Tɔɔɓɛlaa dɔlɔɔ 15:12 - Yálá laawoo hɛɓɛ (dc)

¹² Asa ə ɉaláá wɛlikɛ nuąi tii kəlee kulɔ nɔi, ə nąnnii di wɔ haliɠaa kəlee kulɔ nɔi.

Yálá laawoo hɛɓɛ

¹² Asa ə ɉaláá wɛlikɛ nuąi tii kəlee kulɔ nɔi, ə nąnnii di wɔ haliɠaa kəlee kulɔ nɔi.

Bible

¹² Ŋ̀ulu-wulu kɛ́ sinaai nyii-ŋai kɛ̀ ŋ̀âla da kpɛ́ni-ŋai fɛli kwaa-ŋai mai, è dí kpɛ̀ ǹɔii su. È dí Ɣâla pɔkɔɔŋ-ŋai kélee su kàra nyii-ŋai ǹâŋ-ni dí gbɛ̀tɛi.

Tɔɔɓɛlaa dɔlɔɔ 15:12 Referans Kwoze

Tɔɔɓɛlaa dɔlɔɔ 22:46

Ɉosafatə kɛ mɛ̨nįɠaa, guláá laai ə gɛ, da pələi ə kɔ́ kɔ́ la, mɛ̨nįɠaa tii di hvo mɔ̨ɔ̨ pɛ̨ɛ̨ li Ɉuda tɔɔɓɛlaa kɛ mɛ̨nį hɛɓɛ́ hu?

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,

Tɔɔɓɛlaa dɔlɔɔ 15:3

Nɛ̨ŋɛ̨nŋaai kpɔ wɔlɔ Abiyamə nąn ə ɉəɠə, ə hvilɛn gəlee pulu yɛ gɛ, hvo gwəi kwələ nwɔ Yálái Yai-Laa ɓa, hvo túwɔ́ a nɛlɛɛ, yɛ bələi nąn Davidə ə túwɔ́ la.

Dutɛrɔnome 23:17

A lɛɛ kɛa ka pɔɔli ka wɔ nuą lɔwai, ɓɛi tii ə nąą həɠə ɉu ka wɔ taaɠaa lɔwai, mąąhɔlɔɓo, nąą a nɛɛ mą. Ka hvə ka yee pənə ɉu.

Tɔɔɓɛlaa dɔlɔɔ 21:26

Akabə ə túwɔ́ kpɔlɔɔ a ɲɔ̨nwɔ̨ɔ̨ yɛ Amɔrə nuą ŋɛ̨i Yai-Laa ə di kpɛ di wɔ lɔi hu yɛ Israɛlə nuą hee laa, yɛ kwɛli hvilɛn haliɠaa diɛ.

Tɔɔɓɛlaa veelɛ 23:7

Ɉaláá wɛli kɛ nuą di wɔ pɛ́lɛ́i kɛ Yai-Laa hee pɛlɛ́ kwɛlɛ, Ɉosiasə ə nwolo; ɓɛi nɛ̨ąą di kɛi Asera nwɔ haláá həɠə pala laa.

Tɔɔɓɛlaa dɔlɔɔ 22:47

Ɉaláá wɛli kɛ nuą kpəliɠaai lɛɛ Ɉosafatə nąn Asa nwɔ yələ, ə gəlee kpɛ nɔi.