Tɔɔɓɛlaa dɔlɔɔ 22:6 - Yálá laawoo hɛɓɛ (dc)

⁶ Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

Yálá laawoo hɛɓɛ

⁶ Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

Bible

⁶ Eezuɛ kaloŋ è Ɣâla ŋɔlóno kɛ́-ƃelai tòli díkîe ma. Dí kɛ̀ yɛ̂ɛ núu ŋuŋ náaŋ. È dímarê kɛ̀ ǹyɛɛ dîai, “Ŋa pɔri liî a gɛ́ɛ ŋá kɔ́ Lemɔ Gilia pɔ́, kpaa máŋ ŋá kpéra?” Dí zu tòo, “Lí, kpɛ́ni fêi, Yâwɛɛ a pâi dɛɛ̂i gâloŋ pɔ́.”

Tɔɔɓɛlaa dɔlɔɔ 22:6 Referans Kwoze

Tɔɔɓɛlaa dɔlɔɔ 18:19

Yiihu kɛa, Israɛlə nu huwu kəlee ɲąąkpɔn gwɛ́lɛ Karmɛlə yee nwuɔ̨, ə mą kɛ Baalə laa yəli kɛ nuą nu nwun nąąn yee lɔɔli; da Asera laa yəli kɛ nuą, nu nwun nąąn, diɛi da Ɉezabɛlə ni da kɛ kɔ̨nɔ̨n mįi gee ɓa.»

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Kɔlɔnikɔ Veerɛi 18:14

Di pa, di həli tɔɔmun ma, yili yɛ Mise ɓa: «Mise! Akɛtii, kwa pɛli mɔ̨ɔ̨ lii ku kɔ́ pɛlɛ Ramotə ɓa Galaadə, awala kɛ tii, ŋį́ náá kulɔ ɉu?» Mise yɛ mą: «Ka li-o! Gɔ kaa kpɔ lii nɛ̨ɛ̨i kaa!»

Tɔɔɓɛlaa dɔlɔɔ 22:15

Mise ə pa, ə həli tɔɔmun ma, tɔɔmun yɛ mą: «Mise! Akɛti, mąąnɛ̨ɛ̨ kwə li ku kɔ́ pɛlɛ Ramotə taa ɓa, yai gaa Galaadə, awala kɛ tii, ku lɛɛ ɓɛ? Yɛ́ lə?» Mise yɛ tɔɔmun mą: «Li! Ə́ yee kaa lii lɔi, Yai-Laa kaa lii taa tii tɛɛi nwɔ́ tɔɔmun bɔ.»

Tɔɔɓɛlaa dɔlɔɔ 22:5

Yili pulu, Ɉosafatə yɛ Israɛlə tɔɔmun ma: «Yai-Laa mąąnin gɛ, ə́ nwɔ kiliŋąhiɛ kaa mɛ̨nįi ŋɛ̨i hu.»

Tɔɔɓɛlaa dɔlɔɔ 22:10

Israɛlə tɔɔmun da Ɉuda tɔɔmun di kɛ heeni dɔɔ kpəlinŋąą hu, di wɔ tɔɔ həɠəɠaai di ɓo di kwąną, di heɛ Samari taa ɉį́i la. Yálá kwəi mɛ̨nį hukulɔ nuą diɛ Yálá kwəi mɛ̨nį ɓo di lííla.

Tɔɔɓɛlaa veelɛ 3:13

Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.

Tɔɔɓɛlaa veelɛ 10:19

A kɛ tii, ka Baalə laayəlikɛnuąi kəlee təli, di di ŋąąkpɔn gwɛ́lɛ; nuąi kpɔ da mąą mɛ̨nį kɛ, nwɔ haláá laa həli nuą kəlee, nu ta lɔpee hvo lɛɛ pulu. Mąąhɔlɔɓo, gáá bɔ, ŋą́ haláá kɛnɛ̨ kulɔ Baalə ɓa. Nui lɔpee a lɛɛ pulu, da baa.» Kɛlaa, gbąnąlaa ka tii Ɉehu ə kɛi naa, ə gɛ, ə Baalə nwɔ tínuą paa.

Azaya 36:10

Və́ hvólómun kɛ bɔ, və́ kɔ́ pɛlɛ nɔi ɲɛ̨i ɓa ɉu wolo mɛ̨nį ɓa Yai-Laa tɛɠii; Yai-Laa yaa kpinįi ɓə kɛ mą́ą́: ‹'Kɔ́ pɛ́lɛ́ nɔi tii ɓa, ə́ ɉu kalaɠala.›»

Tɔɔɓɛlaa dɔlɔɔ 12:9

Yɛ diɛ: «Ɛlɛɛ kaa ŋɛ̨i, kaa lə? Woo lə kɛɛ ɓə gwa nuąi ŋɛ̨i woo pulu pənə la? Diɛi kɛi mą́ą́: ‹Diɲɛ̨i ə́ nąn ə naa ku nwuɔ̨ da kulɔ mą.›»

Tɔɔɓɛlaa dɔlɔɔ 18:20

Akabə ə Israɛlə nuą kəlee təli da Baalə laa yəli kɛ nuą Karmɛlə yee nwuɔ̨.