Tɔɔɓɛlaa dɔlɔɔ 21:25 - Yálá laawoo hɛɓɛ (dc)

²⁵ Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Yálá laawoo hɛɓɛ

²⁵ Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Bible

²⁵ (Kpakolo ta fé wɔ́lɔ kɛ́ ní naa zɔŋ nyɔ́mɔɔ yɛ̂ɛ Eɣa. Ŋɔnɛnîi Zɛsebɛɛ è gɛ̀ é sɔnyɔ̂ŋ kpɛ́ɛ pôlu ŋánaa kɛ́ a Yâwɛɛ.

Tɔɔɓɛlaa dɔlɔɔ 21:25 Referans Kwoze

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Hanwon 22:14

Wɛli hon nɛ̨ąą laaləi kaa a ɓoloon, nui nwɛli hvo Yai-Laa ɓa, ya ɓə a too ɉu.

Ikilisiati 7:26

Ŋį́ gaa gɛ́ diɛ: nɛ̨ɛ̨nu gbąnąą, ɲɔ̨nwɔ̨ɔ̨i dɛɛ haa ɓa. Mąąhɔlɔɓo, gaa a hɛlɛn, nwɔ wɛlikɛmąą yɛ ɓo yɛ diŋɛ̨n, ɲeeɠaa di ɓo a nu yili yɛli. Nui nwɛli kaa Yálá ɓa, hva too nɛ̨ɛ̨nu taaləi tii yəi diŋɛ̨n ɉu. Kɛlaa, nɛ̨ŋɛ̨n ɉəɠəmun mə a too ɉu.

Lomaŋ 6:19

Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Gɛlaɠaa 14:2

Kɛlaa, Ɉuifə yiiɠaa lɔwai, di hvo gɛ di hvo laa di woo la, di nu takpɛliɠaa ɲąątɛ a yowolaa gu nąn nonnii ti diɛ.

Tɔɔɓɛlaa dɔlɔɔ 21:7

Akabə nɛ̨ą Ɉezabɛlə yɛ mą: «Kɛlɛi yɛ́ kpɔ ɓə Israɛlə lɔi ɲąąwooɓoi-ee! 'Ə́ muhəɠə ə́ kɔ̨nɔ̨n mįi, ə́ ə́ kwəinɛ̨ɛ̨. Ɲą́ą́ ɓə pai Izreɛlə mun Nabɔtə nwɔ viɲə yɛai tɛɛ ə́ pɔ.»

Gɛlaɠaa 6:12

Bələ ɓə di lɔ la nuą hu, da galanɉonŋąa ə mą kɛ tɔ́n galamɔ̨ɔ̨ɠaa. Di Etiɛnə hon də li la tɔ́n vili nąmįną lííla.

Azaya 52:3

Mąąhɔlɔɓo, yii Yai-Laa kaa moi ya ka: Di ka tɛɛ a mɛ̨inɛ̨ɛ̨, da kɛi nwɔ̨nɔ̨ pa ka nwun mąąɓoi, wali mɛ̨nį hva kɛ ɉu.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Tɔɔɓɛlaa veelɛ 23:25

A tɛ̨ą, tɔɔmun da hvo ta kɛ hɔlɔɓo li Ɉosiasə tɔwɔ yii nii kəlee tinɛ̨n Yai-Laa pɔ pələ nwɔ yɛnɛ̨ɛ̨ kəlee hu, nwɔ huwalawala kəlee, yɛ Moisə nwɔ tɔ́n laahɔnmo ɲee tɔ̨nɔ̨ mɛ̨i. Ə kulɔ Ɉosiasə pulu da hvo ta gɛ li yɛ yaa ə mą kɛ ɉaa pulu, yɛ bɔɔ tɔɔn.

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Tɔɔɓɛlaa dɔlɔɔ 19:2

Ɉezabɛlə ə nu ta tɔɔ Eli pɔ, yɛ mą: «'Li, yɛ́ Eli ɓa: ‹Ɉezabɛlə aa gwɛla a nwɔ haliɠaa kəlee laa, yɛ diɛ: «Tinąą, ɓɛlɔwai, mɛ̨nįi tii ə́ naa Baalə laa yəlikɛ nuąi diɛ, a da laa yɛ́.»›»

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Lomaŋ 7:14

Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

Tɔɔɓɛlaa dɔlɔɔ 18:18

Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Tɔɔɓɛlaa dɔlɔɔ 22:52

Akabə lon Akaziasə ə kɛ a tɔɔmun Israɛlə lɔi hu, ə hee Samari, Ɉosafatə Ɉuda tɔɔmun nwɔ tɔɔlaa gwɛlan mɛ̨ihveelɛ lɔwai. Akaziasə ə tɔɔlaa kɛ a kwɛlan veelɛ Israɛlə lɔi hu.

Tɔɔɓɛlaa veelɛ 9:34

Ɉehu ə lɔ bɛlɛ́n ə naa mį́i, ə gbələ, yili pulu, yɛ nwɔ tínuą diɛ: «Ka nɛ̨ŋɛ̨n naa nɛ̨ɛ̨nui ŋɛ̨i mąą mɛ̨nį ɲɛ̨i kulɔ, ka bowa loo; hvo gaai tɔɔmun non nɛ̨ɛ̨nu li.»

Lɛɛ gbɔwɔ ɓa 34:16

Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Tɔɔɓɛlaa dɔlɔɔ 16:25

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, Omri ə ɲee lɔ ɉu, ə ɲɔ̨nwɔ̨ ə tɛɛ nuąi kɛ ɲɛ̨i tɔwɔ gəlee diɛ.

Tɔɔɓɛlaa dɔlɔɔ 22:53

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, Akazia ə ɲee lɔ ɉu, ə hvilɛn nąn da nee di túwɔ́ pələ pulu. Ə mą kɛ a Ɉeroboamə, yai kɛ a Nevatə lon, yai Israɛlə yee lɔ nɛ̨ŋɛ̨n ɉu.

Tɔɔɓɛlaa veelɛ 9:22

Yii lɔ Yoramə ə Ɉehu kaa, yɛ mą: «Ɉehu! Liilaa mɛ̨nį ɓəi?» Ɉehu yɛ mą: «Akɛ pələ kɛ ləi a liilaa mɛ̨nį? Ya pa, ə́ lee Ɉezabɛlə nwɔ túwɔ́ pələ ɲɔ̨nŋaa, da nwɔ tɔlikpɛ mɛ̨nį daną-danąi di kaa lɔ ni ɉu.»

Nehemi 13:26

Kɛlɛi mɛ̨nį huwui ŋɛ̨i ɓə wɔlɔ gɛ, Israɛlə tɔɔmun Salomɔn yɛ nɛ̨ŋɛ̨n ɉəɠə-ee? Kaa kpinįi ka gaa, hį́i lɔpee gəlee lɔwai, tɔɔmun da nwɔ tɔɔlaa hvo həli Salomɔn nwɛi pɔ, nwɛli ə kɛ nwɔ Yálái ɓa, ə lɛɛ, Yálá ɓə ɉee Israɛlə nuą nwun na a tɔɔmun. Kɛlɛi yaa tii ɓə nwɛ̨ą nɛ̨ąą di ŋąą nɛnɛn, di nɔ nɛ̨ŋɛ̨n ɉu.