Tɔɔɓɛlaa dɔlɔɔ 5:1 - Yálá laawoo hɛɓɛ (dc)

¹ Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.

Yálá laawoo hɛɓɛ

¹ Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.

Bible

¹ Saloma kɛ́ɛ a lɛɛ ǹâŋ pɔ́ɔ ŋá a kâloŋ, Taya Kaloŋ Iraŋ nyíi kɛ̀ a Deeƃé m̀arâŋ-nuu lɛ́lɛɛ a zu kôyaai, è ǹyée mu-ƃela tɛ̀ɛ Saloma pɔ́-naa.

Tɔɔɓɛlaa dɔlɔɔ 5:1 Referans Kwoze

Kɔlɔnikɔ Maa-ŋuŋ 14:1

Hiramə ɓə kɛ a heeɓomun Tirə. Ə wəlɛɛ tɔɔ Davidə pɔ, ə bɛlɛ kpitili wulu ɓa, da pɛlɛ́ tɔɔ nuą, ə mą kɛ, wulu haɠa nuą; əgɛ, di nwɔ tɔɔ pɛlɛ́i tɔɔ.

Kɔlɔnikɔ Veerɛi 2:3

ya ka, gáá bɔ ŋį́ pɛlɛ́ tɔɔ Yai-Laa nwɔ́ Yálái ɓa, ə kɛ a pɛlɛ mąąhəɠɛɛ, diɛ hɛn gunnɛ̨ɛ̨ɠaa kələn ɉii laa nií la, haláá hɛnŋąą di ɓo lɔ laani nií la a yələ kəlee da haláá hɛn da gəlee kələn yələwala da yələwulii, a túwɔ́ yələɠaa, ɲąnįn dɔɔ nįnɛ̨ɠaa da Yai-Laa ku wɔɔ Yálái nwɔ hɛli yələɠaa; yili kaa pai kɛi tii a yələ kəlee mɛ̨nį Israɛlə lɔi hu.

Samia Veerɛi 5:11

Hiramə Tirə tɔɔmun, ə nuą tɔɔ Davidə pɔɔli, da kpitili wulu, da pɛlɛ mɛ̨i kɛ nuą, da kwɛni haɠa nuą, pɛlɛ́ tɔɔ mɛ̨nį ɓa. Di pɛlɛ́ tɔɔ Davidə ɓa.

Tɔɔɓɛlaa dɔlɔɔ 5:10

Salomɔn kili kɛnɛ̨i kɛ dɛɛ Arabə lɔi da Eziptə kilimąą nuą diɛ.

Amɔsə 1:9

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Tirə ɓa, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, nwɛli kɛ maa mįnɛ̨i ŋɛ̨i da Israɛlə nuą di ɉəɠə di kee ɓa, di hvo bɔ mɛ̨nį kɛ li; daa taa tamąą hu nuą həɠə diɛ di kwɛlɛ Edɔmə nuą diɛ.

Mąątɛ̨nɛ̨ 45:12

Əgɛ, ə́ wɛli ə too tɔɔmun ma, ə́ nwun nąmu li, 'kwɛli hvilɛn mą níila.

Tɔɔɓɛlaa dɔlɔɔ 5:13

Ə wulɔ huwui lɔpee gəlee mąą mɛ̨nį ɓo, ə mą kɛ kpitili ŋɛ̨i kɛ Liban da isopə ŋɛ̨i a kulɔ pɛlɛ́ nwąną ɓai. Ə huwɔɠaa mąą mɛ̨nį ɓo, da nwɛ̨nįɠaa, tala huwɔɠaa da hɔ̨nwɔ̨leeɠaa.

Samia Veerɛi 8:10

Toi ə non Yoramə tɔɔ yɛ li Davidə nwɔ lúwuɲɛ̨n ɉi, gɛ mɛ̨nį ɲee aa tɛɛ Hadadɛzɛrə ɓa a kɔ́. Toi ə gɛ tii, mąąhɔlɔɓo, ɲowo ɓa kɛ a Hadadɛzɛrə. Toi ə Davidə nwɔ lúwuɲɛ̨n ɉɛnŋąą kɛ a hɛnŋaa huwu ɲɛ̨i tamąą, di ɓo a: Hɛni, wali kwɛli, da ɓala kwɛli.

