Tɔɔɓɛlaa dɔlɔɔ 2:6 - Yálá laawoo hɛɓɛ (dc)

⁶ Yili ɓa, kili kaa yɛ́, túwɔ́ la yɛ bələi kili kaa la yɛ́. Hvó nɛɛ laa hvo pɔlɔ liilaa hu, nwun və powa.

Yálá laawoo hɛɓɛ

⁶ Yili ɓa, kili kaa yɛ́, túwɔ́ la yɛ bələi kili kaa la yɛ́. Hvó nɛɛ laa hvo pɔlɔ liilaa hu, nwun və powa.

Bible

⁶ Í m̀ɛnii kɔ́lɔŋ ya pâi gɛ̂i. Ífe nɛ̀ɛ naa é sáa gbɔ́ɔi-yee ma.

Tɔɔɓɛlaa dɔlɔɔ 2:6 Referans Kwoze

Tɔɔɓɛlaa dɔlɔɔ 2:9

Yiihui ŋɛ̨i kɛa, hvó gaa yɛ nui hɔn və mą. Mąąhɔlɔɓo, ə́ wɛi, ə́ kaa a kilimąą mun; mɛ̨nįi mąąnɛ̨ɛ̨ ə́ gɛ la, yɛ́ kpinįi ɓə gɔlɔn. Bələi mąn nwun bowaa la, hvó nɛɛ laa, hvo gbɔwɔ ɓa haa ɓo.»

Azaya 57:21

Nwɔ́ Yálái yɛ diɛ: «Liilaa hva hɔlɔɓo mɛ̨nį ɲɔ̨n gɛ nuąi yəi.»

Azaya 48:22

Kɛlaa, Yai-Laa yɛ diɛ, nu ɲɔ̨nwɔ̨ɔ̨ɠaa di wɛi di hva liilaa hɔlɔɓo kpɔ tanɔ̨n gbən.

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Hanwon 28:17

Nui nu ɲąmą wulu a lɛɛ nwuɔ̨, a lɛɛ gilɛ həɠəi, haa ə həli mą nu ta hva ɉu hon.

Hanwon 20:26

Kilimąą tɔɔmun a nwąnąlɔ nuą hu taɠa di kee ɓa, yili pulu, ə di hutɔɔ ɉa.

Mąątɛ̨nɛ̨ 37:37

'Ə́ ɲɛ̨i hee tai nu lɛlɛɛ ɓa, kwəi kwələ mun gaa tai, líikpələmun ɉuwu a ɓɛlɛ.

Azaya 65:20

Lon dala hvo kɛa pai haai laa, a yii kuu hveelɛ yee mu lon, ə mą kɛ hulɔgolo, yii hvo nwɔ yɛnɛ̨ɛ̨ laa hvɛɛ li, nui a haa a nwɔ kwɛlan nwundɔ̨nɔ̨, a kɛ tii, aa haa ɉilənon gɔlɔi, ɛlɛɛ, nɛ̨ŋɛ̨n mun a kwɛlan nwun dɔ̨nɔ̨ hɔlɔɓo, da gaa a nɛ̨ŋɛ̨n naa mun.

Azaya 57:2

Kɛlaa, liilaa yələ kaa pai, nuąi da hiɛ a ɉąŋąą, di kaa pai kɛi laai di yəi gbin ɲą a di wəli pulu laɠiɛ.

Tɔɔɓɛlaa veelɛ 22:20

Yili mąą mɛ̨nį ɓa, gáá ə́ lɛɛi laa ə́ haa liilaa hu, ə́ lɛɠɛ ə́ nąnii diɛ. Ə lɛɛ, ə́ ɲɛ̨i hvo pai tɔɔi mąąwɛli mɛ̨nįi pai laa nɔi ŋɛ̨i da ɉu hee ɓo nuą diɛ, ɉu.» Nuą də li di nwɛlɛɛ ɲali bulu ɓo tɔɔmun mą.

Lonon mo 35:33

«Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Zɛnɛse 42:38

Ɉakɔbə yɛ mą: «Kpaa-o! Rubɛn, və́ nón ŋɛ̨i tɛɛi ə́ pɔ hvəli la. Niɛ aa haa, yaa tɔ̨nɔ̨ lɔ ɓə aa lɛɛ ɲə́i. Ka diɛni ka lɛɛ nwɔ̨nɔ̨ ɉiɛ pələi, mɛ̨nį ta a kɛ lai, gáá pai haai a liiholi, ka túwɔ́ hɔn mąą mɛ̨nį ɓa.»

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Tɔɔɓɛlaa dɔlɔɔ 2:7

Yii hvilɛn na Galaadə mun Barzilai ɓa, nwɛi, ɉon a wɛlikɛmąąlaa. Nuąi ka diɛni ka kɛ ka yee lɔi kɔ́wɔ tɔ̨nɔ̨ hu, naa too di pɔ. Mąąhɔlɔɓo, ɓɛlɔwai ŋį́ kɛi pu la ə́ liɛ Absalɔn tɔwɔ, diɛi tii ɓə pa bɔ́ a wɛlikɛmąąlaa.

Zɛnɛse 9:5

Yii hvilɛn na ka ɲąmą mąą mɛ̨nį ɓa, ka tinąą yili gwɛlan mo kɛ mą́ą́. Huwɔi a nu paa, mąą huwɔi a tinąą nui tii ə ɓaa, ɲąmą gwɛlan mo kɛ. Pələ lɔ ɓə a tinąą kɛ la, nui a mɛlan baa, mąą mɛ̨nį hu. Kwɛlanmo kaa tinąą laa, nu nįį mąą mɛ̨nį ɓa.

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

Tɔɔɓɛlaa dɔlɔɔ 3:12

yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.