Tɔɔɓɛlaa dɔlɔɔ 18:39 - Yálá laawoo hɛɓɛ (dc)

³⁹ Ɓɛlɔwai Israɛlə nuą di gaa la tii, nu kəlee di pɛlɛ nɔi ɓa, diɛ kɛ: «Yai-Laa ɓə a Yálá! Yai-Laa ɓə a Yálá kpɔɔ kpɔɔ.»

Yálá laawoo hɛɓɛ

³⁹ Ɓɛlɔwai Israɛlə nuą di gaa la tii, nu kəlee di pɛlɛ nɔi ɓa, diɛ kɛ: «Yai-Laa ɓə a Yálá! Yai-Laa ɓə a Yálá kpɔɔ kpɔɔ.»

Bible

³⁹ Ǹûai kélee kɛ́ɛ da nyíŋi káai, dí tòo ǹɔii ma dí wɔ̀lɔ dîyɛɛi, “Yâwɛɛ káa a Ɣâla! Yâwɛɛ káa a Ɣâla!”

Tɔɔɓɛlaa dɔlɔɔ 18:39 Referans Kwoze

Tɔɔɓɛlaa dɔlɔɔ 18:24

Yili pulu, ka ka woo tɛ ka wɔ halii pɔ pələ, ɲą́ą́ gbɛli, ŋą́ nwoo tɛ Yai-Laa pɔ pələ. Ɲálá hveelɛ tii, yii a nwɔ̨n dɛɛ, a kɛ tii ya ɓə a Yálá hvulú mąą.» Nu kəlee diɛ mą: «Kwaa hvaa mą.»

Kɔlɔnikɔ Veerɛi 7:3

Israɛlə lonnii kəlee di nwɔ̨n gaa yɛ yɛɛ, Yai-Laa Mąąɲįnɛ̨n ə ɓo mɛ̨i; di di nwun vilɛn nɔi ɓa, di pɛlɛ di lii ɓa; diɛ Yai-Laa Laa tɛ. Mąąhɔlɔɓo ŋą mɛ̨nį lɛlɛɛi, ŋą wɛlikɛmąąlaa ɲɛ̨n və mą.

Tɔɔɓɛlaa dɔlɔɔ 18:21

Eli ə mąą lɛɠɛ diɛ, yɛ diɛ: «Ka káá pai lɛɛi tɔɔi yai yai, ə lɛɛ la ɉu mįnɛ̨ lɔwai? Akɛ ka káá lɛɛi Yai-Laa gu wɔ Yálái pulu, ka lɛɛ bulu; akɛ ka káá hvilɛn ɉii Baalə pulu, ka hvilɛn bulu.» Kɛlaa, nuą di hvo pɛli woo ta ɓoi.

Gɛlaɠaa 4:16

Diɛ di geeni diɛ: «Lə ɓə gwa pɛli gɛi a nuą ŋɛ̨i? Mąąhɔlɔɓo, daa kpalo mɛ̨nį ta kɛ, ponoɲą mɛ̨nį li, Ɉerusalɛmə daa kwəi nuą kəlee ɲɛ̨i ɓa; ɛlɛɛ, ku hva pɛli ɉɛatooi.

Gɛlaɠaa 2:37

Nwooi ti mɛ̨n di mo, di kwəi ə pili diɛ, di Piɛrə da mɛlaa di mąąni kɛ diɛ mą: «Ku nąn nonnii, lə ɓə kani mąąnɛ̨ɛ̨ ku gɛ?»

Ɉaan 5:35

Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

Kɔlɔnikɔ Maa-ŋuŋ 21:16

Davidə ə ɲɛ̨i tɛ ɲələi, ə Yai-Laa nwɔ malakai kaa, yɛ ɓo yələkɔlɔn da lɔi di lɔwai, kɔ-kɔ ɓɔwa ə ɓo ɲəi gulaa daa hu; Aa mowa ɲɛ̨i haŋą Ɉerusalɛmə taa ɓa pələ. Davidə da nɔi kalanɉonŋąą kəlee, di ɓíi haɠa too di kwaną, di pɛlɛ lɔi ɓa.

