Tɔɔɓɛlaa dɔlɔɔ 16:8 - Yálá laawoo hɛɓɛ (dc)

⁸ Ɉuda tɔɔmun Asa nwɔ tɔɔlaa gwɛlan bow hveelɛ gɔw mɛ̨ida lɔwai ɓə Baesa lon Ela ə dɔɔlaa hɔlɔɓo la Israɛlə lɔi nwun na, Tirsa daa ɓə ə kɛ laa heeni. Ə dɔɔlaa kɛ a kwɛlan veelɛ.

Yálá laawoo hɛɓɛ

⁸ Ɉuda tɔɔmun Asa nwɔ tɔɔlaa gwɛlan bow hveelɛ gɔw mɛ̨ida lɔwai ɓə Baesa lon Ela ə dɔɔlaa hɔlɔɓo la Israɛlə lɔi nwun na, Tirsa daa ɓə ə kɛ laa heeni. Ə dɔɔlaa kɛ a kwɛlan veelɛ.

Bible

⁸ Zuda kaloŋ Asa ŋɔkâloŋ-laa koraŋ buu feerɛ káo lɔ́ɔlu mɛi dai su, Baasa ǹóŋ Ila è kɛ̀ a kâloŋ Eezuɛ. È kâloŋ-laa kɛ̀ a kóraŋ feerɛ. Zeɛ́ɛ è kɛ̀ Tiiza.

Tɔɔɓɛlaa dɔlɔɔ 16:8 Referans Kwoze

Tɔɔɓɛlaa dɔlɔɔ 15:16

Kɔ ə kɛ Asa da Israɛlə tɔɔmun Baesa di lɔwai di wɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 16:7

Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Tɔɔɓɛlaa dɔlɔɔ 16:9

Ela yee pɔ mun Zimri, yai kɛ a gɔ́ wotolo bələ tɔ̨nɔ̨ ɲąąwooɓomun, ə nɔgili kɛ mą. Tɔɔmun Ela ə kɛ Tirsa daai nąąlɔwai, yɛ lɔɔ kpələ a ɲee tɛɛ pələ mą. Di kɛi gɛ tii dɔɔ pɛlɛ́ mɛ̨i kaa mun Arsa yəi bɛlɛ́n.

Hanwon 28:2

Kwɛlitee a lɔ lɔi, ɲąąwooɓo kɛ nuą da tamą, Kɛlaa ɲąąwooɓomun a kɛ a kilimąą mun, yɛ ɓo a yɛnɛ̨ɛ̨ kɔ́lɔn ŋąą, a lííla a hee laa tin-tin.

Tɔɔɓɛlaa dɔlɔɔ 15:33

Ɉuda tɔɔmun Asa nwɔ tɔɔlaa gwɛlan ɉaaɓa nąą, Ahiya lon Baesa ə kɛ a tɔɔmun Israɛlə lɔi nwun na. Dɔɔmun ɉeɛi kɛ Tirsa, kwɛlan bow hveelɛ kɔ́w nąąn mə ə gɛ dɔɔlaa hu.

Tɔɔɓɛlaa dɔlɔɔ 16:6

Baesa ə laa nąnni kwɛlɛ, di bowa loo Tirsa. Non Ela ə hee a tɔɔmun a nąn mąąhvalin.

Tɔɔɓɛlaa dɔlɔɔ 16:15

Ɉuda tɔɔmun Asa nwɔ tɔɔlaa gwɛlan bow hveelɛ kɔ́w mɛ̨ihveelɛ lɔwai, Zimri ə tɔɔlaa kɛ Israɛlə lɔi hu a hvóló mɛ̨ihveelɛ. Ɉeɛi kɛ Tirsa daai. Nɔi lonnii di kɛ kɔ́ ɓa Gibetɔn, ɓɛi kɛ a Filisti nuą di wɔɔ.

Tɔɔɓɛlaa dɔlɔɔ 16:21

Nąąlɔwai, Israɛlə nuą di di ɓɛlaɓo ɉu hveelɛ. Nu bələ tɔ̨nɔ̨, ə hvilɛn Ginatə lon Tivni pulu, di gɛ a di wɔ tɔɔmun. Bələ tɔ̨nɔ̨ ə hvilɛn Omri pulu, di gɛ a di wɔ tɔɔmun.

Tɔɔɓɛlaa dɔlɔɔ 16:23

Ɉuda tɔɔmun Asa nwɔ tɔɔlaa gwɛlan bow haaɓa lɔwai ɓə, Omri ə kɛ la a tɔɔmun Israɛlə lɔi nwun na. Ə kwɛlan bow kɔ́w hveelɛ kɛ dɔɔlaa hu. Ə kwɛlan mɛ̨ida kɛ Tirsa.

Tɔɔɓɛlaa veelɛ 15:14

Gadi lon Menahɛmə ə həɠə Tirsa, ə pa ə ɓɔwa pu Yavɛsə lon Salumə ɓa Samari daai, ə baa, ə hee dɔɔlaa hu.

Tɔɔɓɛlaa veelɛ 15:23

Ɉuda tɔɔmun Azariasə nwɔ tɔɔlaa gwɛlan bow lɔɔli lɔwai ɓə, Menahɛmə lon Pekahia ə kɛ la a tɔɔmun Israɛlə lɔi hu Samari daai. Ə kwɛlan veelɔ kɛ dɔɔlaa hu.

Tɔɔɓɛlaa veelɛ 21:19

Amɔn kaa kwɛlan ə kɛ pow hveelɛ kɔ́w hveelɛ yɛ dɔɔlaa hɔlɔɓo. Ə dɔɔlaa kɛ kwɛlan veelɛ yee mu Ɉerusalɛmə daai. Nee laa ɓa kɛ a: Mesulɛmɛtə yai kɛ a Yotva mun Harusə lon nɛ̨ɛ̨nu.