Tɔɔɓɛlaa dɔlɔɔ 8:1 - Yálá laawoo hɛɓɛ (dc)

¹ Nąąlɔwai, tɔɔmun Salomɔn ə Israɛlə kalanɉonŋąą, da bɛlɛ́ nąmįną kəlee təli Ɉerusalɛmə; ə gɛ di li di Yai-Laa nwɔ mįnɛ̨ kəhii həɠə Davidə yəi gwəlii, yii da kɛ mą sion;

Yálá laawoo hɛɓɛ

¹ Nąąlɔwai, tɔɔmun Salomɔn ə Israɛlə kalanɉonŋąą, da bɛlɛ́ nąmįną kəlee təli Ɉerusalɛmə; ə gɛ di li di Yai-Laa nwɔ mįnɛ̨ kəhii həɠə Davidə yəi gwəlii, yii da kɛ mą sion;

Bible

¹ Gâloŋ Saloma è Eezuɛ nuu-pɔlɔ-ŋai tòli Zerusâlɛŋ taa-lêei su, zîi-ŋai láa túɛ-ƃelai kélee da Eezuɛ kaa-laa-ŋai láa túɛ-ƃelai, a gɛ́ɛ dí pá a Yâwɛɛ ŋɔkpanaŋ-woo-kɛ́ɛ Gãlai dí gula Zãiyɔŋ, Deeƃé ŋɔtaa-lêei su a gɛ́ɛ dí pá la Ŋ̀âla-pɛrɛ Kɛ́tɛi mu.

Tɔɔɓɛlaa dɔlɔɔ 8:1 Referans Kwoze

Kɔlɔnikɔ Maa-ŋuŋ 15:25

Davidə, Israɛlə kalanɉonŋaa da gɔ́kulaa nwun nąmįną di li di Yai-Laa nwɔ mįnɛ̨ kəhii həɠə a kwəinɛ̨ɛ̨ Ovɛdə-Edomə pɔɔli.

Piɛrə dɔlɔɔ 2:6

Mąąhɔlɔɓo, bɛ̨ɛ̨i ɉɛɓɛ́ hu, diɛ kɛ: «Gáá pai pɛlɛ́ kɔ́wɔ hvilɛn gwɛni laai Siɔn, a kwɛnii daa ɉəɠə ɉu, mąą mɛ̨nį nwąnąą, ɛlɛɛ, nui a gilitɔɔmą, gwəi hva pili mą.»

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Mąątɛ̨nɛ̨ 102:21

Yɛ nwəli tɔɔ gahonąminą ɲiŋɛ̨ woo ɓa, nuąi daa di kiti tee a di paa mɛ̨nį, yɛ di nwun mąąɓo.

Mąątɛ̨nɛ̨ 9:11

Nuąi ə́ laa kɔ́lɔn, da di kilitɔɔ yɛ́, hvó gaai, nuąi da ə́ kwɛli, Yai-Laa, hvá ə́ yee kulɔ di mu.

Ɛsdrasə 3:1

Ɲąnįn mɛ̨ihveelɛ lɔwai, Israɛlə nuą kəlee di həɠə di wɔ taaɠaai hu, di kəlee di pa, di di ɲąąkpɔn Ɉerusalɛmə daai, yɛ nu tɔ̨nɔ̨.

Kɔlɔnikɔ Veerɛi 30:1

Ezekiasə ə Israɛlə nuą da Ɉuda nuą kəlee təli, əgɛ di pa Yai-Laa nwɔ pɛlɛ́i laaləi Ɉerusalɛmə daai di Israɛlə nwɔ Yálá Yai-Laa ŋą pakə hɛlii pu. Ə ɉɛɓɛ́ kɛ ə da tɛɛ Ɛfraimə nuą diɛ da Manase nuą diɛ.

Kɔlɔnikɔ Maa-ŋuŋ 28:1

Davidə ə Israɛlə ɲąąwooɓo nuą kəlee ɲąąkpɔn Ɉerusalɛmə, ə bɛlɛ, nɔi nwun nąmįną diɛ, gɔláɠa nwun nąmįnąi kpɔ kɛ tɔɔmun ɲee mu, da nuąi kɛ a nu waa nwundɔ̨nɔ̨ nąmįną, nuąi kɛ tɔɔmun da nonnii di wɔɔ hɛngɔwɠaa da daatɛlɛɛ kəlee nwun na, da gbɛtɛgbuwuɠaa, da nuąi tɔɔmun nonnii mɛ̨ikaa mɛ̨nį nwun na, ə mą kɛ, yiiɠaai kɛ gɔɓuwu nwun na, da nu kpɛa-kpɛaɠaa kəlee.

Kɔlɔnikɔ Maa-ŋuŋ 15:29

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laa ə tɔɔmun Davidə kaa yɛ mąną a kwəinɛ̨ɛ̨, mɛlɛ ə kpɛɛ gwəi.

Kɔlɔnikɔ Maa-ŋuŋ 15:3

Davidə ə Israɛlə nuę kəlee ɲąąkpɔn Ɉerusalɛmə daai, ə gɛ di Yai-Laa nwɔ mįnɛ̨ kəhi həɠə di paa la ɓɛi di bɛli mąą mɛ̨nį ɓa.

Kɔlɔnikɔ Maa-ŋuŋ 11:7

Davidə ə hee gulaa kwəli. Mɛ̨nįi gɛ, diɛ kɛ nąą laa ɓaa: Davidə taa, yaa li.

Tɔɔɓɛlaa dɔlɔɔ 3:15

Salomɔn ə ɲɛ̨nąą ɓo, ə gaa yɛ Yai-Laa ka tii mɛ̨nį ɓo mą hįi pələ. Ə li Ɉerusalɛmə, ə gbɔwɔ lɛ Yai-Laa ɓa nwɔ mįnɛ̨ kəhii lííla, haláái da gəlee kələn, da pɔnaa kulɔ haláá, ə yiliɠaa kulɔ Yai-Laa ɓa, yili pulu, ə nwɔ ɲɛ̨itɔwɔ nuą ɓɛlɛ hee.

Samia Veerɛi 6:6

Di həliɛ Nakɔn nwɔ mɔ̨nun dan ɉii. Uza ə ɲee haŋą Yálá nwɔ kəhii pɔ pələ, ə ɲee too ɉu, mąąhɔlɔɓo, nįŋɛ̨ɠaa di kɛi gɛ mu takpa-takpa, diɛ kɛ di doo.

Zasua 24:1

Ɉosue ə Israɛlə lonnii kəlee təli, di di ɲąąkpɔn Sisɛmə daai, ə mą kɛ, Israɛlə kalanɉonŋąą, da nɔi ɲąąwooɓo nuą, bɛlɛɛ, giti tee nuą diɛ, da ɉɛɓɛ́ kɛ nuą. Di pa di tɔɔ Yálá lííla.

Zasua 23:2

nąąlɔwai ɓə ə Israɛlə lonnii kəlee ɲąąkpɔn na; nwɔ kalanɉonŋąą, ɲɛ̨itɔwɔ nuą, nwɔ kiti tee nuą, ə mą kɛ, nwɔ hɛɓɛ́ kɛ nuą, yɛ diɛ: «Ŋą́ą́ pɔlɔ kɛa,

Lonon mo 1:4

Nu tɛitɛi həɠə nu huwu kəlee lɔwai diɛ ɓo a pɛlɛ́ nąmįną di hvilɛn ka pɔ.

Tɔɔɓɛlaa dɔlɔɔ 2:10

Davidə ə laa ɲee tɔ̨nɔ̨ mɛ̨i, di noo Davidə taa.