Tɔɔɓɛlaa dɔlɔɔ 17:18 - Yálá laawoo hɛɓɛ (dc)

¹⁸ Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Yálá laawoo hɛɓɛ

¹⁸ Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Bible

¹⁸ Ǹɛnîi è mò Ilaiza ma ǹyɛɛi, “Ɣâla-nuu, lé ƃé íkoi é pîlaŋ mai? Í pà a gɛ́ɛ í ŋásɔnyɔ̂ŋ mɛni too Ɣâla kíli ŋá a gɛ́ɛ é ńoŋ surɔŋ-looi páa?”

Tɔɔɓɛlaa dɔlɔɔ 17:18 Referans Kwoze

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Lukə 4:34

Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Tɔɔɓɛlaa veelɛ 3:13

Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.

Ɉaan 2:4

Kɛlaa Jesus ə nwoo pulu pənə yɛ mą: «Néé, yii mąąnɛ̨ɛ̨ ŋį́ gɛ, yɛ hvəə ya mo mą́ą́! Ŋɔ́ lɔwai hvə nii həli li.»

Samia Veerɛi 16:10

Tɔɔmun yɛ mą: «Ə́ wɔɔ naa ɓa a lə mɛ̨nįi ŋɛ̨i hu, Seruya lon? Akɛ nɛ̨ŋɛ̨n naa ŋɛ̨i gaa gɛi, Yai-Laa ɓə kɛ mą: ‹Li ə́ Davidə nɛ̨ŋɛ̨n naa›, gbɛɛ ɓə a pɛli kɛi ma: ‹Lə mɛ̨nį ɓa ə́ kaa yili kɛi?›»

Lukə 8:28

Ɓɛlɔwai ɉulɔnui tii ə Jesus kaa la, ə tómą kpɔ kɛnɛ̨, ə too gɔwɔ mu, ə mo kpɔ a nwoo kɛnɛ̨, yɛ mą: «Lə ɓə yɛ ə́ gɛ a ɲą́ą́, Yálá yii gaa yələkɔlɔn ɉu Non? Gáá nɛ̨ɛ̨mąą hvəə yɛ́, hvo náá nɔ̨nwɔ̨ ɓo!»

Markə 6:16

Nwooɠaa tii mɛ̨n Herodə ə moi, ə mo yɛ diɛ: «Ɉaan-Batistə ŋɛ̨i ŋą nwun dee ŋą, ya ka tii aa nwun aa kulɔ haa yəi!»

Markə 5:7

ə tómą kpɔ a nwoo kɛnɛ̨ yɛ mą: «Lə ɓə yɛ ə́ gɛ a ɲą́ą́, Jesus, Yálá yaai gaa yələkɔlɔn ɉu non? Gáá nɛ̨ɛ̨mąą hvəə yɛ́, 'gɛ Yálá ɓa, hvó náánɔ̨nwɔ̨ ɓo.»

Zôo 13:26

Mąąhɔlɔɓo, ə́ kaa mɛ̨nį walawala ɓoi náá mɛ̨i, Yɛ́ nwɔ hulɔnon dúwɔ́ pələ ɲɔ̨nŋaa laa nwúɔ.

Zôo 13:23

Nwɔ́ nɛ̨ŋɛ̨n, da nwɔ́ túwɔ́ pələ ɲɔ̨n gaa yɛli? Gɛ́ ə́ ɉɔ́nŋaai tii lɛ mą́ą́.

Kɔlɔnikɔ Veerɛi 35:21

Neko ə tiɓo kə mun Ɉosiasə pɔ, ə pa yɛ mą: «Ɉuda tɔɔmun! Lə mɛ̨nį ɓə gaa gwa yɛ́ gu lɔwai? Yɛ́ hvəi ŋį́ pa kɔ́ pɛlɛi yɛ́ háákələi, kɛlaa, ɲówo pɔlɔ-pɔlɔi ŋɛ̨i ɓə! Yálá yɛ ŋį́ gɔɠɔ mąąhulɔ; Ɲálái ŋɛ̨i aa tɔɔ búlú, hvó kɛ ə́ kaa tɔɔi na, hvo pa ə́ hukala.»

Tɔɔɓɛlaa dɔlɔɔ 18:9

Ovadiahu yɛ mą: «Mɛ̨nį ɲɔ̨n nə kɛɛ ɓə ŋą́ gɛ, yai ə́ ka dóói Akabə yee ŋą. Yɛ pa báái?

Tɔɔɓɛlaa dɔlɔɔ 13:1

Yálá nwɔ nu ta ə həɠə Ɉuda, ə pa Betɛlə, Yai-Laa ɓə dɔɔ, ɓɛlɔwai Ɉeroboamə ə kɛi ɉaláá hɛnŋąą kələn na ɉaláá kulɔi.

Samia Veerɛi 19:22

Seruya lon Avisai ə nwoo pulu pənə, yɛ tɔɔmun ma: «Akɛtii, yili mɛ̨nį ɓə mɔ̨ɔ̨ di hva Simei paa la! Nui Yai-Laa aa mąątí a tɔɔ wulɔ, kɛlɛi Simei ɓə nɛ̨ŋɛ̨n nąąn ee?»

