Tɔɔɓɛlaa dɔlɔɔ 6:35 - Yálá laawoo hɛɓɛ (dc)

³⁵ Ə pənə nwɔ̨nɔ̨, ə mąąkpɛ malaka, gwala laa da ə wulu powa mąąnįnįn ɉəɠə mą, ə hɛni yá hiɛ mą.

Yálá laawoo hɛɓɛ

³⁵ Ə pənə nwɔ̨nɔ̨, ə mąąkpɛ malaka, gwala laa da ə wulu powa mąąnįnįn ɉəɠə mą, ə hɛni yá hiɛ mą.

Bible

³⁵ È Ɣâla-taa kooŋ-sãa, pãai wuru-ŋa da felaƃa fúloŋɔɔ-ŋa pɔkɔɔŋ kpɛ̀tɛ dîa é dímɛi pɛ́lɛ gwaa kélee a gôo ɣaleɛ́ɛ fɛŋ-fɛŋ lɛ́lɛɛ.

Tɔɔɓɛlaa dɔlɔɔ 6:35 Referans Kwoze

Tɔɔɓɛlaa dɔlɔɔ 6:18

Nwulu ɓɛlaɠaa tii kɛ bɛlɛ́ nwąną ɓa, di hɛnŋaa mąąnįnįnŋąą həɠə mą, daɠaa di ɓo a gbąmąɠaa, da wulu powa lɛlɛɛɠaa mąąnįnįn. Nwulu ɓɛlai tii kəlee ə kɛ a kpitili, nu hva pɛli kɛ bɛlɛ́ nwąną kaai.

Tɔɔɓɛlaa dɔlɔɔ 6:34

Di kpon mɛla tɔ̨nɔ̨ ə kɛ a bɛlɛɛ gee la hveelɛ, diɛ pɛli volóon ɉii, diɛ bɛlɛ gee la; bələ ɓə gəlee hveelɛi di kɛ la, di ɓo a siprə wulu.

Tɔɔɓɛlaa dɔlɔɔ 6:36

Yili pulu, ə gala tɔɔ bɛlɛ́ ɓa a kwɛni mąąhaɠaa yɛli haaɓa, ə nwəli la laa a kpitili wulu ɓɛla.

Tɔɔɓɛlaa dɔlɔɔ 7:26

Ɉɛɲąŋąi tii huwiɛ pələ ə kɛ yɛ nu yee ŋą. Nwəli la ə ɓo yɛ da wulu powa hu ɓɛla. Tuku waa hveelɛ hu yá ɓə a naahvɛɛ yá hu.

Tɔɔɓɛlaa dɔlɔɔ 7:36

Ə mąąkpɛ malakaɠaa, yalaɠaa da gwálá laaɠaa mąąnįnįn ɉəɠə ɉɛnŋąą tii kəlee diɛ. Ə ɉɛnŋąą pɛli yɛ yɔwɔɔn, ə mąą tinɛ̨n na.

Kɔlɔnikɔ Veerɛi 4:21

Nwulu powa mąąnįnįnŋąą, nabonŋąą, gbɛ̨ąɠaa, ə gəlee pɛli a hɛni huwaa kpɔ hva hva.

Kɔlɔnikɔ Veerɛi 4:22

Mɔwaɠaa, gəgən gbɛa-kpɛaɠaa, ɲá haɠa gəgənŋąą, lansan kələn ɉɛnɲąŋąɠaa, ə gəlee kɛ a hɛni huwaa kpɔ hva hva. Bɛlɛ́ laaləi, bɛlɛ́n bələ kponŋąą di laa yɛ ɓo gɛɛnąą mąąhəɠɛɛ pɔ pələ, da gbonŋąąi di laa ə kɛi ɓo bɛlɛ kɛnɛ̨ pɔ pələ, gəlee ə kɛ a hɛni.

Mąątɛ̨nɛ̨ 74:6

Ɓɛlɔwai di kɛi gbɔnŋaa yali la a yowa da madalan.

Izikiɛ 40:16

Woloɠaa ɓɔɔ kɛ gulɔ-gbinmaɠaa diɛ, da bɛlɛ́ dɔɔmuɠaa; kwɛli hɔlɔɔnŋaa tɔɔi kɛ nwoloɠaai tii la, bɛlɛ́ bələ kəlee woloɠaa ɓɔɔ lɔ nwɔ̨nɔ̨ kɛ ɲiman bɛlɛ́ nwąną ɓa, doɔ gee hu. Bɛlɛ́ dɔɔmu kəlee mąąpuɔi kɛ a gwala laa.

Izikiɛ 40:22

Nwɔ woloɠaa, nwɔ ɲimɛ̨n mu, da nwɔ gwala laaɠaa di kɛ lɔ yɛ voló ɓɛlai pələ pɛlɛ laalei nwɛiɠaa. Gbəlin kɛi tɛ laa ə kɛ mɛ̨ihveelɛ, ɲimɛ̨n mu ə kɛ nąą ɲɛ̨i tɔwɔ.

Izikiɛ 41:18

di kɛɛnąą mąąkpɛ malakaɠaa mąąnįnįn ɉəɠə laa, da gwala laa mąąnįnįn; mąąkpɛ malaka mąąnįnįn veelɛ lɔwai, di kɛi gwala laa mąąnįnįn dɔ̨nɔ̨ kɛ laa. Mąąkpɛ malakaɠaai tii, di ɲɛ̨ilai ə kɛ hveelɛ hveelɛ.