Tɔɔɓɛlaa dɔlɔɔ 21:1 - Yálá laawoo hɛɓɛ (dc)

¹ Mɛ̨nįɠaa tii tɛɛ pulu, mɛ̨nįi kɛ ya ka: Viɲə yɛa ə kɛ Izreɛlə mun da yəi, diɛ kɛ naa ɓaa: Nabɔtə. Viɲə yɛai tii ə kɛ Samari tɔɔmun Akabə nwɔ pɛlɛ́i kwɛlɛ.

Yálá laawoo hɛɓɛ

¹ Mɛ̨nįɠaa tii tɛɛ pulu, mɛ̨nįi kɛ ya ka: Viɲə yɛa ə kɛ Izreɛlə mun da yəi, diɛ kɛ naa ɓaa: Nabɔtə. Viɲə yɛai tii ə kɛ Samari tɔɔmun Akabə nwɔ pɛlɛ́i kwɛlɛ.

Bible

¹ Nalôŋ tɔnɔ è kɛ̀ naa ǹáa ƃé kɛ̀ a Nabo. È kɛ̀ a Zariɛɛ ŋɔsuui su nuu. Kpɔmɔ kpâlaŋ è kɛ̀ ǹyêei Zariɛɛ, Sameria kaloŋ Eɣa ŋɔkâloŋ pɛrɛ kɛ́tɛi kɔlɛ.

Tɔɔɓɛlaa dɔlɔɔ 21:1 Referans Kwoze

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Nwun mąąɓo 6:33

Madian nuą, Amalɛkə nuą, da nuąi da həɠə doo nwunma ɓa vóló kulɔi pələ, di pɛlɛ di kee ɓa, di jurdain teen, di pa di di wɔ ɓuwui pɛlɛ Izreɛlə.

Zasua 19:18

Di ɲɛ̨n ə kɛi həɠə Izreɛlə pələ, da Kesulotə, da Sunɛmə,

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Samuɛlə dɔlɔɔ 29:1

Filisti nuą di di wɔ kɔ́kulááɠaa kəlee ɲąąkpɔn Afɛkə, Israɛlə nuą di di tɔɔ gulɔ ɲee lɔwai, Izreɛlə kwɛlɛ.

Tɔɔɓɛlaa veelɛ 9:21

Yoramə ə mo yɛ di nwɔ wotoloi pɛli; di nɛɛ mą di nwotolo pɛli, Israɛlə tɔɔmun da Ɉuda tɔɔmun Akaziasə, di kulɔ, nu kəlee ə ɓo nwɔ wotolo hu, diɛ li Ɉehu laakwiɛn ɉii. Da diɛni di kwiɛn, Izreɛlə Nabɔtə nwɔ tíi kwɛlɛ.

Tɔɔɓɛlaa veelɛ 9:25

Nąąlɔwai, Ɉehu yɛ nwɔ ɓíitiɛ̨i Bidkarə ɓa: «'Bowa kulɔ nwotolo hu ə́ bili Izreɛlə mun Nabɔtə nwɔ tíi hu.» Ɉehu yɛ nwɔ̨nɔ̨ mą: «Ə́ kiliŋąhiɛ tai, yələ ta, gu kɛ gu kee ɓa, ɲą́ą́ gwa yɛ́ nwotolo hu, gu ɓo Yoramə nąn Akabə yee mu, Yai-Laa ə mɛ̨nį ta ɓo yɛ hvilɛn na Akabə nwɔ pɛ́lɛ́i ɓa.

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.