Samuɛlə dɔlɔɔ 16:4

Pələi Yai-Laa ə mo la, Samuɛlə ə gɛ tii. Həlii ə mo Bɛtleɛmə, daa kalanɉonŋaa di gaa, di həɠə diɛ li naakwiɛn ɉii, di mąą yɛ kpɛlin, di mąąnin gɛ, diɛ mą: «Mɛ̨nį lɛlɛɛ ɓə ə́ kaa pai la?»

Zɛnɛse 50:17

‹Ka nwóó ŋɛ̨i laa həli Ɉosɛfə ɓa, kaa mą, Ɉakɔbə yɛ: Mɛ̨ni nwąnąąi ə́ liɛni di naa yɛ́, yii kpɔ di gɛ a yɛ́ a ɲɔ̨nwɔ̨ɔ̨, di mąąhvaalɛɛ gəlee hu.› Yili ɓa, Ɉosɛfə, kuɔ: Ə́ ku mąąhvaalɛɛ, gu kəlee ɓə gwa kwɛli hvilɛn gu nąn nwɔ Yálái ɓa.» Nwɛlɛɛ tii ɓoi di mo Ɉosɛfə ɓa, ə hee yɛ wɔlɔ.

Zɛnɛse 50:15

Ɉosɛfə niɛni di hee, diɛ di kee ɓa: «Yii kɛa gu nąn aa haa, Ɉosɛfə kaa pai tinɛ̨n ɉi, ə ɲɛ̨i ɲɔ̨nwɔ̨ɔ̨ hee guɔ, mɛ̨nį ɲɔ̨n kpɔ gu gɛ la, gaa pai nwɔ kwələ kulɔi.»

Maafîu 8:29

Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Lonon mo 5:15

mąąnɛ̨ɛ̨ ɉulɔnui tii ə li a nɛ̨ą ɉaláá laa həli mun bɔ, ə pa a dɔ́n ɉalá hɛn, gəgən ɲąą haaɓa kpai hunwɔ̨ hu. Hva wulɔ pu mą, hva lansan hee mɛ̨i, mąąhɔlɔɓo, toló haláá da nu hɔn mo haláá li.

Tɔɔɓɛlaa dɔlɔɔ 12:22

Kɛlaa, Yálá hvaa wo ə too Yálá nwɔ nu Semaya wəlii, yɛ kɛ mą:

Tɔɔɓɛlaa dɔlɔɔ 17:17

Mɛ̨nįɠaa tii tɛɛ pulu, nɛ̨ɛ̨nui tii lon ə ɲɔ̨n ɉəɠə. Ɲɔ̨n ə wiɛ nokoloi ɓa, ə tɛɛ ɲɛ̨n ɉu, ə haa.

Tɔɔɓɛlaa dɔlɔɔ 17:19

Eli yɛ mą: «'Ə́ lon və!» Eli ə nokoloi həɠə ɲəi, ə li la nwɛ̨ą pɛlɛ́ mu, ə naa nwɔ gbin ŋą,

Tɔɔɓɛlaa dɔlɔɔ 20:28

Yálá nwɔ nui ə mąą lɛɠɛ Israɛlə tɔɔmun ma, yɛ mą: «Yii Yai-Laa ə mo ya ka: Yii Aramə nuą diɛ Yai-Laa kaa a yee hu Yálá, hvo a nɛ̨ŋɛ̨ hu Yálá; gáá nu kpulu ŋɛ̨i kəlee lɔi ə́ yee ŋą ə gɛ ka gɔlɔn kaa diɛ: Ɲą́ą́ ɓə a Yai-Laa.»

Zɛnɛse 44:16

Ɉuda ə mo Ɉosɛfə ɓa, yɛ mą: «Ną́n! Yɛ́i ŋɛ̨i ə́ kaa a nɔi nwun nąmu, lə mɛ̨nį kpɔ ɓə kwa pɛli ku mo yɛ́, ə gɛ, ə́ laa na, yɛ́ diɛ, ku hvo a hɔn mąą nuą mɛ̨nįi ŋɛ̨i hu? Yálá aa ku mąą kpoloon, aa ku hɔn gulɔ pɔ̨nɔ̨ŋą, kwaa kɛ a hɔn mąą nuą. Nui ŋɛ̨i di ə́ wɔ kpələ kɔ́wɔi kaa ɲəi míi hu, kwa diɛni kəlee kwaa kɛ a ə́ wɔ luwɔ.»

Nwun mąąɓo 13:6

Nɛ̨ɛ̨nui tii ə li ɲəi bɛlɛ́ laaləi, yɛ ɉilɛ ɓa: «Yálá nwɔ nu ta aa gbɔwɔ lɛ mą́ą́, ɲɛ̨ilai ə kɛ yɛ Yai-Laa nwɔ malaka, mąą ɲɔuɔ. Və́ kɛ li mą mįnɛ̨ ɓə ə́ həɠə laa, hvo nwɔ̨nɔ̨ naa ɓo mą́ą́.

Tɔɔɓɛlaa veelɛ 1:9

Tɔɔmun ə kɔlaɠa nwun nąmu ta tɔɔ da kɔ́kuláá pow lɔɔli, ə gɛ, di Eli hon. Eli ə kɛ heeni yee tona, gɔ́kulááɠaa tii di tɛ laa bɔ. Gɔ́laɠa nwun nąmu yɛ Eli ɓa: «Yálá kwəi mɛ̨nį hukulɔ mun! 'Tɛɛ gu yɛɛ, tɔɔmun mə mo.»