Tɔɔɓɛlaa dɔlɔɔ 16:19 - Yálá laawoo hɛɓɛ (dc)

¹⁹ Nɛ̨ŋɛ̨nŋąąi ə ɉəɠə, bulu mɔ̨nɔ̨ li kɛ. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ə ɲee lɔ ɉu, ə hvilɛn Ɉeroboamə túwɔ́ pələ pulu, nɛ̨ŋɛ̨n yili ə Israɛlə yee lɔ ɉu, yɛ da kɛ.

Yálá laawoo hɛɓɛ

¹⁹ Nɛ̨ŋɛ̨nŋąąi ə ɉəɠə, bulu mɔ̨nɔ̨ li kɛ. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ə ɲee lɔ ɉu, ə hvilɛn Ɉeroboamə túwɔ́ pələ pulu, nɛ̨ŋɛ̨n yili ə Israɛlə yee lɔ ɉu, yɛ da kɛ.

Bible

¹⁹ È kɛ̀ tí zɔnyɔ̂ŋ-ŋai gɛ̀i mɛni ma. È sɔnyɔ̂ŋ kɛ̀ a Yâwɛɛ. È tùa yɛ̂ɛ Zɛroboaŋ. È gɛ̀ Eezuɛ-ŋai dí sɔnyɔ̂ŋ kɛ́.

Tɔɔɓɛlaa dɔlɔɔ 16:19 Referans Kwoze

Tɔɔɓɛlaa dɔlɔɔ 15:26

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Nadabə ə ɲee lɔ ɉu. Ə hvilɛn nąn dúwɔ́ pələ pulu. Nɛ̨ŋɛ̨n nąn ə Israɛlə nuą yee lɔ ɉu, yaai tii ə da kɛ.

Tɔɔɓɛlaa dɔlɔɔ 15:34

Ə túwɔ́ kpɔ a ɲɔ̨nwɔ̨ɔ̨ Yai-Laa ɲɛ̨i ɓa, ə hvilɛn Ɉeroboamə túwɔ́ pələ pulu. Nɛ̨ŋɛ̨n yili ə gɛ Israɛlə yɛ ɉəɠə, yaa kpɛli ə da kɛ.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 12:28

Giliŋąhiɛ taaləi tii kɛi ə mo, ə nįŋɛ̨ lon mąąnįnįn veelɛ pɛli a hɛni. Yɛ nuą diɛ: «Kaa wɔlɔ lamun lii Ɉerusalɛmə, Israɛlə nuą. Yálái ka kulɔ Eziptə, ya ka.»

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Tɔɔɓɛlaa dɔlɔɔ 16:13

Yili ə kɛ tii, ə hvilɛn Baesa da non Ela di kɛ nɛ̨nɛ̨nŋaai di ɉəɠə, yiiɠaai di Israɛlə yee lɔ ɉu, mąą mɛ̨nį ɓa, diɛ Yai-Laa Israɛlə nwɔ Yálá liikələn gwəi mɛ̨nį kɛ, a di wɔ kwɛli hvilɛn mɛ̨nį haliɠaa diɛ.

Tɔɔɓɛlaa dɔlɔɔ 16:7

Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Tɔɔɓɛlaa dɔlɔɔ 15:30

Nɛ̨ŋɛ̨nŋaai Ɉeroboamə ə ɉəɠə, da yii ə gɛ Israɛlə ə ɉəɠə, yɛ Yai-Laa Israɛlə nwɔ Yálái nwąną lɔ la, mąą mɛ̨nį ɓə gɛ, yili yɛ laa nwɔ pɛ́lɛ́i ɓa.

Tɔɔɓɛlaa dɔlɔɔ 16:26

Ə hvilɛn Nevatə lon Ɉeroboamə túwɔ́ pələ pulu mɛ̨nį kəlee hu; nɛ̨ŋɛ̨n yili ə Israɛlə yee lɔ ɉu, ə hvilɛn bulu, yɛ Yai-Laa Israɛlə nwɔ Yálá liikələn gwəi mɛ̨nį kɛ, a kwɛli hvilɛn mɛ̨nį haliɠaa diɛ.