Tɔɔɓɛlaa dɔlɔɔ 7:2 - Yálá laawoo hɛɓɛ (dc)

² Ə gbɛa tɔlɔɔ bɛlɛ́ tɔɔ, ə naa hee a Liban wɛla. Bɛlɛ́ dɔɔ ɉu ə kɛ a yee laa mą nwun dɔ̨nɔ̨, ŋąą ə ɓo a yee laa mą pow lɔɔli, dɔɔmɛ̨i ə ɓo a yee laa mą pow haaɓa. Ə kpitili wulu tɔɔ mu a ɲɛli nąąn, ə da pɛlɛ nwuɔ̨, yili ə ɓo lɔ nwɔ̨nɔ̨ a kpitili wulu.

Yálá laawoo hɛɓɛ

² Ə gbɛa tɔlɔɔ bɛlɛ́ tɔɔ, ə naa hee a Liban wɛla. Bɛlɛ́ dɔɔ ɉu ə kɛ a yee laa mą nwun dɔ̨nɔ̨, ŋąą ə ɓo a yee laa mą pow lɔɔli, dɔɔmɛ̨i ə ɓo a yee laa mą pow haaɓa. Ə kpitili wulu tɔɔ mu a ɲɛli nąąn, ə da pɛlɛ nwuɔ̨, yili ə ɓo lɔ nwɔ̨nɔ̨ a kpitili wulu.

Bible

² Ŋɔkâloŋ-pɛrɛ kɛ́tɛi dɔnɔ láa ƃé kɛ̀ a Lɛƃanɔŋ wolai. Ŋɔkôya è kɛ̀ a kɔ́ɔ pîlani ŋuŋ tɔnɔ pôlu buu lɔ́ɔlu, ŋɔsu-kɛ̂tɛ kɛ́ ƃò a kɔ́ɔ pîlanii buu lɔ́ɔlu mɛi feerɛ káo lɔ́ɔlu. Ŋɔmɛi kôya è kɛ̀ a kɔ́ɔ pîlanii buu náaŋ káo lɔ́ɔlu. È bɛ́rɛi yée mu nɔ̃ɔ-ŋai kpɛ̀yɛŋ ŋ̀ɛli ma gîe kɔlɛ náaŋ-naaŋ é sîda wuru-ŋa maa kɛ́ɛ nɛ̃ɛ-nɛ̃ɛ láa díŋa.

Tɔɔɓɛlaa dɔlɔɔ 7:2 Referans Kwoze

Tɔɔɓɛlaa dɔlɔɔ 10:17

Ə mą kɛ hémé pɛlɛɛ-pɛlɛɛ nwun ɉaaɓa, gəlee di ɓo a hɛni, dɔ̨nɔ̨ ə ɓo a kilə tɔ̨nɔ̨ da gbulɔ. Tɔɔmun ə ɉɛnŋąą tii laikɛ, bɛlɛ́i di kɛi kɛ mą: «Liban wəla», mu.

Kɔlɔnikɔ Veerɛi 9:16

Ə pənə ə gbala pɛlɛɛ-pɛlɛɛ nwun ɉaaɓa pɛli a hɛni, hɛni kilə haaɓa ɓə di dɛitɛi yɔ̨w la. Tɔɔmun ə di laa Liban wəla pɛlɛ mu.

Wɛli 7:4

Ə́ ɲįnį hveelɛi kaa yɛ yonŋaa, di kulaa di kee ɓa yɛ lomą lonnii.

Tɔɔɓɛlaa dɔlɔɔ 10:21

Tɔɔmun Salomɔn kpələ hɛɲąŋą kəlee di kɛ a hɛni, Liban wəla mu hɛnŋąą kəlee di kɛ a hɛni leelee, da hvo kɛ a wali kwɛli. Tɔɔmun Salomɔn nwɔ yələi, wali kwɛli dɔlɔ hvo kɛ mą.

Tɔɔɓɛlaa dɔlɔɔ 9:19

ə mą kɛ daaɠaa kpɔ tii nwɔ kɔ̨nɔ̨n gələɠaai di kɛ ɉu. Ə mą kɛ da daa yiiɠaai nwɔ wotoloɠaa di kɛ ɉu da ɉooɠaa. Ɓɛi kpɔ nɛ̨ɛ̨ Salomɔn ɓa, ə nąą kəlee tɔɔ Ɉerusalɛmə, Liban lɔi hu, ə mą kɛ nɔi yiiɠaai kɛ ɲee mu.

Tɔɔɓɛlaa dɔlɔɔ 7:3

Ə bɛlɛ́ gbaan bu a kpitili wulu, yii kɛ bɛlɛ lɔnwɔ̨ pow nąąn kɔ́w lɔɔlii tii tɔɔ mu; ɲɛli tɔ̨nɔ̨ ə ɓo a wulu pow kɔ́w lɔɔli.

Tɔɔɓɛlaa dɔlɔɔ 9:1

Ɓɛlɔwai tɔɔmun Salomɔn ə kpɛɛ la a Yai-Laa hee pɛlɛ́ tɔɔ, da dɔɔ pɛlɛ́, da yiiɠaa kpɔ ə kɛ bɔ ə gɛ, ə yili kəlee kɛ.

Azaya 22:8

Daa Ɉuda mɛ̨ikpuluhəɠə kulɔi mɛ̨i. Mąą yələ, bɛlɛ́i ɲɛ̨i kɛ nwɛla hu pələ, ya ɓə ka ɲɛ̨i həɛi kɛ mą, ɓɛi gɔ́ kɔ́ hɛnŋąą kaa laa.