Tɔɔɓɛlaa dɔlɔɔ 22:48 - Yálá laawoo hɛɓɛ (dc)

⁴⁸ Tɔɔmun hvo kɛ heeni Edɔmə lɔi hu, kɛlaa, ə ɲɛ̨ikɔw ta hee laa.

Yálá laawoo hɛɓɛ

⁴⁸ Tɔɔmun hvo kɛ heeni Edɔmə lɔi hu, kɛlaa, ə ɲɛ̨ikɔw ta hee laa.

Bible

⁴⁸ Zeosafa è tîma-ŋa kpɛ̀tɛ pɔni-tɔɔ mɛni ma a gɛ́ɛ díkɛ lì Ofi gôo yá mɛni ma, kɛ́lɛ dífe wɔ́lɔ tíi kɛ́ ní a dia. Dí lɛ̀ɛ seeni Eziɔŋ Gebe dí kàra.

Tɔɔɓɛlaa dɔlɔɔ 22:48 Referans Kwoze

Tɔɔɓɛlaa dɔlɔɔ 10:22

Tarsisə kələnŋąą di kɛ tɔɔmun ɲəi gboloyá ŋą, diɛ hiɛ kulɔ da Hiramə nwɛiɠaai, ɛlɛɛ, kwɛlan ɉaaɓa tɛɛ pələ tɛitɛi kəlee, gələnŋąą tii di kɛi pa di laahvɛɛ a hɛniɠaa, da wali, da hə́lə́ ɲin, kwalaɠaa, da nwɛ̨nį huwu lɛlɛɛɠaa diɛ kɛ di laa ɓaa: Paon.

Tɔɔɓɛlaa dɔlɔɔ 9:26

Tɔɔmun Salomɔn ə kələnŋąą pɛli Esiɔn-Gɛvɛrə, Eilatə kwɛlɛ, gboloyá kponą kwɛlɛ Edɔmə lɔi hu.

Tɔɔɓɛlaa dɔlɔɔ 9:28

Da li Ofirə, da pənə da pa, da pa a hɛni, tɔɔmun Salomɔn pɔ a hɛni kilə waa pow kɔ́w hveelɛ.

Zôna 1:3

Ɉonasə ə pu, ə tɛɛ yɛ li Tarsisə daai pələ, ə gɛ, ə now Yai-Laa ɓa. Ɉonasə ə li Ɉafa daai, ə kələn da kaa laa gɛ pələ pɛliɛ kɛa yɛ li Tarsisə daai pələ. Ɉonasə ə gələn ɉala tɛɛ, ə tɛ diɛ li, ə gɛ ə now Yai-Laa ɓa.

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Azaya 2:16

A həli, Tarsisə nwɔ ya ŋą kələn gbɛa-kpɛa diɛ, da ya ŋą kələn nɛlɛɛɠaa.

Mąątɛ̨nɛ̨ 48:7

Di mąą ə kɛi kpɛlin, diɛ kpəlaan, yɛ nɛ̨ɛ̨nu a kɛi kwəi nwąną kɛ.

Mąątɛ̨nɛ̨ 45:9

Ə́ mąąhəɠəɠaa kaa lɔ a mirə wulɔ, a alowɛsə wulɔ da kanɛlə wulu kɔlɔ. Wələ nɛ̨ɛ̨ɠaa kaa kulɔi dɔɔ pɛlɛ́ mun, a dɔɔ pɛ́lɛ́i dɔɔ a hə́lə́ ɲįn.

Kɔlɔnikɔ Veerɛi 25:7

Kɛlaa, Yálá ŋą nu ta ə pa ə mo mą, yɛ mą: «Tɔɔmun! Mąą hvo nɛ̨ɛ̨li Israɛlə kɔ́kuláa tɔ̨nɔ̨ kpɛli hvo kɛ ə́ pɔ; mąąhɔlɔɓo, Yai-Laa hvo Israɛlə pɔ, a Ɛfraimə lonnii tii kəlee!

Kɔlɔnikɔ Veerɛi 20:21

Ɉosafatə da nɔi lonnii di di nwun dɔɔ, əgɛ, di nuą tɔɔ kɔ́kuláaɠaa ɲɛ̨itɔwɔ, diɛ Yai-Laa laa tɛ, diɛ nwɔ kɛnɛ̨ laa mąąhəɠɛɛ mąątɛ̨nɛ̨ wələ tɔɔ, diɛ kɛ mą: «'Ka Yai-Laa laa tɛ, gbala ə tɔɔ, a kulɔ nwoo ɓa, ɲɛ̨n deei hvo mą!»

Kɔlɔnikɔ Veerɛi 9:21

Gbalai tɔɔ, kələnŋąą di kɛ tɔɔmun ɲəi, di kɛi li Tarsisə da Hiramə nwɔ nuą, ɛlɛɛ, kwɛlan ɉaaɓa haaɓa, Tarsisə kələnŋąą di kɛi pa a hɛni, wali, hə́lə ɲin, kwala da nwɛ̨niɠaa.

Tɔɔɓɛlaa dɔlɔɔ 22:49

Ɉosafatə ə kələn kpɛa kpɛaa pɛli, ə gɛ, diɛ li Ofirə diɛ hɛni kwɛli. Kɛlaa, di hvo pɛli lii, mąąhɔlɔɓo, gələnŋąą di kala Esiɔn-Gɛvɛrə.

Zɛnɛse 27:37

Isaakə yɛ mą: «Ŋą́ą́ gbɛa gɛ a ə́ wɔ mɛ̨nį nąmu, ŋą́ą́ gaayɔwɔɠaa kəlee lɔ ɲee mu, mɔ̨nun da lɔɔ di kaa pai kɛi ɲəi kɛnɛ̨. Hɛn da hvo laa və́ gɛ yɛ́, nón.»

Samia Veerɛi 8:14

Davidə ə lɔi ɲąąwooɓo nuą hee Edɔmə lɔi nwun na, ə nwun nąmįną hee Edɔmə lɔi kəlee nwun na. Edɔmə nuą kəlee di lɛɛ Davidə yee mu. Bələ ɓə Yai-Laa ə kɛi kɔ́ nɛ̨ɛ̨ la Davidə ɓa ɓɛi lɔpee a li laa.

Tɔɔɓɛlaa veelɛ 3:9

Israɛlə tɔɔmun da Ɉuda tɔɔmun, ɛlɛɛ, Edɔmə tɔɔmun di hvilɛn gea bələ ɓa. Di kpɛlaan-gbɛlaan, di hvóló mɛ̨ihveelɛ kɛ diɛ hiɛ, ya ə kpɛɛ kɛa nu kanŋaa da ɉuwɔɠaa mąn di yəi.

Tɔɔɓɛlaa veelɛ 8:20

Yoramə nwɔ yələi, Edɔmə nuą di kulɔ Ɉuda tɔɔlaa yee mu, di di kpɔwɔ ɓa tɔɔmun ɉee.