə həɠə ɉu ŋą́ ɉee nwɔ́ nu huwu Israɛlə nwun na.›

Samia Veerɛi 5:23

Davidə ə Yai-Laa mąąnin gɛ, yili yɛ mą: «Hvo bələ haŋą yɛ́ li woloi diɛ. Di mąą laa, 'ə́ laa di tɔwɔ, ka diɛni ka kwiɛn nwɛla koo ɓa, nwuluɠaa tii tənən ma.

Samia Veerɛi 5:19

Davidə ə Yai-Laa mąąni kɛ, yɛ mą: «Akɛti mąąnɛ̨ɛ̨ ŋą́ li ŋą́ pɛlɛ Filisti nuą diɛ a kɔ́, ə́ kaa pai di lɔi ɲéé ŋą?» Yai-Laa yɛ Davidə ɓa: «'Li! A tɛ̨ą, gáá pai Filisti nuą lɔi ə́ yee ŋą.»

Samuɛlə dɔlɔɔ 30:8

Davidə ə Yai-Laa mąąnin gɛ, yɛ mą: «Ŋą́ pɛli hvilɛn ɉii nu kpului tii pulu, gáá pai di hon ɉii ɓai?» Yai-Laa yɛ mą: «Hvilɛn di pulu, ə́ kaa pai di hon ɉii, ə́ ə́ wɔ nuąi kaa, ə di kulɔ di yəi.»

Samuɛlə dɔlɔɔ 15:18

Yai-Laa ə ə́ tɔɔ kɔ́ ɓa, ə mo yɛ́, yɛ kɛ yɛ́: ‹Li! Amalɛkə nuąi ŋɛ̨i a nɛ̨ŋɛ̨n ɉəɠə nuą, ə́ gəlee paa kpɔ tɛ̨ɛ̨tɛ̨ɛ̨, hvo húlu maa hɛn nɔpee ta lɛɛ.›

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Nwun mąąɓo 6:14

Yai-Laa ə tínɛ̨n yɛ Zedeɔn ɓa: «Vaŋąi tii gaa ə́ yə́i, li ə́ Israɛlə nwun mąąɓo la Madian nuą yəi. Ɲą́ą́ ɓə ə́ tɔɔi.»

Nwun mąąɓo 4:6

Debora ə Avinoamə lon Barakə təli, yai kɛ a Kɛdɛsə, Nɛftali lɔi hu mun. Yɛ mą: «Yai-Laa Israɛlə nwɔ Yálá, yii ə mo ya ka, yɛ: ‹Ə́ li ə́ nu waa pow ŋąąkpɔn Tabɔrə yee ɓa, ya di həɠə Nɛftali lonnii da Zabulɔn lonnii di lɔwai.

Tɔɔɓɛlaa dɔlɔɔ 8:45

Yələkɔlɔn ɉu Yálá, ə́ wəli tɔɔ ə́ hvɛli woo ɓa, da nwɔ nɛ̨ɛ̨mąą woo, ɛlɛɛ, ə́ di wɔ tɛ̨ą mɛ̨nį ɲɛ̨i kulɔ, a nɛ pələ diɛ.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Kɔlɔnikɔ Veerɛi 20:5

Ɉosafatə ə kɛ tɔɔni, Ɉerusalɛmə nuą da Ɉuda nuą daa mąątinɛ̨n. Di ɲąąkpɔn tii too Yai-Laa yəi bɛlɛ́ laaləi gwəli hɛ̨ąi nįnɛ̨ ɓa.