Tɔɔɓɛlaa dɔlɔɔ 5:4 - Yálá laawoo hɛɓɛ (dc)

⁴ Salomɔn nwɔ ɲąąwooɓo ə kɛ Eufratə ya voló tooi ɉɛɠɛɛ pələ, kəlee mɛ̨i, ə həɠə Tifsa yɛ li Gaza, dɔɔɓɛlaa kpɔ tii kɛ laa ɲá koo ɓa, gəlee di kɛ Salomɔn yee mu. Nɔiɠaai kpɔ kɛi Salomɔn mąą tinɛ̨n, da diɛni di kɛ nɛ̨ɛ̨laa hu.

Yálá laawoo hɛɓɛ

⁴ Salomɔn nwɔ ɲąąwooɓo ə kɛ Eufratə ya voló tooi ɉɛɠɛɛ pələ, kəlee mɛ̨i, ə həɠə Tifsa yɛ li Gaza, dɔɔɓɛlaa kpɔ tii kɛ laa ɲá koo ɓa, gəlee di kɛ Salomɔn yee mu. Nɔiɠaai kpɔ kɛi Salomɔn mąą tinɛ̨n, da diɛni di kɛ nɛ̨ɛ̨laa hu.

Bible

⁴ Kɛ́lɛ Yâwɛɛ ŋáɣâlai a nâa lii-see tɛ̀ɛ ḿbɔ ŋágoyaŋ pere-ŋai kélee ma. Núu da fé ŋɔ́nɔ tɔɔ ní ḿâ mɛni kpɔ̂lu da fé tela lâai ŋɔ́nɔ ḿâ.

Tɔɔɓɛlaa dɔlɔɔ 5:4 Referans Kwoze

Kɔlɔnikɔ Maa-ŋuŋ 22:9

Yii yáá lon ɉulɔnu kaai, yaa ɓə pai liilaa lɔi nɔi, gáá pai liilaa lɔi da gwɛlɛ lɔiɠaa di lɔwai. Naa ɓaa pai kɛi a Salomɔn. Yaa tii nwɔ hvólói hu ɓə Israɛlə kaa pai liilaa hɔlɔɓoi la.

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Mąątɛ̨nɛ̨ 72:7

Nwɔ tɔɔlaa lɔwai, Tələnmolon ə kɛ ɲąąnɛ̨ɛ̨ hu, yii kpɔ ɲąnin gaa ni hvələi, nwun na nɛ̨ɛ̨ ə kɛ nɔi!

Samia Veerɛi 7:5

«Lí, yɛ́ nwɔ́ tímun Davidə ɓa: Mɛ̨nii Yai-Laa ə mo, ya ka: Yɛ́ hvəi pai pɛlɛ́ tɔɔi mą́ą́, gɛ́ lɔ mu.

Zasua 15:47

daa kpɛa-kpɛaa, da bɛlɛɛɠaa, Gaza da nwɔ taa kpɛa-kpɛaa, da bɛlɛɛɠaa, ə lɛɛ ɉu ə həli la Eziptə gboloyá kɛnɛ̨ ɓa,.

Tɔɔɓɛlaa dɔlɔɔ 5:18

Kɛlaa, yiihui ŋɛ̨i, Yai-Laa aa liilaa tɛɛ bɔ́, kwa gwɛ́lɛ lɔiɠaa kəlee ku lɔwai, yowolaa hvo kɛa ku lɔwai, mɛ̨nį ɲąąnwąnąą takpɛli niihɛlɛn hvo kɛa mą́ą́.

Tɔɔɓɛlaa dɔlɔɔ 11:25

Rezɔn ə kɛ a Israɛlə ɲowo Salomɔn nwɔ yɛnɛ̨ɛ̨ kəlee yee mu. Mɛ̨nį ɲɔ̨nwɔ̨ɔ̨i Hadadə ə gɛ ya ɓaa: Ə wɛlikpɛɛmąąla kulɔ a Israɛlə. Ə nwɔ tɔɔlaai hee Aramə lɔi hu.

Tɔɔɓɛlaa veelɛ 18:8

Yaa kpinįi ɲee ə tɛɛ Filisti nuą diɛ; ə həli kpɔ Gaza lɔi daa pɛlɛɛɠaa da daa leeɠaa kəlee hu.

Ɛsdrasə 4:20

Diɛ tɔɔɓɛlaa huwalawalaa di wɔlɔ di muhəɠə Ɉerusalɛmə daai, di hee Eufratə ya lee voló tooi pələ lɔiɠaai tii kəlee mɛ̨i, diɛ kulɔ-kulɔ hɛnŋąą kulɔ diɛ, da nįįhɔnwɔ.