Tɔɔɓɛlaa dɔlɔɔ 8:38 - Yálá laawoo hɛɓɛ (dc)

³⁸ Vɛli ɓo nwun ə kɛ a mɛ̨nįi lɔpee, ə kɛ a mɛ̨nį huwui lɔpee gəlee mąą nɛ̨ɛ̨mąą hvə nwun, mąą nu ə kɛ a ə́ wɔ nu huwui Israɛlə mun da, mąą nu kili a pu ɉu yɛ kɛ mɔ̨nɔ̨i tii naa mɛ̨i ɉutɔɔ mɔ̨nɔ̨ li, mɔ̨nɔ̨i tii a kpanwo niiɓa, mąą nu a ɲɛ̨i tinɛ̨n bɛlɛ́i ŋɛ̨i pɔ pələ, ə́ ə́ hvɛli;

Yálá laawoo hɛɓɛ

³⁸ Vɛli ɓo nwun ə kɛ a mɛ̨nįi lɔpee, ə kɛ a mɛ̨nį huwui lɔpee gəlee mąą nɛ̨ɛ̨mąą hvə nwun, mąą nu ə kɛ a ə́ wɔ nu huwui Israɛlə mun da, mąą nu kili a pu ɉu yɛ kɛ mɔ̨nɔ̨i tii naa mɛ̨i ɉutɔɔ mɔ̨nɔ̨ li, mɔ̨nɔ̨i tii a kpanwo niiɓa, mąą nu a ɲɛ̨i tinɛ̨n bɛlɛ́i ŋɛ̨i pɔ pələ, ə́ ə́ hvɛli;

Bible

³⁸ da Ɣâla fɛ̀li kpaa máŋ dí kpera fêi kɛ́, dítɛi-tɛi kélee da gɔ̀lɔŋ dílii su a gɛ́ɛ yâ díkula-maa kɛ̀, da díyee tɛ̀ ɣelêi Ŋ̀âla-pɛrɛ Kɛ́tɛi ŋí naa pere,

Tɔɔɓɛlaa dɔlɔɔ 8:38 Referans Kwoze

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Tɔɔɓɛlaa dɔlɔɔ 8:22

Yili pulu, Salomɔn ə haŋą ə tɔɔ Israɛlə nuą kəlee ɲɛ̨i ɓa, Yai-Laa nwɔ haláá kulɔi lííla, ə ɲee kəlee tɛ ɲələi;

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Azaya 37:4

Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Hanwon 14:10

Nu kili a gbɔwɔ nwɔ liiɲąnwąną kɔ́lɔn, ɛlɛɛ, da nu ta di hva kpɔn nwɔ kwəinɛ̨ɛ̨ ɓa.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:9

Hvóló ɲą, Yai-Laa ə kɛi ɉón a tələnmolaa, kwiihɛ̨ą, ŋą́ kɛi Naa tɛ a wələ woo, gɛ́ Yálá hvɛli, yai tii a nwɔ́ yɛnɛ̨ɛ̨.

Mąątɛ̨nɛ̨ 42:6

Níi wolo! Ə́ kaa mąąwɛli hee ɓoi, yɛ́ ə́ woo laa mɛ̨́i, lə mɛ̨nį ɓa? 'Ə́ kilitɔɔ Yálá ɓa! A tɛ̨ą, gáá nwɔ̨nɔ̨ pai Naa tooi a wələ, Yai a Yálá, ɲɛ̨ilain a málo.

Zôo 7:11

Yili ɓa, və́ pai pɛlii náá pilɛi; nwɔ́ mɔ̨nɔ̨ mįi lɔwai, gáá pai kɛi lɔ nwóó hukulɔi. Gáá lɔ pai kɛi nwóó laai, nwɔ́ mɔ̨nɔ̨ mįi pələ ɓa.

Kɔlɔnikɔ Veerɛi 6:29

Akɛ Israɛlə Ə́ wɔɔ nu huwui, awala kɛ tii, nui lɔpee gəlee ta, gili a pu nwɔ ɲɔ̨n mɛ̨nį hu, awala kɛ tii nwɔɔ mɔ̨nɔ̨ hu, vɛliɓo nwun nɔpee da naa həli Yɛ́, nɛ̨ɛ̨mąą hvə woo nwun nɔpee da naa həli Yɛ́, di ɲɛ̨i hiɛ bɛlɛ́i ŋɛ̨i pɔ pələ,

Lomaŋ 7:24

Ee kə! Kpalo aa gáá-e! Gbɛɛ ɓə pai gúloi ɉaa kɔ́lɔi ŋɛ̨i hu?

Lɛɛ gbɔwɔ ɓa 9:29

Moisə yɛ mą: «Ya lɔ ɓaa ŋą́ kulɔ daa pulu, gáá pai ɲéé tɛi Yai-Laa pɔ pələ, ɲələgbąnąą kɔ́lɔ kaa pai haai mą, hanwon va kɛa pu, ya ɓə a gɛ, ə́ gɔlɔn yɛ́: Yai-Laa pɔɔ ɓaa lɔi.

Tɔɔɓɛlaa dɔlɔɔ 8:37

«Akɛ pulu a too nɔi, kwəi kulɔ ɲɔ̨n ə pɛlɛ nuą diɛ, akɛ kolo a lɔ ɉihɛnŋąą hu, Peeləɠaa da poninŋąą diɛ kɛɛ kala nɔi, ə mą kɛ di yowoɠaa daa di mąątinɛ̨n a kɔ́, ə mą kɛ a mɛ̨nį ɲąąnwąnąą huwui lɔpee gəlee, ə kɛ a ɲɔ̨n ɉuwui lɔpee gəlee.

Tɔɔɓɛlaa dɔlɔɔ 8:39

Ee Yai-Laa, lɛɛ yələkɔlɔn ɉu, ɓɛi ə́ kaa laa, ə́ ə́ wəli tɔɔ, ə́ mąąhvaalɛɛ, ə́ ə́ kɛ mɛ̨nį kɛ ɉu; ə́ ɉon yɛ bələi ə túwɔ́ la. Mąąhɔlɔɓo, ə́ gwəi kɔ́lɔn, yaan, yɛ́ tɔ̨nɔ̨ lɔ ɓə nu kanŋaa kwəi kiliŋąhiɛ kɔ́lɔn.

Zôna 2:4

Ə́ bíli gboloyá hu, ŋą́ yɛɛ kpɔ ɲá kpon ɉu, ɲá ə mą́ą́ tinɛ̨n nąą kəlee; ə́ ɲáɠilin da ɲá hvuluun dɛɛ mɛ̨́i.

Levetekɔ 13:12

Kɛlaa, volóɲɔ̨n ɉu a kɛnɛ̨ nu kɔ́lɔ ɓa, yɛ ɓo gɔlɔ nąą kəlee, ə həɠə nwuɔ̨ ə həli la gɔwɔ ɓa, ɓɛi lɔpee ɉaláá laa həli mun ɲɛ̨i a həli laa,