Azaya 23:1

Mɛ̨nįi kponąą di mo yɛ hvilɛn Tirə ɓa, ya ka: 'Ka gboo təli, Tarsisə ya ɲą kələnŋąą, mąąhɔlɔɓo, daa ka wɔ taai wolo! Pɛlɛ́ hvo kɛa laa! Kələn dɔɔi hvo kɛa laa! Di kɛɛ həɠəi Siprə lɔi hu pələ ɓə di kulɔ la mɛ̨i.

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Lɛɛ gbɔwɔ ɓa 34:24

Mąąhɔlɔɓo, ŋį́ nuą di wɔ lɔiɠaai kulɔi di yəi, gɛ́ ka wɔ lɔi hu kɛnɛ̨, nu hvo pai hɔlɔɓoi, yɛ ɲɛ̨i kulɔ ka wɔ lɔi pɔ, ɓɛlɔwai ka káá pai kɛi la Yai-Laa lííla gee mɛ̨i haaɓa kwɛlan dɔ̨nɔ̨ ɲee mu.

Lonon mo 24:7

Di wɔ yá haɠa hɛnɲąŋąɠaai laa a hvɛɛ, yɛ pu mą, tulɔ yɛ di wɔ hihɛnŋąąi lɛlɛ. Nu wala wala ta kaa pai kulɔi Israɛlə huwu hu, di kaa pai heei lɔi tamąą mɛ̨i. Israɛlə nwɔ tɔɔmun hvaŋą kɛnɛ̨i Agagə ɓa. Nwɔ tɔɔlaai hvaŋą kaa pai tɛi.

Dutɛrɔnome 20:11

Da hvaa mą, da di wɔ taa kponŋąą laaɓo ka tɔwɔ, nui lɔpee a kɛ daai tii hu, a lɛɛ kɛa ka yee mu a kóló kɛ nuą.

Samuɛlə dɔlɔɔ 10:27

Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Tɔɔɓɛlaa dɔlɔɔ 10:25

Di kəlee di kɛi pa a di wɔ hamą pilɛɠaa: wali kwɛli hɛnŋąą da hɛni hɛnŋąą, həɠəɠaa da kɔ́ kɔ́ hɛnŋąą, wulɔ kun nɛ̨ɛ̨ɠaa, hooɠaa, da tiɛ̨-həɠə hooɠaa, yili ə kɛi kɛ tii kwɛlan dɛitɛi yee mu.

Kɔlɔnikɔ Veerɛi 9:26

Ə hee tɔɔɓɛlaa kəlee mɛ̨i, ə həɠə ɲa kɛnɛ̨ɛ̨i ɓa, ə həli la Filisti nuą di wɔɔ lɔi ɓa da Eziptə nuą ɲɛ̨n mą.

Kɔlɔnikɔ Veerɛi 17:11

Di kɛi həɠə a hamą pilɛɠaa Filisti lɔi hu, diɛ paa la Ɉosafatə pɔ, a wali, da nįįhɔ̨nwɔ̨. Ə mą kɛ Arabə lɔi hu nuą di kɛi pa bɔ a taatɛlɛɛɠaa: Ɓɛlaa hilɛ waa mɛ̨ihveelɛ pulu nwun mɛ̨ihveelɛ da Ɓooli hilɛ waa mɛ̨ihveelɛ pulu nwun mɛ̨ihveelɛ.

Ɛsdrasə 4:20

Diɛ tɔɔɓɛlaa huwalawalaa di wɔlɔ di muhəɠə Ɉerusalɛmə daai, di hee Eufratə ya lee voló tooi pələ lɔiɠaai tii kəlee mɛ̨i, diɛ kulɔ-kulɔ hɛnŋąą kulɔ diɛ, da nįįhɔnwɔ.

Mąątɛ̨nɛ̨ 72:8

Nwɔ tɔɔlaai a həɠə gboloyá ɓa, ə həli la dakpɛli ɓa; ə həɠə ɲá kɛnɛ̨ ɓa, ə həli lɔi kpɛlai.

Mąątɛ̨nɛ̨ 80:12

Nwonwoɠaa di kɛi kpɔ li diɛ həli gboloyá ɓa, gbaɠa pɛlɛɛɠaa diɛ həli ɲálee kɛnɛ̨ɛ̨ ɓa.

Izikiɛ 19:11

Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.

Lukə 7:5

Mąąhɔlɔɓo, gu huwu wɛli kaa mą. Ə lɛɛ, gu wɔ Yálá hvɛli pɛlɛ́i ŋɛ̨i gaa ɓɛ, ya ɓə dɔɔ.»