Tɔɔɓɛlaa dɔlɔɔ 18:43 - Yálá laawoo hɛɓɛ (dc)

⁴³ Yɛ bɔmun ma: «'Tɛ́, ə́ gboloyá mɛ̨i pələ kaa!» Yili ə li ə nąą kaa, kɛlaa, hvo hɛn da kaa. Eli yɛ mą: «Kɛ lii yɛ́ nąą kaa gee mɛ̨i mɛ̨ihveelɛ.»

Yálá laawoo hɛɓɛ

⁴³ Yɛ bɔmun ma: «'Tɛ́, ə́ gboloyá mɛ̨i pələ kaa!» Yili ə li ə nąą kaa, kɛlaa, hvo hɛn da kaa. Eli yɛ mą: «Kɛ lii yɛ́ nąą kaa gee mɛ̨i mɛ̨ihveelɛ.»

Bible

⁴³ È mò ŋɔyée mu-nuui ma ǹyɛɛi, “Lí í Yúo naa-pere káa.” È lì é naa pere káa é mò ǹyɛɛi, “Sɛŋ da fé naa.” Ilaiza ǹyɛɛ mài, “Lí naa ŋɔ́nɔ gîei lɔ́ɔlu mɛi feerɛ.”

Tɔɔɓɛlaa dɔlɔɔ 18:43 Referans Kwoze

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Mąątɛ̨nɛ̨ 5:3

Ə́ təlii gáá moi, ə́ wəli tinɛ̨n bɔ́ pələ, nwɔ́ tɔɔmun, nwɔ́ Yálá! Yɛ́ ɓə gáá ə́ təlii.

Zɛnɛse 32:26

Yii kɛa ə gaa yɛ ɲee hvo lɔi Ɉakɔbə ɓa, ə Ɉakɔbə kɛlɛ donwənən ma, ə nąą həɠə gee la gbilɛn gɔi lɔwai.

Tɔɔɓɛlaa dɔlɔɔ 18:42

Akabə ə li yɛ gɔ̨nɔ̨n mįi, ə gbələ; nąąlɔwai, Eli yaa kpɛli, yɛ tɛ Karmɛlə yee ton ɉu, ə mąą pɛlɛ, ə nwun nɔ gɔwɔ lɔwai.

Tɔɔɓɛlaa dɔlɔɔ 18:44

Mɛ̨ihveelɛnąą, Eli bɔmun yɛ mą: «Tulɔ kpinįn nogolo kaa gboloyá mɛ̨i.» Eli ə pənə yɛ mą: «'Li ə́ yɛ́ Akabə ɓa, ə kɛhu ə ɉoo hąą yili, ə li, ə gɛ, tulɔ hvo pa bələ too dɔwɔ.»

Zasua 6:4

Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Tɔɔɓɛlaa veelɛ 4:35

Yili pulu, Elise ə həɠə gbin ŋą, ə hvilɛn yɛ tɛɛ tɛɛ ɓo bɛlɛ́n, ə pənə ə tɛ, ə pɛlɛ nokoloi mɛ̨i. Ə kɛ lɔ tii, nokoloi ə tíhoo haɠa gee mɛ̨i mɛ̨ihveelɛ, ə ɲɛ̨i həɠə mą.