Tɔɔɓɛlaa dɔlɔɔ 19:13 - Yálá laawoo hɛɓɛ (dc)

¹³ yii lɔ Eli ə vaŋą hvɛlɛ tɛ-tɛi tii tɛɛ mɛ̨nį kili kɔ́lɔn, ə nwɔ biliɉui pɛlɛ ɲɛ̨i, ə kulɔ ə tɔɔ gwɛni wolo laaləi. Woo ta ə həli Eli ɓa, yɛ mą: «Eli, lə ɓə ə́ kaa gɛi ɓɛ?»

Yálá laawoo hɛɓɛ

¹³ yii lɔ Eli ə vaŋą hvɛlɛ tɛ-tɛi tii tɛɛ mɛ̨nį kili kɔ́lɔn, ə nwɔ biliɉui pɛlɛ ɲɛ̨i, ə kulɔ ə tɔɔ gwɛni wolo laaləi. Woo ta ə həli Eli ɓa, yɛ mą: «Eli, lə ɓə ə́ kaa gɛi ɓɛ?»

Bible

¹³ Ilaiza kɛ́ɛ a ninîŋ su-wooi mɛ́nii, è ŋɔyokpoi pɛ̀lɛ ŋ̀ɛ́i é kúla ŋ̀énei ŋá é tɔ́ɔ gɔni-woloi lá. Gɛ́ɛ ti, è wóo da mɛ̀ni ǹyɛɛ mai, “Ilaiza, lé ƃé íkaa gɛ̂i ƃɛ́?”

Tɔɔɓɛlaa dɔlɔɔ 19:13 Referans Kwoze

Tɔɔɓɛlaa dɔlɔɔ 19:9

Həlii Eli ə mo Horɛbə yee ɓa, ə lɔ kwɛni wolo ta hu, ə yíi laa. Yai-Laa ə pələ ɓo mą, yɛ mą: «Eli! Lə mɛ̨nį ɓa ə́ kaa ɓɛ?»

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Azaya 6:2

Malaka kpɛa-kpɛa hveelɛ di kɛ tɔɔni gbəlin nwun mɛ̨i, di tɛi tɛi, di koon ə kɛ diɛ mɛ̨ida mɛ̨ida. Diɛ di ɲɛ̨ilai gbulu a veelɛ, diɛ di kɔ́wɔ mɛ̨i kpulu a veelɛ, diɛ kɛa koon a veelɛ.

Tɔɔɓɛlaa dɔlɔɔ 18:42

Akabə ə li yɛ gɔ̨nɔ̨n mįi, ə gbələ; nąąlɔwai, Eli yaa kpɛli, yɛ tɛ Karmɛlə yee ton ɉu, ə mąą pɛlɛ, ə nwun nɔ gɔwɔ lɔwai.

Lɛɛ gbɔwɔ ɓa 33:23

Yili pulu, ŋį́ ɲéé həɠə ə́ ɲɛ̨i, ə́ búlú pələ kaa, kɛlaa ɲɛ̨ilai nwɛi, nu hva gaa.»

Zɛnɛse 16:8

ə mąąnikɛ, yɛ mą: «Hagarə, Sarai nwɔ luwɔ nɛ̨ą, ə́ həɠə mį, ə́ kaa lii mį?» Ə nwoo ŋąąpənə, yɛ mą: «Gáá pui nwɔ́ mɛ̨nį nąmu Sarai tɔwɔ.»

Hebreu 11:37

diɛ daɠaa hɔɔ a kwɛni diɛ haa, diɛ daɠaa hutee a gbɛa haɠa, diɛ daɠaa paa a ɓɔwa kwɛaa. Di kɛ lɔ tii kɛa lɔi mɛ̨i diɛ tɛɛ, ɓɛlaa kɔ́lɔ da ɓooli kɔ́lɔ ɓə kɛ a di mąąhəɠəɠaa, di ɓo a yeehvowolo nuą, diɛ di mɔ̨nɔ̨ɓo, diɛ di hon a ɲɔ̨nwɔ̨ɔ̨,

Tɔɔɓɛlaa veelɛ 2:8

Nąąlɔwai, Eli ə nwɔ biliɉui kulɔ gbaŋəi, ə gbinįn gɛ, ə ɲá kɛlɛ la; ɲá ə tee di tɔwɔ, di tɛɛ di nu hveelɛi di kɔ́wɔ mąą kpalaa.

Zôna 4:5

Ɉonasə ə kulɔ Ninivə daai ə li ə tɔɔ voló həɠəi pələ, ə nɛ̨ɛ̨ mą ə kələ ta tɔɔ laa, ə lɔ ə hee mu, ə gɛ, mɛ̨nįi pai kɛi a Ninivə taa, ə nąą kaa.