Nwun mąąɓo 13:20

Nwɔ̨n nulu tii kɛi tɛ ɲələi pələ, Yai-Laa nwɔ malaka ə lɛɛ nwɔ̨n nulu hu, ə tɛ. Yili nąą kaai Manoa da nɛ̨ą di mo, di pɛlɛ nɔi ɓa.

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Tɔɔɓɛlaa dɔlɔɔ 8:60

Ə kɛ tii, lɔi mɛ̨i nu huwuɠaa kəlee da gili kɔ́lɔn diɛ kɛ: ‹Yai-Laa ɓə gaa a Yálá, dakpɛli hvo laa.›

Ɛsdrasə 1:3

Kaai kpɔ ka káá a Yai-Laa nwɔ nuą, gɛ́ Yálá ə lɛɛ ka pɔ. Ka ka muhəɠə ka li Ɉerusalɛmə daai, Ɉuda lɔi hu, ka pɛlɛ́ tɔɔ laa Yai-Laa ɓa, a Israɛlə nwɔ Yálá; yai gaa Ɉerusalɛmə.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 118:27

Yai-Laa ɓə gaa a Yálá, ya ɓə kɛɛ pono tɛɛ ku pɔ, 'ka tɔɔ a ka yɛli gwala laa ə ɓo ka yəi, ə lɛɛ ɉu ka həli ɉaláá kulɔi mįnɛ̨ɠaa diɛ.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Tɔɔɓɛlaa dɔlɔɔ 20:13

Kɛlaa, Yálá kwəi mɛ̨nį hukulɔ mun da ə pa tɔɔmun Akabə pɔ, yɛ mą: «Mɛ̨nįi Yai-Laa ə mo ya ka, yɛ: Yáá nu kpɔn gɛnɛ̨ɛ ŋɛ̨i kaa, gáá gəlee tooi ə́ yee ŋą, yili ɓə yá gɔlɔn na yɛ́ diɛ ɲą́ą́ ɓə a Yai-Laa.»

Kɔlɔnikɔ Veerɛi 33:13

ə wɔlɔ mą. Yai-Laa ə niilaa bɔ, ə nwəli tɔɔ nwɔ nɛ̨ɛ̨mąą woo ɓa, ə pənə ə pa a Manase Ɉerusalɛmə daa, əgɛ, ə nwɔɔ tɔɔlaai kɛ. Manase ə gɔlɔn yɛ kɛ, Yai-Laa ɓə gaa a Yálá.

Mąątɛ̨nɛ̨ 50:7

Nwɔ́ nu huwui! 'Ka ka wəli tɔɔ, gáá mɛ̨nį ɓoi, Israɛlə, gáá ə́ hɔn moi; «ɲą́ą́ ɓə gaa a Yálá, ə́ wɔ Yálá ɓaa a Ɲą́ą́!»

Mąątɛ̨nɛ̨ 94:16

Gbɛɛ ɓə pai mą́ą́ mɛ̨nį ɓoi nwea nuąi ŋɛ̨i lííla, gbɛɛ ɓə pai tɔɔi búlu, kuɔ kɔ́ pɛlɛ vulu nuąi ŋɛ̨i diɛ?

Izikiɛ 20:5

«Ɲą́ą́ Mɛ̨nį kəlee ŋą Hééɓomun Yálá nwóó laa həli diɛ, yɛ diɛ: Ɲələi ŋą́ Israɛlə həɠə la a; nííɓa lɔi, ŋą́ ɲéé tɛ yələi, ŋą́ gwɛla Ɉakɔbə yəi bɛlɛ́n nu huwu ɓa; ŋą́ gbɔ́ɔ́ lɛ diɛ Eziptə lɔi hu, ŋą́ ɲéé tɛ yələi, ŋą́ gwɛ́la, gɛ́ diɛ: Gáá a Yai-Laa ka wɔ Yálá.