Tɔɔɓɛlaa dɔlɔɔ 3:12 - Yálá laawoo hɛɓɛ (dc)

¹² yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.

Yálá laawoo hɛɓɛ

¹² yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.

Bible

¹² ŋa pâi m̀ɛnii kɛ̂i yɛ̂ í maa mare-kɛ̂ɛ kɛ̀ mai. Ŋa pâi táre támaa tɛɛ̂i ípɔ da mɛni ŋá káa é tɛ́ɛ nyíi kélee ma núu da a wɔ́lɔ zɔlɔ ƃó ítuɛi kpaa máŋ é tɛ́ɛ nyíi kélee ma núu da a pâi wɔ́lɔ zɔlɔ ƃôi ŋ̀éniɛi ŋí sui.

Tɔɔɓɛlaa dɔlɔɔ 3:12 Referans Kwoze

Ikilisiati 1:16

Ŋą́ kɛ gbɔwɔ ɓa: Ɲą́ą́ ka, ŋą́ą́ kɛnɛ̨, ŋą́ą́ kili hɔlɔɓo; ŋą́ą́ tɛɛ dɔɔɓɛlaa yiiɠaa kpɔ daa tɛɛ dɔ́wɔ́, ɓɛ Ɉerusalɛmə diɛ. Yaan, nwɔ́ mɛ̨nį kɔ́lɔn ŋąą, da gíli ə kɛnɛ̨ yɛnɛ̨ɛ̨ mɛ̨nį kɔ́lɔn ŋąą hu a neelee.

Maafîu 12:42

Yálá nwɔ kiti teei lɔwai, dɔɔnɛ̨ɛ̨nu ŋɛ̨i həɠə voló tooi pələ, a muhəɠə, ə tɔɔ, da háákələi nuą, əlɛɛ, ə gití kala diɛ. Mąąhɔlɔɓo, nɛ̨ɛ̨nui tii ə həɠə kpɔ lɔi kpɛlai, yɛ pa Salomɔn nwɔ kilimąą wooɠaai mɛ̨n ɉii. Yaan, nui ka káá gaai, gɛnɛ̨i dɛɛ Salomɔn ɓa!»

Tɔɔɓɛlaa dɔlɔɔ 5:12

Hanwon ə ɉɔɔ, ə kɛ waa haaɓa, wələ waa tɔ̨nɔ̨ wələ lɔɔli ɓə ə doo.

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Kɔlɔnikɔ Veerɛi 2:12

Gáá kani yɛlɛmun da tɛɛ yɛ́ yiihu, a mɛ̨nį kɔ́lɔnmun, naa ɓaa a Hiramə-Abi.

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Tɔɔɓɛlaa dɔlɔɔ 2:9

Yiihui ŋɛ̨i kɛa, hvó gaa yɛ nui hɔn və mą. Mąąhɔlɔɓo, ə́ wɛi, ə́ kaa a kilimąą mun; mɛ̨nįi mąąnɛ̨ɛ̨ ə́ gɛ la, yɛ́ kpinįi ɓə gɔlɔn. Bələi mąn nwun bowaa la, hvó nɛɛ laa, hvo gbɔwɔ ɓa haa ɓo.»

Ikilisiati 1:13

Mɛ̨nįɠaai da kɛ tɛɛi yələkɔlɔn mu, ŋą́ gəlee mąąkpɛɛ kpɔ a nɛlɛɛ, a nwɔ́ kili mɛ̨nį, əgɛ, ŋą́ di kɛ mɛ̨nį nwun gɔlɔn. Kɛlaa, yili kaa a líihɛlɛn da yii Yálá a doo nu lonnii diɛ.

Mąątɛ̨nɛ̨ 10:17

Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Tɔɔɓɛlaa dɔlɔɔ 2:6

Yili ɓa, kili kaa yɛ́, túwɔ́ la yɛ bələi kili kaa la yɛ́. Hvó nɛɛ laa hvo pɔlɔ liilaa hu, nwun və powa.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Danîa 1:17

Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Dutɛrɔnome 34:9

Yálá ə mɛ̨nį kɔ́lɔn gili tɛɛ Nun lon Ɉosue pɔ kpɔ kɛnɛ̨; mąąhɔlɔɓo, Moisə ə ɉuɓo Ɉosue hu a ɲee pɛlɛɛ nwuɔ̨. Ə həɠə kɛa ɲələ ɓa, yaa tii ɓə Israɛlə lonnii di kɛ nwoo ŋą, dɔ́n ŋɛ̨i Yai-Laa ə dɛɛ Moisə pɔ, di hvilɛn ŋąą bulu.

Tɔɔɓɛlaa dɔlɔɔ 5:9

Yálá ə kili da nwun gɛ ɉu laa tɛɛ Salomɔn pɔ kpɔ a ɉu kɛnɛ̨, mɛ̨nįi a nu kwəi pili mą gbaŋala kaa laa walaa, gulɔ nɔwai kɛ laa walaa yɛ gboloyá kwɛlɛ ɲɛ̨ą kɔ́w.

Kɔlɔnikɔ Maa-ŋuŋ 29:25

Yai-Laa ə Salomɔn kɛnɛ̨ kpɔ kpąą Israɛlə nuą kəlee ɲɛ̨i ɓa, ɛlɛɛ ə nwɔ tɔɔlaai mąąɲįnɛ̨n gɛ mą, ɲɔ̨nwɔ̨mąn və ta kɛli mą a Israɛlə tɔɔmun da.

Nehemi 13:26

Kɛlɛi mɛ̨nį huwui ŋɛ̨i ɓə wɔlɔ gɛ, Israɛlə tɔɔmun Salomɔn yɛ nɛ̨ŋɛ̨n ɉəɠə-ee? Kaa kpinįi ka gaa, hį́i lɔpee gəlee lɔwai, tɔɔmun da nwɔ tɔɔlaa hvo həli Salomɔn nwɛi pɔ, nwɛli ə kɛ nwɔ Yálái ɓa, ə lɛɛ, Yálá ɓə ɉee Israɛlə nuą nwun na a tɔɔmun. Kɛlɛi yaa tii ɓə nwɛ̨ą nɛ̨ąą di ŋąą nɛnɛn, di nɔ nɛ̨ŋɛ̨n ɉu.