Tɔɔɓɛlaa dɔlɔɔ 19:2 - Yálá laawoo hɛɓɛ (dc)

² Ɉezabɛlə ə nu ta tɔɔ Eli pɔ, yɛ mą: «'Li, yɛ́ Eli ɓa: ‹Ɉezabɛlə aa gwɛla a nwɔ haliɠaa kəlee laa, yɛ diɛ: «Tinąą, ɓɛlɔwai, mɛ̨nįi tii ə́ naa Baalə laa yəlikɛ nuąi diɛ, a da laa yɛ́.»›»

Yálá laawoo hɛɓɛ

² Ɉezabɛlə ə nu ta tɔɔ Eli pɔ, yɛ mą: «'Li, yɛ́ Eli ɓa: ‹Ɉezabɛlə aa gwɛla a nwɔ haliɠaa kəlee laa, yɛ diɛ: «Tinąą, ɓɛlɔwai, mɛ̨nįi tii ə́ naa Baalə laa yəlikɛ nuąi diɛ, a da laa yɛ́.»›»

Bible

² Nya ƃe Zɛsebɛɛ è kéla tɛ̀ɛ Ilaiza pɔ́-naa a gɛ́ɛ é mò ma ǹyɛɛ, “Ŋ̀âla-ŋai dí ńdoo dí ḿbaa à kɛ̀ m̀ɛnii í gɛ̀ a Bêe ŋɔlóno kɛ́-ƃelai ŋà wàla da kɛ́ a ƃía tínaa ƃɛ́ tãi ŋí.”

Tɔɔɓɛlaa dɔlɔɔ 19:2 Referans Kwoze

Tɔɔɓɛlaa veelɛ 6:31

Yili pulu, tɔɔmun ə gwɛla, yɛ mą: «Háákələi, Safatə lon Elise nwunganin a lɛɛ ŋą, Yálá hvo yɛnɛ̨ɛ̨ nɛ̨ɛ̨ mą́ą́!»

Tɔɔɓɛlaa dɔlɔɔ 20:10

Bɛn-Hadadə ə pənə nwɔ̨nɔ̨ ə di tɔɔ, yɛ diɛ, ka li kaa mą: «Yiihui, Samari lɔi a wala wolo nąą hvo lɛɛ a muluun gbala, ną́nni di wɔ haliɠaai di báá.»

Rutə 1:17

Ɓɛi yá haa laa, nąą ɓə ŋą́ haa la di nóó laa. Akɛ haa a wala gu ɓɛlaɓo, ŋą́ həɠə ə́ pulu, Yai-Laa hvo mɛ̨́i kaa, akɛ ŋą́ həɠə ə́ pulu, ŋą́ həɠə gbə́lə yá ɲɛ̨i tɔwɔ.»

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Hanwon 27:1

'Hvó ə́ kpɔwɔ mąątɛ̨nɛ̨ tinąą mɛ̨nį hu, mąąhɔlɔɓo, mɛ̨nįi háákələi kaa pai naai yɛ́, hvó gɔlɔn.

Lɛɛ gbɔwɔ ɓa 10:28

Tɔɔmun yɛ Moisə ɓa: «'Həɠə ɓɛ ŋɛ̨i tɔɔni! Hvo kɛa pənə, hvo pa ɓɛ. Ɲələi kɛa yá paa la ɓɛ, yá haa.»

Tɔɔɓɛlaa dɔlɔɔ 2:28

Mɛ̨nįi tii bələ ə həli Ɉoabə ɓa, Ɉoabə da Adoniasə ɓə kɛ di tɔɔ, kɛlaa, hvo wɔlɔ kɛ tɔɔ li Absalɔn pulu. Nąąlɔwai Ɉoabə ə li Yai-Laa hee kələ mu, ə mąąkilɛ laa. Ə ɉaláá kulɔi mįnɛ̨ɠaa hon.

Tɔɔɓɛlaa veelɛ 19:22

Gbɛɛ ɓə ə́ nalan? Yɛ mɛlɛkpɛɛ mą? Gbɛɛ ɓə ə́ ə́ woo həɠəi mą? Yɛ́ gaa a ə́ ɲɛ̨i kpon bələ? Israɛlə nwɔ Yálá Mąąhəɠɛɛ ɓə!

Lɛɛ gbɔwɔ ɓa 15:9

Ku yowoɠaa di kɛ diɛ: «Ku kaa hvilɛn ɉii di pulu, ku di hon, ku kaa lii ku wɔ kɔ́ pulu hɛn ɉəɠəi, yɛ bələi ku kaa la bɔ, ku kaa ku wɔ kɔ́-kɔ ɓɔwai yalai daa hu, ku yee kaa pai pɛli diɛ.»

Samia Veerɛi 3:9

Yálá ə Avnɛrə hon a pələi lɔpee, akɛ mɛ̨nįi Yai-Laa ə gwɛla la Davidə ɓa, ŋą́ wala gɛ ma.

Samia Veerɛi 19:13

Ka káá a gááyɔwɔa, gu kaa a nu huwu tɔ̨nɔ̨. Lə mɛ̨nį ɓa, ka lɛɛ pulu, tɔɔmun bulu pənə mɛ̨nį hu, yɛ pa bɔɔli?›»

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 26:21

Tɔɔmun Yoyakimə da nwɔ kɔ́kulááɠaai da galanɉonŋaai di nwooɠaai tii mɛ̨n. Tɔɔmun yɛ nui tii paa pələ kwɛli. Uriahu kili ə pu ɉu, ə ɲɔw, ə pu, ə li Eziptə lɔi hu.

Tɔɔɓɛlaa dɔlɔɔ 2:23

Tɔɔmun Salomɔn ə gwɛla, a Yai-Laa laa; yɛ diɛ: «Nwooi ŋɛ̨i Adoniasə ə mo, nwun nɛɛ ɉu, Yai-Laa hvo mɛ̨́i kaa!