Tɔɔɓɛlaa dɔlɔɔ 18:3 - Yálá laawoo hɛɓɛ (dc)

³ Akabə ə Ovadiahu təli, ya ɓə kɛ dɔɔ pɛlɛ́ nwun na, Ovadiahu yaan, ə kɛi ɲɔw Yai-Laa ɓa kpɔ kɛnɛ̨.

Yálá laawoo hɛɓɛ

³ Akabə ə Ovadiahu təli, ya ɓə kɛ dɔɔ pɛlɛ́ nwun na, Ovadiahu yaan, ə kɛi ɲɔw Yai-Laa ɓa kpɔ kɛnɛ̨.

Bible

³ Eɣa è gɛ̀ dí Obadia tóli é pá bɔ́-naa. Obadia ƃé kɛ̀ ŋɔkâloŋ pɛrɛ kɛ́tɛi mɛi. (È kɛ̀ a laa-la nuu kpanaŋɔɔ Yâwɛɛ mɛni ma.

Tɔɔɓɛlaa dɔlɔɔ 18:3 Referans Kwoze

Nehemi 7:2

Ŋą́ mo di ną́n non Hanani hee a Ɉerusalɛmə ŋąąwoo ɓomun, da Hanania yai kɛ a daa mąąkpɛ pɛlɛ ŋąąwoo ɓomun, ə kɛ a nui a kulɔ nwoo ɓa yɛ ɲɔw Yálá ɓa dɛɛ nu tamąą diɛ.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Tɔɔɓɛlaa dɔlɔɔ 16:9

Ela yee pɔ mun Zimri, yai kɛ a gɔ́ wotolo bələ tɔ̨nɔ̨ ɲąąwooɓomun, ə nɔgili kɛ mą. Tɔɔmun Ela ə kɛ Tirsa daai nąąlɔwai, yɛ lɔɔ kpələ a ɲee tɛɛ pələ mą. Di kɛi gɛ tii dɔɔ pɛlɛ́ mɛ̨i kaa mun Arsa yəi bɛlɛ́n.

Gɛlaɠaa 10:35

Nui lɔpee a ɲɔw mą, yɛ tələnmo yíiɓo a ɲɛ̨i lɛlɛɛ hee mą.

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Hanwon 14:26

Nui a ɲɔw Yai-Laa ɓa, dɔɔi a walawala, Yai-Laa kaa a mąą nu mąąkilɛi, nonnii wəli pulu laɠiɛ.

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Tɔɔɓɛlaa veelɛ 4:1

Yálá kwəi mɛ̨nį hukulɔ mun da nɛ̨ą ə pa a yələ ta, yɛ Elise ɓa: «Elise! Ə́ kili kaa ɉu yɛ́ ə́ wɔ tímun da nɛ̨ą ɓaa a ɲą́ą́, kɛlaa, aa haa. Yaan, ə́ gɔlɔn yɛ́ diɛ, ə kɛi ɲɔw Yai-Laa ɓa. Ya ka tii, nuąi kwələ tɔɔ mą, dɔ̨nɔ̨ aa pa, yɛ ə nónnii hveelɛi ŋɛ̨i həɠə a doláá.»

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Zɛnɛse 42:18

Voló ɉaaɓa yələ, yɛ diɛ: «Mɛ̨nį gáá ɉu hvɛlii kaa, ka gɛ, ka nwun mąą a ɓo. Mąąhɔlɔɓo, ɲą́ą́ gbɛli, ŋą ɲɔw Yálá ɓa.

Zɛnɛse 41:40

Yɛ́ ɓə gáá ə́ heei nwɔ́ lɔi nwun na, yɛ́ mɛ̨́i kaa, yii kpɔ ya moi, ya ɓə nɔi nuą da gɛ. Dɔɔlaa ŋɛ̨i gaa ɲə́i, yaa lɔ ɓə a gɛ́nɛ̨ ə dɛ́ɛ́ yɛ́, ɓɛ nɔi.

Zɛnɛse 39:9

Ɲəi bɛlɛ́n ɓɛ, ɲą́ą́ ɓə mɛ̨nį kəlee kaa ná, hvo tɔ́n dɔɔ li mą́ą́ mɛ̨nį ta hu, hvo kɛli lɔ yɛ́ ɓə vá lɛɠɛ yɛ́, mąąhɔlɔɓo, nɛ̨ą ɓaa a yɛ́. Ŋą́ həɠə pələ kɛ ləi, gɛ́ li mɛ̨nį ɲɔ̨n gɛi, gɛ́ nɛ̨ŋɛ̨n ɉəɠə Yálá ɓa?»

Zɛnɛse 24:10

Nuwɔi, ə nuwɔ nąmu nwɔ ɲɔ̨nwɔ̨mɛ̨ɛ̨ pow həɠə, ə bɛlɛ nuwɔ nąmu yəi hɛn gɔw mɔlɔmun ma. Ə hvilɛn bələ ɓa, yɛ li Nahɔrə pɔ taai, Aramə ɲa hveelɛ lɔwai.

Zɛnɛse 24:2

Abrahamə nwɔ luwɔɠaai nu pɔlɔ laamun kɛ a nwɔ hɛn gɔw mɛ̨ikaamun, hvóló ta, Abrahamə ə dəli, yɛ mą: «Ə́ yee lɔ nwɛ́lɛ mu!

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Tɔɔɓɛlaa dɔlɔɔ 18:2

Eli ə li, ə gbɔwɔ lɛ Akabə ɓa. Pulu aa kpɔlu Samari lɔi hu nąąlɔwai.

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 112:1

'Kánikookwəi! Nui a ɲɔw Yai-Laa ɓa, nwun na nɛ̨ɛ̨i, a nui kpɔ tii a nwɔ tiɓoɠaa wɛlilakɛi.

Maafîu 25:17

Nui tii veelɛ hɔlɔɓo, ə li ə veelɛ kwɛli ə bɛlɛ veelɛi tii ɓa.