Tɔɔɓɛlaa dɔlɔɔ 14:3 - Yálá laawoo hɛɓɛ (dc)

³ Lɛɠɛ kpi bow həɠə, da nwɔ̨mįi da kwɛ̨in-nwulɔ muluu dɔ̨nɔ̨, ə́ li ə́ həli mą, mɛ̨nįi pai həlii nokoloi ŋɛ̨i ɓa, gaa pai moi yɛ́.»

Yálá laawoo hɛɓɛ

³ Lɛɠɛ kpi bow həɠə, da nwɔ̨mįi da kwɛ̨in-nwulɔ muluu dɔ̨nɔ̨, ə́ li ə́ həli mą, mɛ̨nįi pai həlii nokoloi ŋɛ̨i ɓa, gaa pai moi yɛ́.»

Bible

³ Kpólo kpua puu síɣe kpólo filɛ-filɛ-ŋa da kɔ̃́iŋ-wulɔ sane tɔnɔ í lí bɔ́-naa. A pâi m̀ɛnii ƃôi yâ pâi kɛ̂i a zurɔ̂ŋ-looi.”

Tɔɔɓɛlaa dɔlɔɔ 14:3 Referans Kwoze

Tɔɔɓɛlaa veelɛ 4:42

Hulɔnu ta ə həɠə Baalə-Salisa yɛ pa, nɛɠɛ ŋɛ̨i da naakwɛlanmo Yálá ɓa a hɛn dɔlɔɔ, ə ɓo ɲəi. Ə kɛ a kpai lɛɠɛ mɔ̨n ŋąą pow hveelɛ, da mɔ̨nun nįnɛ̨, ə kɛ ɲəi ɓíi hu. Elise yɛ mą: «Ŋąąkwɛlɛ nuą diɛ, di mįi.»

Tɔɔɓɛlaa dɔlɔɔ 13:7

Tɔɔmun yɛ Yálá nwɔ nui ɓa: «Pa gwə li bɔ́ɔ́li, ə́ kɔ̨nɔ̨n mįi, yili pulu, ŋą́ hɛn da tɛɛ ə́ pɔ.»

Ɉaan 11:3

Lazarə mąąhalani di wəlɛɛ tɔɔ Jesus pɔ diɛ mą: «Ną́mu, nui ŋɛ̨i nwɛli ə kɛ yɛ, gaa ɲɔ̨n gɛi.»

Tɔɔɓɛlaa veelɛ 5:15

Ə nɛɛ ɲąąɓa, ə pənə da bɔ nuą kəlee, diɛ li Yálá nwɔ nui pɔ. Naaman ə li ə too Yálá nwɔ nui lííla, yɛ mą: «Yiihui, ŋą́ą́ gɔlɔn gɛ́ Yálá hvo lɔi mɛ̨i nąą takpɛli ɓa, hvo kɛli Israɛlə lɔi hu. Yili ɓa gáá ə́ mąąnɛ̨ɛ̨i gɛ́ ə́ ə́ yee hee ə́ wɔɔ luwɔi nwɔ towələ mu, yai yɛ ə bu ə́ yəi.»

Tɔɔɓɛlaa veelɛ 5:5

Aramə tɔɔmun yɛ Naaman ɓa: «'Hvílɛn bələ ɓa ə́ li, gáá hɛɓɛ́ kɛi ŋą́ dɛɛ Israɛlə tɔɔmun mą.» Naaman ə tɛɛ yɛ li. Gɛɛ lii, ə wali kwələ kilə nwun ɉaaɓa həɠə, hɛni kilə pow mɛ̨ida, da hiŋɛ̨nɉəɠə pow.

Tɔɔɓɛlaa veelɛ 1:2

Yələ ta, tɔɔmun Akaziasə ə kɛ ɲəi dɔɔ pɛlɛ́ ɲimąn mu ɲələi, Samari, ə kulɔ vaŋą pili ə too, ə mąą nwąną kpɔ kɛnɛ̨. Tɔɔmun ə nɛɛ mą ə nuą tɔɔ, diɛ li Baalə-Zebubə mąąni gɛi. Baalə-Zebubə tii ɓə kɛ a Ɛkrɔn nuą di wɔ hali.

Maafîu 26:7

Nɛ̨ɛ̨nu ta ə pa a múlún nón, bɛliɛ a kwɛni, naahvɛɛ a wulɔ kun-nɛ̨ɛ̨ yii ɉɔ̨nwɔ̨ kɛnɛ̨. Ɓɛlɔwai Jesus ni di kɛi di kɔ̨nɔ̨n mį́į́ la, ə nwulɔ kun-nɛ̨ɛ̨ tii kəlee pu Jesus nwuɔ̨.