Tɔɔɓɛlaa dɔlɔɔ 21:10 - Yálá laawoo hɛɓɛ (dc)

¹⁰ Ɛlɛɛ, ka nu kpoloon veelɛ hee gwɛlɛ. Di lɛɛ pɛlɛ nwuɔ̨ diɛ kɛ mą: ‹Aa Yálá da tɔɔmun di lalan› Akɛ tii, ka gulɔ nuą lɔwai, ka lɛɛ ɉɔɔi a kwɛni, ə lɛɛ la ɉu ə haa.»

Yálá laawoo hɛɓɛ

¹⁰ Ɛlɛɛ, ka nu kpoloon veelɛ hee gwɛlɛ. Di lɛɛ pɛlɛ nwuɔ̨ diɛ kɛ mą: ‹Aa Yálá da tɔɔmun di lalan› Akɛ tii, ka gulɔ nuą lɔwai, ka lɛɛ ɉɔɔi a kwɛni, ə lɛɛ la ɉu ə haa.»

Bible

¹⁰ Ka ŋaa-ƃâlaŋ maa-ƃela feerɛ sée gɔlɛ, dí sêre-faa kɛ́ é pîlaŋ ma a gɛ́ɛ è Ɣâla làraŋ da gâloŋ. À kɛ̀ tí, ka zìɣe ká kúla la ka zɔ̀ɔ a kɔni ká baa.”

Tɔɔɓɛlaa dɔlɔɔ 21:10 Referans Kwoze

Lɛɛ gbɔwɔ ɓa 22:28

«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Gɛlaɠaa 6:11

Yili ɓə gɛ, di lɔ nuą hu di lɛɛ pɛlɛ a Etiɛnə laa, diɛ kɛ mą: «Ku nwoo mɛ̨n yɛ Moisə da Yálá di ɓɛlɛtoo wooɠaa ɓo.»

Dutɛrɔnome 19:15

Mąą hvo nɛ̨ɛ̨li nu tɔ̨nɔ̨ nwɔ kɛla hvaa hvo nɛ̨ŋɛ̨n gɛmun, a wala kɛ tii, nu paamun giti tee, hvo kɛli nu hveelɛ ɉaaɓa, nwɔ kɛla hvaa ɓə da pɛli mɛ̨nįi tii hutɔɔi la.

Dutɛrɔnome 13:13

Daaɠaa tii Yai-Laa ka wɔ Yálá kaa dɛɛ ka pɔ ka hee ɉu, ka mɛ̨nįi tii bələ mɛ̨n da hu,

Gɛlaɠaa 6:13

Di liɛ, di lɛɛ hvaa tamąą ɓo a Etiɛnə laa di kɛ mą: Nui ŋɛ̨i ka káá gaai, hvo ta kpəla li woo ɲɔ̨n moɔ ɓa a guɔ Yálá hee pɛlɛ́i laa da Moisə nwɔ tɔ́n laa.

Ɉaan 10:33

Ɉuifəɠaa di nwoo pulu pənə diɛ mą: «Mɛ̨nį lɛlɛɛɠaai yaa gɛ mąą mɛ̨nį hvəə ku kaa ə́ hɔɔi la. Ku kaa ə́ hɔɔi, mąąhɔlɔɓo, yaa Yálá mąątea woo ɓo; ə lɛɛ, yai ŋɛ̨i ə́ kaa a nu, yɛ kɛ diɛ: Yálá ɓaa yɛ. Mɛ̨nį ku kaa bɔ ku ə́ hɔɔ la, yaa li.»

Nwun mąąɓo 19:22

Ɓɛlɔwai di kɛi di laa mįi la, nu kpoloonŋaai kɛ laa daai, di bɛlɛ́ mąątínɛ̨n, diɛ gbon gɛlɛ, diɛ kɛ bɛlɛ́ nąmu hulɔgoloi ɓa: «Ɉulɔnui ŋɛ̨i ə́ naa ə́ yəi bɛlɛ́n, gulɔ ɲɛnɛ̨ɛ̨, ku kaa bɔ ku laa la.»

Levetekɔ 24:14

«Nui tii nalan bili, ka kulɔ la daa pulu pələ, nuąi kpɔ nwoo mɛ̨n, di di yee laa nwuɔ̨, ɛlɛɛ Israɛlə nuą kəlee di ɉɔɔ a kwɛni.

Samuɛlə dɔlɔɔ 2:12

Eli lonnii di kɛ a nu kpoloonŋaa, Yai-Laa mąą mɛ̨nį hvo kɛ di ɲɛ̨i ɓa a hɛn da.

Samia Veerɛi 20:1

Nu kpoloon da ə kɛ laa, diɛ kɛ naa ɓa a: Seva, Bɛnɉamɛn mun da li kɛ, nąn naa ɓa kɛ a: Bikri. Seva ə túlú hvɛɛ, yɛ diɛ: Lə mɛ̨nį ɓə gwa Davidə ni gu lɔwai? Gwa Ɉɛse lonni, gu hvo kpɔnni hɛn da ɓa. Israɛlə nuą, nu kəlee ə li ɲəi bɛlɛ́ laaləi.

Tɔɔɓɛlaa dɔlɔɔ 21:9

Mɛ̨nįɠaa ə bɛ̨ɛ̨ ɉɛɓɛ́ hu, diɛ ka; yɛ diɛ: «Ka hin gɛnɛ̨ lɔ mɛ̨nį noloɓo, ka Nabɔtə hee nu kɛnɛ̨ haɠa ɓa nu kəlee ɲɛ̨i tɔwɔ.

Tɔɔɓɛlaa dɔlɔɔ 21:11

Nabɔtə pɔ taai nu kpɛa kpɛa da ɲąąwooɓo kɛ nuą di ɉəɠə a Ɉezabɛlə woo, yɛ bələi bɛ̨ɛ̨i kɛ la ɉɛɓɛ́ hu.

Tɔɔɓɛlaa veelɛ 6:32

Elise ə kɛ heeni bɔɔli, nu kpɛa kpɛaa heɛ gwɛlɛ ɓɛlɔwai tɔɔmun ə nwɔ tímun dɔ̨nɔ̨ tɔɔ la bɔ. Gɛɛ tɔɔmun nwɔ kɛlai hvo həli Elise ɓa, ə gbɛa mo gwɛlɛ nuą diɛ, yɛ diɛ: «Kaa nu paa mun lon ŋɛ̨i kaa, ya ka tii aa nuą tɔɔ, ə gɛ, di pa di nwún dee. Nwɔ kɛlai tii aa həli ɓɛ, ka bɛlɛ́ laa kpulu dɔwɔ, ka nɛɛ gbon mą, ka bili la. Kɛlɛi, nwun nąmu kɔ́wɔ mu tin gaa tɔɔi bulu.»

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Hanwon 6:19

lɛɛ kɛla hvaa ɓomun, nui a hvaa too leegaaɠaa lɔwai.

Azaya 59:14

Yili mąą mɛ̨nį ɓa, daa giti tee mɛ̨nį pili pulu, ɛlɛɛ, tələnmolaa aa mąą tɛ pulu, aa tɔɔ. Mąąhɔlɔɓo, tɛ̨ą aa kalin gwəli hɛ̨ąi, ɛlɛɛ, nui kpɔ yɛ ə haŋąn hva pɛli dɔɔi hɔlɔɓoi laa.