Tɔɔɓɛlaa dɔlɔɔ 2:31 - Yálá laawoo hɛɓɛ (dc)

³¹ Tɔɔmun yɛ mą: «'Li, ə́ gɛ yɛ bələi tii ə mo la; Yili pulu ə́ bowa loo. Yá yili kɛ tii ɲąmąi ŋɛ̨i Ɉoabə ə bu nwun ve kɛ mą, yaa nwulu həɠə ną́n nwɔ pɛ́lɛ́i nwuɔ̨.

Yálá laawoo hɛɓɛ

³¹ Tɔɔmun yɛ mą: «'Li, ə́ gɛ yɛ bələi tii ə mo la; Yili pulu ə́ bowa loo. Yá yili kɛ tii ɲąmąi ŋɛ̨i Ɉoabə ə bu nwun ve kɛ mą, yaa nwulu həɠə ną́n nwɔ pɛ́lɛ́i nwuɔ̨.

Bible

³¹ Gâloŋ è ŋ̀óo su tòo ǹyɛɛi, “M̀ɛnii è mòi, gɛ́ la. Baa í ǹoo gɛ̀ ní ńyãa kpaa máŋ Deeƃé ŋɔsuui su nuui da sɔŋ fé pâi kɛ̂i zɔŋ-lɛlɛ sinaa feerɛi paa mɛni su nyii-ŋai Zoa è dípàa kpɛ́ni-kpɛnii.

Tɔɔɓɛlaa dɔlɔɔ 2:31 Referans Kwoze

Lonon mo 35:33

«Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Lɛɛ gbɔwɔ ɓa 21:14

Kɛlaa, nu a hvilɛn nu pulu, yɛ kɛ ə baa a gbąnąlaa, ə mą kɛ aa li nwɔ́ haláá kulɔi ta ɓa, yá gulɔ laa, di baa.

Gɛlaɠaa 28:4

Yii kɛa nɔi ti hu nuą di gaaləi ti kaa hɛlɛn ni Polə yee ɓa, di mo di kee lɔwai diɛ kɛ mą: «Nui ŋɛ̨i, nu paamun ga. Mąąhɔlɔɓo, pələi mąn aa kulɔ la gboloyá yəi, Yálá nwɔ kitii hvo bɔ hvo kɛ yɛnɛ̨ɛ̨.»

Hanwon 28:17

Nui nu ɲąmą wulu a lɛɛ nwuɔ̨, a lɛɛ gilɛ həɠəi, haa ə həli mą nu ta hva ɉu hon.

Tɔɔɓɛlaa veelɛ 9:26

Ŋą́ gaa kpɔ a nɛlɛɛ, Nabɔtə ɲąmą, da nonnii di wɛi mąą mɛ̨nį ɓa, nwooi Yai-Laa ə mo, ya ka: ‹Díi tɔ̨nɔ̨i ŋɛ̨i hu, gáá pai gwələ kulɔi yɛ́! Yai-Laa woo li›, yili ɓa, Yoramə powa həɠə ə́ bili díi hu, yɛ bələi Yai-Laa ə mo la.»

Samia Veerɛi 3:28

Bələ mɛ̨n Davidə ə mo, ə mo naa pulu, yɛ diɛ: «Nɛrə lon Avnɛrə haa mɛ̨nįi ŋɛ̨i hu, ɲą́ą́ kwa nwɔ́ tɔɔlaai ku yee hvo kpɛli ɉu tiikpə kpɛli, Yai-Laa ɲɛ̨i ɓa.

Samia Veerɛi 3:29

Avnɛrə haa nwulu ə lɛɛ Ɉoabə da nwɔ pɛlɛ́i mu nu kəlee di nwuɔ̨. Ŋama kulɔ maa ɲɔ̨n, hvólóɲɔ̨n, luwɔlaa, mąąwɛli laa, mɛ̨nįɠaa tii maa hva kwɛa Ɉoabə nwɔ pɛlɛ́i ɓa, a wala kɛ tii, kɔ́ kɔ́ ɓɔwa.»

Tɔɔɓɛlaa dɔlɔɔ 2:30

Benayahu ə lɔ Yai-Laa hee kələ mu, yɛ Ɉoabə ɓa: «Tɔɔmun yɛ: ‹Ə́ kulɔ.›» Kɛlaa, Ɉoabə yɛ mą: «Kpaa! Ɓɛ ɓə gáá haai laa.» Benayahu ə li, bələi tii Ɉoabə ə nwoo ɲąąpənə la, ə mo tii tɔɔmun ma.