Tɔɔɓɛlaa dɔlɔɔ 14:27 - Yálá laawoo hɛɓɛ (dc)

²⁷ Tɔɔmun Roboamə ə dakpɛliɠaa pɛli a ɓala kwɛli, ə di kalihvaɓo bɛlɛ́ mąąkpɛ kɔlaɠa nwun nąmįną diɛ, diɛi di ɲɛ̨i ə kɛ tɔɔmun nwɔ pɛ́lɛ́i laaləi.

Yálá laawoo hɛɓɛ

²⁷ Tɔɔmun Roboamə ə dakpɛliɠaa pɛli a ɓala kwɛli, ə di kalihvaɓo bɛlɛ́ mąąkpɛ kɔlaɠa nwun nąmįną diɛ, diɛi di ɲɛ̨i ə kɛ tɔɔmun nwɔ pɛ́lɛ́i laaləi.

Bible

²⁷ Gâloŋ Leoboaŋ è gɔ́ kɔ́-ƃelai maa kɔ̃ɔ sãa nina-ŋa kpɛ̀tɛ a ƃara a gɛ́ɛ dí dípɔɔ-ŋa síɣe. Èdí tɛ̀ɛ ŋɔkɔ́ kɔ́-ƃelai láa túɛ-ƃelai pɔ́ nyii-ŋai kɛ̀ tíi kɛ̂i gâloŋ ŋɔkâloŋ-pɛrɛ kɛ́tɛi ŋɔsiɣãŋ-ŋai lái.

Tɔɔɓɛlaa dɔlɔɔ 14:27 Referans Kwoze

Samuɛlə dɔlɔɔ 22:17

Tɔɔmun yɛ gwɛlɛ nuą diɛ: «Ka lɛɠɛ ɓɛ, ka Yai-Laa nwɔ haláá laa həli nuą kəlee paa. Mąąhɔlɔɓo, diɛ kpɛli mąn da kɛ kpɔnmąą tɛɛi Davidə pɔ. Di kili ə kɛ ɉu diɛ kɛ Davidə kaa pui, ɛlɛɛ, di hvo ɉukulɔ li mą́ą́.» Kɛlaa, tɔɔmun ɲee pɔ nuą di hvo gɛ, di hvo di yee pɛlɛ Yai-Laa nwɔ haláá laa həli nuą diɛ.

Samuɛlə dɔlɔɔ 8:11

«Dɔɔmun pai ka ɲąąwooɓoi, bələi gaa pai ka hon ɉii la bələ ka: Gaa pai ka lon ɉinąą həɠəi, yɛ di tɔɔ nwɔ kɔ́ kɔ́ wotoloɠaa diɛ da nwɔ hooɠaa, diɛ gilɛ həɠə nwɔ wotolo ɲɛ̨i tɔwɔ.

Tɔɔɓɛlaa dɔlɔɔ 18:46

Eli ə ɉąą yili, Yai-Laa ə ɲee pɛlɛ mɛ̨i, ə tɛɛ Akabə tɔwɔ a gilɛ, ə lɛɛ la ɉu, di li di həli Izreɛlə.

Tɔɔɓɛlaa dɔlɔɔ 14:5

Yai-Laa aa kɛ Ahiya ɓa: «Ɉeroboamə nɛ̨ą kaa bələ pɔ yɛ pa ə́ mąąnin kɛi, ɲɔ̨n non gaa gɛi mąą mɛ̨nį ɓa. Mɛ̨nį ə́ kaa pai moi mą, ya ka; a pa, gaa pai gbɔwɔ kɛi a nu takpɛli.»

Tɔɔɓɛlaa dɔlɔɔ 14:1

Mąą yələi tii, Ɉeroboamə lon Aviya ə ɲɔ̨n ɉəɠə.

Samia Veerɛi 15:1

Mɛ̨nįɠaa tii kəlee tɛɛ pulu, Absalɔn ə wotolo həɠə, da hooɠaa, ə bɛlɛ nu pow lɔɔli ɓa, nuąi tii diɛ gilɛ həɠə ɲɛ̨i tɔwɔ.

Samia Veerɛi 11:9

Kɛlaa, Uri hvo gɛ hvo yíi ɲəi bɛlɛ́n, ə yíi tɔɔmun ɲəi bɛlɛ́ laaləi, da dɔɔ pɛlɛ́ mąąkpɛ nuą.

Tɔɔɓɛlaa dɔlɔɔ 14:28

Tɔɔmun ni pələ tɛitɛi Yai-Laa yəi bɛlɛ́n, gulááɠaa di kɛi gɔ́kɔ kwɛli hɛnŋąą tii həɠə, yili pulu, di pənə di paa la guláá pɛlɛ́ mu.

Tɔɔɓɛlaa veelɛ 11:4

Gwɛlan mɛ̨ihveelɛ lɔwai, Yehoyada, ə nwun nąmįną həɠə a Kari nuą, da gilɛ həɠə nuą, ɛlɛɛ kilɛn nąŋąlonŋaa təli, di pa Yai-Laa yəi bɛlɛ́n, di di kwɛla mą Yai-Laa ɲɛ̨i ɓa, yili pulu ə tɔɔmun non nɛ kɛa diɛ.

Tɔɔɓɛlaa veelɛ 11:19

Yili pulu, ə guláá nwun nąmįną həɠə, da Kari nuą, da gilɛ həɠə nuą, da nɔi lonnii kəlee, di tɔɔmun gulɔ Yai-Laa hee pɛlɛ́ mu, di tɛɛ la a gilɛ həɠə nuą di wɔ pələi, də li la dɔɔ pɛlɛ́ mu. Ɉoasə ə hee dɔɔ kpəlin ɉu.