Tɔɔɓɛlaa dɔlɔɔ 2:37 - Yálá laawoo hɛɓɛ (dc)

³⁷ Yələi lɔpee ta, ə́ ma kpɛli giliɓo, ə́ kulɔ ɓɛ daai, ə́ Sedrɔn moloon mąąteen, ə́ kili ə kɛ ɉu yɛ́ kɛ, yá haa, ɉəɠə mąą hvo mą. Akɛ tii, ə́ ɲąmą nwulu a lɛɛ ə́ kpɔwɔ nwuɔ̨.»

Yálá laawoo hɛɓɛ

³⁷ Yələi lɔpee ta, ə́ ma kpɛli giliɓo, ə́ kulɔ ɓɛ daai, ə́ Sedrɔn moloon mąąteen, ə́ kili ə kɛ ɉu yɛ́ kɛ, yá haa, ɉəɠə mąą hvo mą. Akɛ tii, ə́ ɲąmą nwulu a lɛɛ ə́ kpɔwɔ nwuɔ̨.»

Bible

³⁷ kpɛ́ni fêi, ŋ̀elei ya kùla la naa í lí kwaa da kpɛ́ni mai, í máŋ kpîŋ Kidilɔŋ potoi tíyeŋ, kɛ́ a gɔ́lɔŋɔɔ a gɛ́ɛ ya pâi saâi. Íŋãai mɛni a pâi kɛ̂i íkpîŋ ŋûa.”

Tɔɔɓɛlaa dɔlɔɔ 2:37 Referans Kwoze

Samia Veerɛi 1:16

Davidə yɛ mą: «Ə́ ŋama wulu a lɛɛ ə́ kpɔɔ nwuɔ̨, mąąhɔlɔɓo, yáá ə́ kpɔɔ kalama ɓo, kɛi ə́ mo diɛ: ‹Nui Yai-Laa ə dɔɔ wulɔ hiɛ mą, ɲą́ą́ ɓə baa.›»

Samia Veerɛi 15:23

Nɔi nuą kəlee di kɛi wɔlɔ a di woo kɛnɛ̨. Nuą kəlee di tɛɛ. Tɔɔmun yaa kpįnįi ə Sedrɔn ya teen, ə lɛɛ, nɔ nuą kəlee di kɛi tɛɛ a bələi tii a laa a nɔi pun goo.

Zasua 2:19

Ɓɛlɔwai kwa pa pai la ɓɛ, ə́ wɔ nui lɔpee a kulɔ ɓɛ ə́ yəi bɛlɛ́n, ɲąmą wulu a lɛɛ gbɔwɔ nwuɔ̨, ku hɔn va kɛ ɉu. Kɛlaa, nui lɔpee gaa ɓɛ ə́ yəi bɛlɛ́n, mɛ̨nį ta a kɛ a da, nwulu a lɛɛ ku nwuɔ̨.

Ɉaan 18:1

Jesus ə kpɛɛ lɔ a nwoo tii ɓoɔ, da nwɔ kalan nɛai də li Sedrɔn ya pulu pələ. Nɔw yɛa ta ə kɛ laa, də li ɉu.

Izikiɛ 18:13

Yɛ tɔ̨nɔ̨ kwɛli kwələ tɔɔ hu, yɛ tɔ̨nɔ̨ hɔlɔɓo a hulu, mąą lon a pɛli lɛɛi yɛnɛ̨ɛ̨? Hva lɛɛ yɛnɛ̨ɛ̨. Ə mɛ̨nį ɲɔ̨n ɉuwui tii kəlee kɛ, gaa pai haai ɉəɠə mąą hvo ɉu; ɲąmą wulu ə lɛɛ gbɔwɔ nwuɔ̨.

Tɔɔɓɛlaa veelɛ 23:6

Nwului di dɔɔ Yai-Laa hee pɛlɛ́ mu Ɉerusalɛmə diɛ haláá kulɔ mą, ə gulɔ laa, ə gələn Sedrɔn ɓoloon ɉu, ə nuwu kələ ə bili dulun ŋą.

Levetekɔ 20:9

«Nui a nąn a wala kɛ tii nee lalan, mąąnɛ̨ɛ̨ di baa. Ɲąmą wulu a lɛɛ gbɔwɔ nwuɔ̨, mąąhɔlɔɓo, aa nąn da nee di lalan.

Ɉeremi 31:40

Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Kɔlɔnikɔ Veerɛi 29:16

Ɉaláá kulɔ nuą di lɔ Yai-Laa ŋą pɛlɛ́i mu pələ, diɛ mąąhəɠə, ɉɛnŋąąi kpɔ di gaa laa tɔ́n ə ɓo diɛ, di gəlee kulɔ laa, di di pu gwəli hɛ̨ąi, yili pulu lévi lonnii di di yɛɠɛ, də li di di pili ɲɛ̨nɛ̨ɛ̨ pələ, Sedrɔn ɓoloon ɉu.

Tɔɔɓɛlaa dɔlɔɔ 15:13

Ɛlɛɛ, ə nee Maaka nwɔ tɔɔmun nee laa kulɔ ɲəi, mąąhɔlɔɓo, nɛ̨ɛ̨nui tii aa kɛ ɓɛlɛkpɛɛmąą wulu ta tɔɔ Asera laa hu diɛ haláá kulɔ mą, Asa ə nwului tii hu tee tee, ə gələn Sedrɔn moloon ɉu.

Tɔɔɓɛlaa dɔlɔɔ 2:33

Nuąi tii haa, di wulu ə lɛɛ Ɉoabə nwuɔ̨, da ɉuwuhu nuą kəlee; kpɛɛ hvo kɛ mą. Yii ɓaa Davidə da ɉuwuhu nuą, ɲəi bɛlɛ́n nuą ə mą kɛ dɔɔ kpəlin, Yai-Laa ə ɲɛ̨i lɛlɛɛ hee diɛ kpɛɛ hvo kɛ mą.»

Tɔɔɓɛlaa dɔlɔɔ 2:31

Tɔɔmun yɛ mą: «'Li, ə́ gɛ yɛ bələi tii ə mo la; Yili pulu ə́ bowa loo. Yá yili kɛ tii ɲąmąi ŋɛ̨i Ɉoabə ə bu nwun ve kɛ mą, yaa nwulu həɠə ną́n nwɔ pɛ́lɛ́i nwuɔ̨.

Tɔɔɓɛlaa dɔlɔɔ 2:38

Simei yɛ tɔɔmun ma: «Ə́ woo tii aa nɛ̨ɛ̨ mą́ą́. Bələi kpɔlɔɔ tii nwɔ́ mɛ̨nį nąmu tɔɔmun ə mo la nwɔ luwɔi ɓa, bələ kpɔlɔɔ ɓə gaa gɛi la.» Simei ə lamun Ɉerusalɛmə,