Tɔɔɓɛlaa dɔlɔɔ 21:5 - Yálá laawoo hɛɓɛ (dc)

⁵ Nɛ̨ą Ɉezabɛlə ə pa yɛ mą: «Lə ɓə kɛ yai ə́ ɲįnąą yiliɛ ŋɛ̨i, ɛlɛɛ, hvó gɛi kɔ̨nɔ̨n ma?»

Yálá laawoo hɛɓɛ

⁵ Nɛ̨ą Ɉezabɛlə ə pa yɛ mą: «Lə ɓə kɛ yai ə́ ɲįnąą yiliɛ ŋɛ̨i, ɛlɛɛ, hvó gɛi kɔ̨nɔ̨n ma?»

Bible

⁵ Ŋɔnɛnîi Zɛsebɛɛ è pà bɔ́ é marê kɛ́ ǹyɛɛ mai, “Lé mɛni ƃé ŋ̀wanâi yâ ímɛi saai? Lé ƃé kɛ̀ ífe ŋ̀wɛ̂lii í mii-sɛŋ da kélee mii?”

Tɔɔɓɛlaa dɔlɔɔ 21:5 Referans Kwoze

Nehemi 2:2

Nąąlɔwai, tɔɔmun yɛ mą́ą́: «Lə ɓə kɛ, yai ə́ ɲįnąą yiliɛi? Ɲɔ̨n mə yɛ́? Ə́ lii ŋą ɓə yaa nwąną?» Nąąlɔwai, ŋį́ ɲɔw kpɔ kɛnɛ̨.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa dɔlɔɔ 19:2

Ɉezabɛlə ə nu ta tɔɔ Eli pɔ, yɛ mą: «'Li, yɛ́ Eli ɓa: ‹Ɉezabɛlə aa gwɛla a nwɔ haliɠaa kəlee laa, yɛ diɛ: «Tinąą, ɓɛlɔwai, mɛ̨nįi tii ə́ naa Baalə laa yəlikɛ nuąi diɛ, a da laa yɛ́.»›»

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Samia Veerɛi 13:4

Yili ə mo Amnɔn ɓa yɛ mą: «Tɔɔmun non, lə ɓə kɛ yɛ́ yai ə́ kɔ́lɔ haa lɔ yɛ́ yələ wala pɔ kəlee? Mɛ̨nįi gaa yɛ́, mo mą́ą́.» Amnɔn yɛ mą: «Tamarə ŋɛ̨i a ną́n non Absalɔn mąąhala, ya ɓə nwɛli aa too mą́ą́.»

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Tɔɔɓɛlaa dɔlɔɔ 21:4

Akabə ə pənə ə li bɔɔli yá ə laa gɔlɔi nii kələn ŋąą gwəi kpɔ kɛnɛ̨, nwooi Izreɛlə mun Nabɔtə ə mo mą, mąą mɛ̨nį ɓa. Yai ə kɛ la mą, vá pɛli ną́nni kwɛlin dɛɛi ə́ pɔ. Akabə ə laa ɲəi gbin ŋą, ə ɲɛ̨i tinɛ̨n bɛlɛ́ pɔ pələ, ɛlɛɛ, hvo gɛ hvo kɔ̨nɔ̨n mįi nii kələn bələ ɓa gwəi.

Tɔɔɓɛlaa dɔlɔɔ 21:6

Akabə yɛ mą: «Ŋį́ kɛ Izreɛlə mun Nabɔtə ɓa, ‹Ə́ wɔ viɲə yɛai tɛɛ bɔ́ ŋą́ ɲa, awala kɛ tii, ŋą́ viɲə yɛa takpɛli tɛɛ ə́ pɔ a bɔɔi.› Kɛlaa yɛ mą́ą́: ‹Hva pɛli nwɔ viɲə yɛai tɛɛi bɔ́.›»