Tɔɔɓɛlaa dɔlɔɔ 6:7 - Yálá laawoo hɛɓɛ (dc)

⁷ Di bɛlɛ́i tii tɔɔ a kwɛnii di kɛi mąąhaɠa gwɛni lɔwa la. Di bɛlɛ́ tɔɔ, kwɛli hɛn nɔpee ta tin və tɔɔ laa.

Yálá laawoo hɛɓɛ

⁷ Di bɛlɛ́i tii tɔɔ a kwɛnii di kɛi mąąhaɠa gwɛni lɔwa la. Di bɛlɛ́ tɔɔ, kwɛli hɛn nɔpee ta tin və tɔɔ laa.

Bible

⁷ Ŋ̀âla-pɛrɛ Kɛ́tɛi tɔɔ kɔ̂ni-ŋai nyíi dí dèe yɛ̂ɛ bîleki-ŋai dí díkpɛ̀tɛ gɔni teɛɛi su ǹyaŋ tãi dí pà là a gɔni-ŋai ŋâla-pɛlɛi tɔɔ sui, dífe ŋɔ́nɔ da tée ní ma. Dí ǹáa nɔ́ é pɔri ǹâai. Núu da fé tíi kɛ́ kɔli-sɛŋ da kélee tíŋ mɛni ní naa yɛ̂ɛ kpɔ́-kpɔ, yûɔ, kpaa máŋ tíi kɛ́ kɔli-sɛŋ da kélee.

Tɔɔɓɛlaa dɔlɔɔ 6:7 Referans Kwoze

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Hanwon 24:27

Ə́ kɛ kolóɠaa laa kulɔ ni ɲɛnɛ̨ɛ̨ pələ, ə́ ə́ pɔ yɛa mɛ̨nį ɲɛ̨i kulɔ; yili pulu, yá pɛli kɛa mą ə́ ə́ wɔ pɛ́lɛ́i tɔɔ.

Lɛɛ gbɔwɔ ɓa 20:25

Kɛlaa, ka kɛ bɔ ka haláá kulɔi pɛli mą́ą́ a kwɛni, mąą hvo nɛ̨ɛ̨li, ka hvo gwɛni mąą haɠa, mąąhɔlɔɓo, kwɛli pɔɔ a kɛ mą, a kɛ ti, kaa mąąliɓi.

Kolosə 1:12

'ká gu Ną́n mąmąɓo, yai gɛ, guɔ gu wɔɔ hɔlɔɓo nu mąąhəɠɛɛɠaa kwɛlin ɉu, yələkwəi.

Korɛntə veelɛ 5:5

Nui gu pɛli tínąą tii mąą mɛ̨nį ɓa, Yálá kpinįi ɓə. Yaa ɓə gu kɔ a ŋą Kilii yəi mɛ̨inɛ̨ɛ̨ dɔlɔɔ.

Lomaŋ 9:23

bələ ɓə Yálá ə kɛ la bɔ ə nwɔ mąąwiɛlaa too la pono ŋą gu ɲɛ̨i ɓa, a guɔi ŋɛ̨i aa gu ɲɛ̨imąąwɛli kaa, aa gu həɠə ɉu, ə gɛ, gu nwɔ mąąwiɛlaai ta hɔlɔɓo.

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Azaya 42:2

Hvo pai kɛi tómąi, hva hvaa lɔ tii yaɠa yaɠa, nwoo hvo pai kɛi tɔɔi kwəli hɛ̨ąiɠaa,

Zĩi 1:20

gbala ə too, nu ŋą lííholi hva Yálá ŋą tələnmolaa pɔ mɛ̨nį kɛ.

Tɔɔɓɛlaa dɔlɔɔ 6:6

Gulɔ-gbunmaɠaai tii kɛ mu pələ di kɛ a yee laa mą lɔɔli; ɉąąi nwɛi ə ɓo mɛ̨ida, ɉaaɓa kɛɛnąą, yee laa mą mɛ̨ihveelɛ. Di kɛi gbədələn bɛlɛɛ kɛ Yálá hee pɛlɛ́ ɓa, diɛ tɛ la, di yili kɛ tii bɛlɛ́ ɓa ɲɛnɛ̨ɛ̨ pələ, ə gɛ ə ɲee hee gulɔ-gbunma mu, bɛlɛ́ hvo pa ɓɛlai.

Tɔɔɓɛlaa dɔlɔɔ 6:8

Gulɔ-gbunmai ŋɛ̨i kɛ mu pələ, naaləi ə kɛ bɛlɛ́ mamįiyee hu pələ. Di mɛ̨nɛ̨ɠaa kɛ mą, yii nuą di kɛi tɛ mą, diɛ lɔ gulɔ-gbunma ɉąąi mu, ə mą kɛ ɉaaɓa kɛɛnąą mu.