Tɔɔɓɛlaa dɔlɔɔ 8:33 - Yálá laawoo hɛɓɛ (dc)

³³ «Ə́ wɔ nu huwu Israɛlə a nɛ̨ŋɛ̨n ɉəɠə yɛ́, ɲowow yee a tɛɛ mą kɔ́ hu, gɛ nɛ̨ŋɛ̨n tii mąą mɛ̨nį ɓa; a pənə a pa ə́ pɔ, yɛ ə́ laa mąąwiɛ, yɛ ə́ hvɛli, yɛ nɛ̨ɛ̨mąą hvə yɛ́ bɛlɛ́i ŋɛ̨i mu,

Yálá laawoo hɛɓɛ

³³ «Ə́ wɔ nu huwu Israɛlə a nɛ̨ŋɛ̨n ɉəɠə yɛ́, ɲowow yee a tɛɛ mą kɔ́ hu, gɛ nɛ̨ŋɛ̨n tii mąą mɛ̨nį ɓa; a pənə a pa ə́ pɔ, yɛ ə́ laa mąąwiɛ, yɛ ə́ hvɛli, yɛ nɛ̨ɛ̨mąą hvə yɛ́ bɛlɛ́i ŋɛ̨i mu,

Bible

³³ “À kɛ̀ ínûai Eezuɛ-ƃelai kpɔara-ƃela da díyee mɛi ɣàle kɔ́ su, kpɛ́ni fêi, dí sɔnyɔ̂ŋ kɛ̀ à yá, ǹyaŋ à kɛ̀ da tìnaŋ pôlu ípɔ pere, dí dísɔnyɔ̂ŋ ƃó, díkɛ ífɛ̀li a maa-yeŋ pere, a gɛ́ɛ í dísu-mɛni lɛɛ Ŋ̀âla-pɛrɛ Kɛ́tɛi ŋí mu,

Tɔɔɓɛlaa dɔlɔɔ 8:33 Referans Kwoze

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Mąątɛ̨nɛ̨ 44:10

Ya ka yáá ku pili, yáá ku ɲɛ̨i paa. Hvó lɛɛi kɛa ku wɔ kɔlaɠaɠaai pɔ, káá li kɔ́ mɛ̨i.

Zasua 7:8

Nɛ̨ɛ̨ yɛ́, nwɔ́ mɛ̨nį Nąmu! Mɛ̨nį a kɛ ŋɛ̨i, lə ɓə ŋą́ pɛli moi, ɓɛlɔwai kɛa Israɛlə lonnii daa di pulu tɔɔ la di yowoɠaa diɛ?

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Tɔɔɓɛlaa dɔlɔɔ 8:34

Ee kə Yai-Laa, lɛɛ yələkɔlɔn ɉu ə́ ə́ wəli tɔɔ, ə́ ə́ wɔ nu huwui nwɔ nɛ̨ŋɛ̨nŋąą mąąhvaalɛɛ, ɛlɛɛ, ə́ pənə ə́ pa a diɛ nɔi ŋɛ̨i hu ɓɛ, yai ta, ə́ dɛɛ ku nąnni pɔi.

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Tɔɔɓɛlaa dɔlɔɔ 8:48

Da pənə da pa ə́ pɔ di kwəi tɔ̨nɔ̨ mɛ̨i, a di lii kəlee, nɔi tii di yowoɠaa di li a diɛ ɉu, da kɛi ə́ hvɛli di ɲɛ̨i tinɛ̨n ŋąą di wɔ lɔi pɔ pələ, yai wɔlɔ ə́ dɛɛ di nąnni pɔi, da daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa ɓa, bɔ pələ,