Tɔɔɓɛlaa dɔlɔɔ 7:48 - Yálá laawoo hɛɓɛ (dc)

⁴⁸ Salomɔn ə Yai-Laa hee pɛlɛ́ mu hɛnŋąą kəlee kɛ. Ə ɉaláá kulɔi kɛ a hɛni, ə Yálá kɔ́i kɛ a hɛni, diɛ Yálá kɔ́ nɛɠɛ laa.

Yálá laawoo hɛɓɛ

⁴⁸ Salomɔn ə Yai-Laa hee pɛlɛ́ mu hɛnŋąą kəlee kɛ. Ə ɉaláá kulɔi kɛ a hɛni, ə Yálá kɔ́i kɛ a hɛni, diɛ Yálá kɔ́ nɛɠɛ laa.

Bible

⁴⁸ Saloma è Yâwɛɛ ŋɔɣâla-pɛrɛ kɛ́tɛi mu tii-kɛ sɛŋ-folo-ŋai kélee kpɛ̀tɛ máŋ. Gôo ɣala-teƃelei da Yâwɛɛ ŋɛ́i-tuɛ kpoloi see teƃelei.

Tɔɔɓɛlaa dɔlɔɔ 7:48 Referans Kwoze

Kɔlɔnikɔ Veerɛi 4:8

Ə taɓali pow pɛli, ə di hvilɛn ɉɛli pɛlɛ mu, ə nɔɔli hvilɛn ɓa-mįi-yee hu pələ, ə nɔɔli hvilɛn kɛɓɛyee hu pələ. Ə kpələ-hɛnɲąŋą nwun dɔ̨nɔ̨ pɛli a hɛni.

Lɛɛ gbɔwɔ ɓa 39:36

Nɛɠɛ laa taɓali da gwɛlɛ hɛnŋąą, ɛlɛɛ, da ɉaláá lɛɠɛ.

Korɛntə dɔlɔɔ 10:21

Ka hva pɛli mą ka hvo ka kpələ a gu Ną́mu nwɔ kpələ kɔwɔi, káá nwɔ̨nɔ̨ ká kpələ a ɲinɛ̨nŋaa di wɔ kpələ kɔwɔ. Ká hva pɛli kɔ̨nɔ̨n mįi gu Ną́mu nwɔ kɔ́wɔi hu, káá nwɔ̨nɔ̨ ká yee lɔ ɲinɛ̨nŋaa di wɔ kɔ́wɔi hu.

Malasi 1:12

Kɛlaa, ka wɛi, ka nwɔ́ kɛnɛ̨ laa hviiɓo, gɛ mɛ̨nį kaa kɛ diɛ: «Námu nwɔ haláá kulɔi ɓɛlɛ hvo mą, taatɛlɛɛ lɔpee a nɛ̨ɛ̨ nu ɓa, ya ɓə a gulɔ laa a haláá.»

Izikiɛ 44:16

Diɛ ɓə pai kɛi lɔi nwɔ́ kɛɛnąą maahəɠɛi ɓa, diɛ lɛɠɛ nwɔ́ haláá kulɔi ɓa; diɛ mą́ą́ mɛ̨nį ɲɛ̨i kulɔ; diɛ nwɔ́ tɔ́nŋaai maa yɛlɛ kɛ.

Izikiɛ 41:22

haláá kulɔi, ə ɓo a wulu, mɛ̨i kwɛa yee ə ɓo a yee tɔɔɉu haaɓa, gwɛa yee ə ɓo a yee tɔɔɉu hveelɛ. Nwəli laɠaa di kɛ mą, gbonoɠaa di ɓo laa, di ɓo a wulu. Ɉulɔnui tii yɛ mą́ą́: «Ɉaláá konwolon Yai-Laa lííla, ya ka tii.»

Izikiɛ 40:42

Haláá kulɔi nąąn di kɛ a haláái da gəlee kələn Yálá ɓa nwɛi, di ɓo a kwɛni ɓɛla haɠaa. Di kwɛa pələ ə kɛ a yee tɔɔɉu tɔ̨nɔ̨ da gbulɔ; di ɲąą kɛnɛ̨ pələ ə ɓo a yee tɔ̨nɔ̨ da gbulɔ; di kɔ́wɔɠaa di ɓo a yee tɔɔɉu tɔ̨nɔ̨. Daɓaliɠaai tii mɛ̨i ɓə daatɛlɛɛɠaa nwun dee ɓɔwaɠaa kaa laa lani.

Izikiɛ 40:39

Bɛlɛ́i tii ɲimɛ̨n mu, taɓali hveelɛ ə kɛ ɓɛ pələ, da ɓɛ pələ; di mɛ̨i ɓə, da Yálá kɔ́ haláá taatɛlɛɛ nwun dee laa, da nɛ̨ŋɛ̨ɲ mąąhvaalɛɛ haláá taatɛlɛɛ, da nu pɔɔ ŋą pɛli haláá nwɛi.

Kɔlɔnikɔ Veerɛi 4:19

Salomɔn ə Yálá yəi bɛlɛ́n ɉɛnŋąą kəlee kɛ: Ə Yálá kɔ́i bɛli a hɛni, nɛɠɛ kpįnįn naa taɓaliɠaa,

Lɛɛ gbɔwɔ ɓa 40:26

Ɉaláá kəhii ti a ɉɛni, ə́ ɉee gee kaa kələ mu, ɉəɠə ɓɛla ɲɛ̨i tɔwɔ.

Lɛɛ gbɔwɔ ɓa 39:38

Ɉaláá kulɔi kɛ a hɛni, mąątí wulɔ, lansan, ɛlɛɛ, ɉəɠə ɓɛlai kɛ pɛlɛ ni bɛlɛ́ laaləi.

Maafîu 12:4

Di lɔ Yálá hee pɛlɛ́ mu, nɛɠɛ ŋɛ̨i kɛ naakwɛlanmoɔ Yálá ɓa, di ɉəɠə diɛ mį́i. Kɛlɛi gu wɔ tɔ́n yɛ: Ɉaláá laa həli nuą lɔ ɓə mąąnɛ̨ɛ̨ di yili mį́į́-e?

Tɔɔɓɛlaa veelɛ 12:13

Nwalii tii ɓə, bɛlɛ́ tɔɔ nuą, da gwɛni mąą haɠa nuą di kɛi nwuluɠaa da gwɛniɠaa ya la; ɓɛɠaai Yai-Laa nwɔ pɛ́lɛ́i aa kɛ kala laa, nąąɠaa pɛli mɛ̨nį ɓa, Yai-Laa nwɔ pɛ́lɛ́i góló kɛ mɛ̨nį kəlee hu.

Tɔɔɓɛlaa veelɛ 24:13

Ə li a Yai-Laa yəi bɛlɛ́n ɉɛnŋąą kəlee da tɔɔmun ɲəi bɛlɛ́n ɉɛngu kəlee. Ɉaláá kulɔ hɛnɠaa kpɔ Israɛlə tɔɔmun Salomɔn ə di pɛli, ə gəlee kala. Mɛ̨nį Yai-Laa ə mo, nąą ə hvɛɛla.

Tɔɔɓɛlaa veelɛ 25:15

Tɔɔmun mąąkpɛ kɔ́kulááɠaa di nwun nąmu, ɉɛnŋaai kɛ a hɛni da wali kwɛli ə ɉəɠə, ə bɛlɛ lansan kələn hɛnɲąŋąɠaa, da nuą mąąhəɠə hɛnɲąŋąɠaa ɓa.

Zôo 28:1

Wali kulɔi kaa mą, hɛni waai ə ɓo mą,