Tɔɔɓɛlaa dɔlɔɔ 22:14 - Yálá laawoo hɛɓɛ (dc)

¹⁴ Mise yɛ mą: «Yii kpɔ Yai-Laa kaa a vulú, mɛ̨nįi Yai-Laa kaa lii kɛi mą́ą́: ‹Mo!› ya ɓə gáá lii moi.»

Yálá laawoo hɛɓɛ

¹⁴ Mise yɛ mą: «Yii kpɔ Yai-Laa kaa a vulú, mɛ̨nįi Yai-Laa kaa lii kɛi mą́ą́: ‹Mo!› ya ɓə gáá lii moi.»

Bible

¹⁴ Kɛ́lɛ Mikâya è mò ǹyɛɛi, “Yɛ̂ɛ berei Yâwɛɛ káa la ɣele ma a tɔ̃yâi, m̀ɛnii nɔ́ è mò ḿâ ǹyaa nɔ́ ƃé ŋa pâi m̀ôi.”

Tɔɔɓɛlaa dɔlɔɔ 22:14 Referans Kwoze

Lonon mo 24:13

‹Ə mą kɛ Balakə aa ɲəi bɛlɛ́n nwaliɠaa da ɉɛni kəlee tɛɛ bɔ́, vá pɛli Yai-Laa nwɔ tíɓo lɛɛi laa, gɛ́ lɛɛ gbɔ́wɔ́ ɓa, gɛ́ mɛ̨nį lɛlɛɛ a wala kɛ tii ɲɔ̨nwɔ̨ɔ̨ laa nu ɓa. Mɛ̨nįi Yai-Laa kaa pai moi, ya ɓə gáá pai gɛi.›

Lonon mo 22:18

Balaamə ə Balakə nwɔ tínuą woo pulu pənə, yɛ diɛ: «Ə mą kpɛli kɛ Balakə aa ɲəi bɛlɛ́n nwali kəlee da ɉɛni kəlee tɛɛ bɔ́, vá pɛli mɛ̨nįi lɔpee ta kɛi, ə kɛ kɛnɛ̨-o, ə kɛ tiikpə-o, yii kwa Yai-Laa nwɔ́ Yálá ku woo hvo gee kaa li.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Ɉeremi 42:4

Yálá kwə́i mɛ̨nį hukulɔ mun Ɉeremi yɛ diɛ: «Ŋą́ą́ mɛ̨n, gáá ka mąą nɛ̨ɛ̨mąą hvəi Yai-Laa ka wɔ Yálái ɓa, yɛ bələi ka káá ɉu hvɛlii la mą́ą́. Bələi lɔpee Yai-Laa a ka woo pulu pənə la, ŋį́ ɉukulɔ kaa; va da loo gwə́i.»

Ɉeremi 23:28

Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Tɔɔɓɛlaa dɔlɔɔ 18:15

Eli yɛ mą: «Akɛ Yai-Laa Mɛ̨nį Kəlee ŋą Hééɓomun ŋɛ̨i gáá tíi mą gaa a vulú; háákələi kpɔ-kpɔɔ Akabə a kələi gáá.»

Tɔɔɓɛlaa dɔlɔɔ 18:10

Akɛ Yai-Laa ə́ nwɔ Yálái kaa a vulú, lɔi ta hvo laa, tɔɔlaa ta hvo laa, ɓɛi nwɔ́ mɛ̨nį nąmu Akabə hvo ni nuą tɔɔ li laa, ə́ kwɛli mɛ̨nį ɓa. Akɛ dɔɔlaa tii, a wala kɛ tii, nɔi tii hu nuą da kɛ mą: ‹Hvoo ɓɛ!›, a kɛ diɛ: ‹Ka ka kwɛla, akɛ ka hvo ni gaa li!›

Lonon mo 22:38

Balaamə yɛ Balakə ɓa: «Ee, kɛlɛi ŋą́ą́ həli kɛa yɛ́. Mąą laa kaa mɔ̨ɔ̨ ɲə́i ŋį́ pɛli mɛ̨nį ta ɓoi? Nwooi Yálá kaa pai bui ná, ya ɓə gáá pai moi.»

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa dɔlɔɔ 22:13

Nąąlɔwai, nui ŋɛ̨i di dɔɔ yɛ li Mise təlii, ə mo Mise ɓa, yɛ mą: «Ə́ wəli tɔɔ, Yálá kwəi mɛ̨nį hukulɔ nuą kəlee woo tɔɔi aa kɛ tɔ̨nɔ̨, diɛ tɔɔmun gaa lii yeetɛɛmąą kɛi; yili ɓa, ya li, too di pɔ ka kəlee ka mo lɔ tii.»

Lonon mo 22:8

Balaamə yɛ diɛ: «Ka yii ɓɛ, bələi Yai-Laa kaa pai moi la mą́ą́, bələ lɔ ɓə gáá pai ka woo pulu pənəi la.» Moabə kalanɉonŋąą di yii laa Balaamə pɔɔli.

Ɉeremi 34:6

Yálá kwəi mɛ̨nį hukulɔ mun Ɉeremi, ə nwooɠaai tii kəlee ɓo Ɉuda tɔɔmun Sedesiasə ɲɛ̨i ɓa Ɉerusalɛmə.