Tɔɔɓɛlaa dɔlɔɔ 3:8 - Yálá laawoo hɛɓɛ (dc)

⁸ Ə́ wɔ luwɔi ka ə́ wɔɔ nu kpulu kɛnɛ̨i nwun na, diɛi wɔlɔ ə́ di həɠə ɉu, diɛi di kpulu hu kɛnɛ̨, nu hva pɛli di lonoi.

Yálá laawoo hɛɓɛ

⁸ Ə́ wɔ luwɔi ka ə́ wɔɔ nu kpulu kɛnɛ̨i nwun na, diɛi wɔlɔ ə́ di həɠə ɉu, diɛi di kpulu hu kɛnɛ̨, nu hva pɛli di lonoi.

Bible

⁸ Íyee mu-nuui káa ínûai sáma nyíi ya dí síɣe zui, ínuu-suu su kɛ́tɛi ŋí nyíi núu fa pɔri dílônoi kpaa máŋ é dílaa síɣei, dí táma pere ma.

Tɔɔɓɛlaa dɔlɔɔ 3:8 Referans Kwoze

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Kɔlɔnikɔ Maa-ŋuŋ 21:2

Davidə ə mo Ɉoabə da nɔi ɲɛ̨itɔwɔ nuą diɛ, yɛ diɛ: «'Ka li ka Israɛlə nuą lonon, ə həɠə Beɛrə-Seva ə li la Dan. Yili pulu, ka pa ka gwɛlanmo kɛ mą́ą́, əgɛ, ŋą́ kɛ a nu kwɛni kɔ́lɔn ŋąą.»

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Mąątɛ̨nɛ̨ 78:71

ə kɛ taatɛlɛɛɠaa pulu, yɛ dəli, əgɛ a nwɔ nu huwui Ɉakɔbə, da ɉɔlɔɓo lɔi Israɛlə di ɲąąkɔnmun.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Levetekɔ 26:9

Gáá pai ka kwəi nwun ɉi, kaa lon damąą hɔlɔɓo, gɛ́ nwɔ́ mįnɛ̨i laa hɔn mo gwa kaani gu lɔwai.