Tɔɔɓɛlaa dɔlɔɔ 2:43 - Yálá laawoo hɛɓɛ (dc)

⁴³ Lə mɛ̨nį ɓa, nwoo ŋɛ̨i ə́ mo Yai-Laa ɲɛ̨i ɓa, da mɛ̨nįi ŋą́ mo yɛ́, hvó bɔ mɛ̨nį kɛ li?»

Yálá laawoo hɛɓɛ

⁴³ Lə mɛ̨nį ɓa, nwoo ŋɛ̨i ə́ mo Yai-Laa ɲɛ̨i ɓa, da mɛ̨nįi ŋą́ mo yɛ́, hvó bɔ mɛ̨nį kɛ li?»

Bible

⁴³ Lé ƃé ŋaŋ ífe í fóo-wooi ŋa-see kɛ́ ní Yâwɛɛ mɛni mai? Lé ƃé kɛ̀ íkɛ ŋália-wôoi pilii?”

Tɔɔɓɛlaa dɔlɔɔ 2:43 Referans Kwoze

Lomaŋ 13:5

Yili ɓə gaa mą, mąąnɛ̨ɛ̨ gu lɛɛ nwun nąmįną woo mu, ə gɛ, gu həɠə Yálá nwɔ liiɲąnwąną tɔwɔ. Ɛlɛɛ, ə gɛ, mɛ̨nį ɲɔ̨n ə kulɔ guɔ kiliŋąhiɛ hu. Mąąhɔlɔɓo, guɔ kiliŋąhiɛ a nɛ guɔ yɛ gu lɛɛ nwoo mu laa kɛ.

Ikilisiati 8:2

Yii tɔɔmun a mo, mąąnɛ̨ɛ̨ gu nwoo hon; mąąhɔlɔɓo, bələ ɓə gu gu kwɛla la Yálá ɲɛ̨i ɓa.

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Samia Veerɛi 21:2

Tɔɔmun ə Gabaɔn nuą təli, ə gɛ, da diɛni di heei ə kɛ tɔ̨nɔ̨, di mɛ̨nį ta ɓo mɛ̨nįi tii hu. Gabaɔn nuą di hvo kɛ a Israɛlə nu huwu ta. Kɛlaa, di kɛ a Amɔrə nu huwu gbəliɠaai lɛɛ, diɛi wɔlɔ da Israɛlə nuą di mįnɛ̨ həɠə, diɛ kɛ di hva di paa. Pələi mąn ə kɛ la tii, Israɛlə nuą da Ɉuda nuą di mąą mɛ̨nį nwąną pələ kɛ Saulə yəi, ə kɛi Gabaɔn nuą paa.

Tɔɔɓɛlaa dɔlɔɔ 2:42

Tɔɔmun ə Simei təli, yɛ mą: «Kɛlɛi ə́ ə́ kwɛla Yai-Laa ɲɛ̨i ɓa, gɛ́ yɛ́: ‹Hvó kɛ ə́ kaa kulɔi ɓɛ daai a yələ ta, yɛ́ li ɓɛi lɔpee! Akɛ yá yili kɛ tii, ə́ haa mɛ̨nį hva ɉəɠə mą. Kɛlɛi gu mo tii-ee!› Ə́ mo mą́ą́, yɛ́ mą́ą́: ‹Ə́ woo tii aa nɛ̨ɛ̨ mą́ą́, ɲéé kaa mu.›

Tɔɔɓɛlaa dɔlɔɔ 2:44

Yili pulu, tɔɔmun yɛ Simei ɓa: «Mɛ̨nį ɲɔ̨n kpɔ ə́ gɛ a ną́n Davidə, gbaɠala kaa yɛ́, ə́ kwəi ɓə a gɛla. Ə́ wɔ nwąnąlɔ túwɔi tii ə́ mo, nwulu a lɛɛ ə́ nwuɔ̨.