Tɔɔɓɛlaa dɔlɔɔ 4:13 - Yálá laawoo hɛɓɛ (dc)

¹³ Gɛvɛrə lon mə kɛ Ramotə Galaadə lɔi nwun na; ɛlɛɛ, Manase lon Yairə nwɔ taaɠaai di ɓo ɲee mu; diɛi kɛ Galaadə lɔi hu. Argɔvə lɔi kɛ Basan nɛ̨ŋɛ̨ lɔi hu, ɓɛi taa kpɛa kpɛaa pow mɛ̨ida ə kɛ laa, mąą tinɛ̨n ŋąą a hįi, kpon ə ɓo na, nwului da naa gbon bulu, ə ɓo a ɓala kwɛli. Gəlee di ɓo ɲee mu.

Yálá laawoo hɛɓɛ

¹³ Gɛvɛrə lon mə kɛ Ramotə Galaadə lɔi nwun na; ɛlɛɛ, Manase lon Yairə nwɔ taaɠaai di ɓo ɲee mu; diɛi kɛ Galaadə lɔi hu. Argɔvə lɔi kɛ Basan nɛ̨ŋɛ̨ lɔi hu, ɓɛi taa kpɛa kpɛaa pow mɛ̨ida ə kɛ laa, mąą tinɛ̨n ŋąą a hįi, kpon ə ɓo na, nwului da naa gbon bulu, ə ɓo a ɓala kwɛli. Gəlee di ɓo ɲee mu.

Bible

¹³ Bɛŋgeƃɛ ƃé kɛ̀ Lemɔ Gilia taa leei-mɛi. È kɛ̀ Zaɛ da gbanâŋ-ŋai mɛi nyíi kɛ̀ a Manasɛ ŋɔsuui pɔɔi. È kɛ̀ máŋ Aago lɔii kpiniŋ mɛi Basãŋ. Taa buu lɔ́ɔlu mɛi da dí kɛ̀ naa siɣãŋ tinaŋɔɔ dîa, nyíi da kâa zóoŋ tòo a ƃara kpôŋ-ŋai.

Tɔɔɓɛlaa dɔlɔɔ 4:13 Referans Kwoze

Dutɛrɔnome 3:4

Gu lɔ nwɔ taaɠaai kəlee hu, taa hvo kɛ di pɔɔli yii gu hvo ɉon. Taa pow mɛ̨ida yai kɛ a Argɔvə lɔi kəlee Basan lɔi hu yii Ogə ə kɛi tɔɔlaa kɛ mɛ̨i.

Lonon mo 32:41

Manase lon Yairə ə li ə di wɔ taa pɛlɛɛɠaai hon a kɔ́, ə di laa hee a: Yairə.

Tɔɔɓɛlaa dɔlɔɔ 22:3

Israɛlə tɔɔmun aa kɛ mo nwɔ nwun nąmįną diɛ, yɛ diɛ: «Ka kili kaa ɉu kaa, Ramotə taai ŋɛ̨i Galaadə, gaa a gu wɔɔ kɛlɛi? Lə mɛ̨nį ɓa, ka gu hvo ɉəɠəi Aramə tɔɔmun ɲəi?.»

Mąątɛ̨nɛ̨ 68:15

Ɓɛlɔwai Huwalawala Kəlee Nąmu ə tɔɔɓɛlaa hu taɠa la, gɛɛnąąi tii ɓa, nąnąąn ə kɛli pu ɲee mąą kpinįɛ nwuɔ̨.

Mąątɛ̨nɛ̨ 22:12

'Hvó ə́ mąąkwɛa kpɔ tii mą́ą́, hvó gaai, mɔ̨nɔ̨ aa lɛɠɛ mą́ą́, mą́ą́ kpɔnmąą ɓomun və mą.

Tɔɔɓɛlaa veelɛ 9:14

Ɉosafatə lon Ɉehu, yai kɛ a Nimsi mąnįn, ə lɔ Yoramə mąą kilii. Ɓɛlɔwai yili da Israɛlə nuą di kɛi Ramotə Galaadə mąąkpɛ la, Aramə tɔɔmun Hazaɛlə tɔwɔ.

Tɔɔɓɛlaa veelɛ 9:1

Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.

Zasua 21:38

Gadə lonnii di wɔ lɔi hu, daaɠaai di di tɛɛ, dɔ̨nɔ̨ ə kɛ a mąąkilɛ taa, ya ɓaa: Ramotə, yii kɛ Galaadə lɔi hu, da nwɔ kpomóɠaa, Mahanaimə da nwɔ kpomóɠaa,

Zasua 20:8

Ɉurdɛn pulu pələ, Ɉeriko voló həɠəi pələ, di Bɛsɛrə kɛ a nu mąąkilɛ taa ta nɔi pun ɉu, Rubɛn nwɔ yeei ɓa, da Ramotə-Galaadə, Gadə nwɔ lɔi hu, ɛlɛɛ, Golan, Basan lɔi hu, Manase huwu nwɔ taai ta li kɛ.

Dutɛrɔnome 4:43

Daaɠaa tii ɓaa: Bɛsɛrə yii gaa nɔi pun ɉu, ɲee kpohvɛɛ lɔi hu. Rubɛn huwu nwɛi li. Gadə huwu nwɛi ɓaa: Ramotə yii gaa Galaadə lɔi hu, ɛlɛɛ, Golan taa, yii gaa Basan lɔi hu, ə ɓo a Manase huwu nwɛi.

Dutɛrɔnome 3:8

Bələ ɓə gu Amɔrə tɔɔɓɛlaa hveelɛi di wɔ lɔi kulɔ la di yəi, ə həɠə Arnɔn ɓa, ə həli la Hɛrmɔn yee ɓa.

Dutɛrɔnome 3:10

Gu ɲee hu taaɠaa kəlee hon, Galaadə lɔi kəlee, Basan lɔi kəlee, ə həli la Salka da Ɛdrɛi ɓa. Basan taaɠaai tii Ogə ə kɛ a nąą tɔɔmun.

Kɔlɔnikɔ Maa-ŋuŋ 2:23

Kɛlaa, Gesurə nuą, da Aramə nuą, di Yairə nwɔ yɛɛkɔwɔɠaa həɠə, di bɛlɛ Kenatə da ɲee mu hɛn gəlee ɓa, ə kɛ a taalee pow mɛ̨ida. Nuąi kɛ ɉu, gəlee di kɛ a Makirə lonnii, yai kɛ a Galaadə nąn.