Tɔɔɓɛlaa dɔlɔɔ 16:7 - Yálá laawoo hɛɓɛ (dc)

⁷ Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Yálá laawoo hɛɓɛ

⁷ Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Bible

⁷ Nyíŋi pôlu ma, Yâwɛɛ è worɛ̂-woo tɛ̀ɛ a ŋɔlóno kɛ́-nuui Anani ǹóŋ Zewu é pîlaŋ Baasa ma da ŋɔkáa-laai su-ƃelai nyɔ́mɔɔ-ŋai mɛni ma è gɛ̀ ǹyaa Yâwɛɛ ŋɛ́i. M̀ɛni-ŋai ŋí dí gɛ̀ é ǹíi ŋwána ma. Nyíŋi è gɛ̀ gɛ́ ƃò yɛ̂ɛ Zɛroboaŋ ŋɔkáa-laai su-ƃelai. M̀ɛni-ŋai ŋí dia tɔnɔ nɔ́ fé gɛ́ ƃò yɛ̂ɛ Gâloŋ Zɛroboaŋ, kɛ́lɛ, è Zɛroboaŋ ŋɔkáa-laai su-ƃelai su-kàra.

Tɔɔɓɛlaa dɔlɔɔ 16:7 Referans Kwoze

Osia 1:4

Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Azaya 2:8

Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Mąątɛ̨nɛ̨ 115:4

Di wɔ yáláɠaai kaa a hɛni, da wali, a diɛi a nukanŋaa yee pɔɔi.

Tɔɔɓɛlaa dɔlɔɔ 14:14

Yai-Laa kaa pai tɔɔmun da tɛɛi Israɛlə pɔ, yɛ Ɉeroboamə nwɔ pɛ́lɛ́i wolo. Háákələi mɛ̨nį ɓə. Ləi? Yiihu kpɔlɔ!

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Tɔɔɓɛlaa dɔlɔɔ 16:8

Ɉuda tɔɔmun Asa nwɔ tɔɔlaa gwɛlan bow hveelɛ gɔw mɛ̨ida lɔwai ɓə Baesa lon Ela ə dɔɔlaa hɔlɔɓo la Israɛlə lɔi nwun na, Tirsa daa ɓə ə kɛ laa heeni. Ə dɔɔlaa kɛ a kwɛlan veelɛ.

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Kɔlɔnikɔ Veerɛi 16:7

Nąąlɔwai, gwɛlɛɛn gɛɛkaamun ŋɛ̨i kɛ a Hanani, ə pa yɛ Ɉuda tɔɔmun Asa ɓa: «Yii kpɔ ə́ ə́ kilitɔɔ Aramə tɔɔmun ma, hvó kɛ ə́ kilitɔɔ li Yai-Laa ə́ wɔɔ Yálái ɓai, Aramə kɔlaɠai kulaa li ə́ yee mun.