Tɔɔɓɛlaa dɔlɔɔ 19:12 - Yálá laawoo hɛɓɛ (dc)

¹² Nɔi kpɛlin ŋąą pulu, nwɔ̨n ə kulɔ. Kɛlaa, Yai-Laa hvo kɛ nwɔ̨n ɉu. Nwɔ̨n dɛɛ pulu, hvaŋą hvɛlɛ tɛ-tɛ ə tɛɛ,

Yálá laawoo hɛɓɛ

¹² Nɔi kpɛlin ŋąą pulu, nwɔ̨n ə kulɔ. Kɛlaa, Yai-Laa hvo kɛ nwɔ̨n ɉu. Nwɔ̨n dɛɛ pulu, hvaŋą hvɛlɛ tɛ-tɛ ə tɛɛ,

Bible

¹² Ǹɔii kpɛ̃liŋɔɔ̂i pôlu ma, ŋɔŋ è pà kɛ́lɛ Yâwɛɛ fé kɛ́ ní ŋɔŋ su. Ŋɔŋ tɛ̀ɛ pôlu ma, ninîŋ su-woo lɛ́lɛɛ kɔlɔ-saa ma è tɛ̀.

Tɔɔɓɛlaa dɔlɔɔ 19:12 Referans Kwoze

Zôo 4:16

Nu ta ə kɛ tɔɔni dɔ́wɔ, kɛlaa, və́ kɛi gɔlɔn. Hɛn da mąąnįnįn ə kɛ ɲɛ̨́i laai, nąą mɛ̨i haa kpɔ tin, yili pulu, ŋį́ woo ta mɛ̨n, yɛ kɛ mą́ą́:

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Dutɛrɔnome 4:33

Nu huwu ta, aa ta yálá ta woo mɛ̨n, yɛ hvaa nwɔ̨n nən ɉu, ɛlɛɛ, mąą nu huwui yɛ lɛɛ a vulú yɛ bələi ə kɛ la a kaa?

Zôo 33:7

Ɲɔw hvo too ə́ hu mą́ą́ mɛ̨nį ɓa, Və́ pai ə́ ɲɛ̨i kɔ́w kpɔlii.

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.

Lɛɛ gbɔwɔ ɓa 3:2

Nąą ɓə Yai-Laa nwɔ malaka ə gbɔwɔ lɛ laa mą nwɔ̨n nən gɛnɛ̨ hu wulu lon da ɓa. Moisə ɲɛ̨i ə kɛ nwului tii ɓa, nwɔ̨n yɛ ɓo mą nąą kəlee, kɛlaa, hvo kɛi gələn.

Zɛnɛse 15:17

Ɓɛlɔwai kpinį ə pɛlɛ la, ɲąąɓa, nwɔ̨n deŋą ta ə tɛɛ, ɉuwɔɠaai tii ləi Abramə ə ɉu tee-tee, di mɛ̨i, nwɔ̨n nən yɛ ɓo mą.

Hebreu 12:29

Gbala ə tɔɔ, gu wɔɔ Yálái kaa a nwɔ̨n a kɛɛ kələn.

Gɛlaɠaa 2:2

Kpɔlɔ ti ŋąą ɓa, tín gɛnɛ̨ ta ə tɔɔ yələi, yɛ hvaŋą kɛnɛ̨ ta a kɛi tɛɛ; bɛlɛ́i ti di kɛ mu, ə naa laahvɛɛ.

Tɔɔɓɛlaa veelɛ 2:11

Di kɛɛ líi, diɛ mɛ̨nįi tii ɓo, wotolo tɔ̨nɔ̨, da hooɠaa di ɓo a nwɔ̨n, di kulɔ, di Eli da Elise di ɓɛlaɓo, ɉigilin ə Eli həɠə yɛ tɛ la yələkɔlɔn ɉu.

Tɔɔɓɛlaa veelɛ 1:10

Kɛlaa, Eli yɛ gɔ́laɠa nwun nąmu tii ɓa: «Akɛ Yálá kwəi mɛ̨nį hukulɔ mun mąą a ɲą́ą́, gɛ́ nwɔ̨n ə kulɔ yələi ə ə́ kələn. Ka ə́ pɔ nuą!» Ɲąąɓa, nwɔ̨n ə kulɔ yələi ə gɔlaɠa nwun nąmu tii da nwɔ kɔ́kulááɠaai kələn.

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Dutɛrɔnome 4:15

Ka ka kpɔwɔ hon a nɛlɛɛ, ka gɔlɔn kaa diɛ, ɲələi Yai-Laa ə kɛi mɛ̨nį ɓo la kaa nwɔ̨n nən ɉu Horɛbə yee nwuɔ̨, ka hvo hɛn nɔpee ta mąą nįnįn gaa nwɔ̨n nən tii hu.