Tɔɔɓɛlaa dɔlɔɔ 14:11 - Yálá laawoo hɛɓɛ (dc)

¹¹ Ɉeroboamə yəi bɛlɛ́n mun lɔpee pai haai taai, yilɛɠaa kaa pai mįi, ɛlɛɛ, bɛlɛ́n mun lɔpee pai haai lɔwɔi, yələi nwɛ̨nįɠaa da mįi.› Yai-Laa woo li.»

Yálá laawoo hɛɓɛ

¹¹ Ɉeroboamə yəi bɛlɛ́n mun lɔpee pai haai taai, yilɛɠaa kaa pai mįi, ɛlɛɛ, bɛlɛ́n mun lɔpee pai haai lɔwɔi, yələi nwɛ̨nįɠaa da mįi.› Yai-Laa woo li.»

Bible

¹¹ Zɛroboaŋ ŋɔnûai kélee pâi saâi daa-lêei sui, ɣîla-ŋa da pâi dípoma miî, ǹyaŋ nyii-ŋai pâi saâi víyeŋ ŋá ǹɔɔi sui, ŋ̀ɔni-ŋai da pâi dípoma kpelêi. Yâwɛɛ a mò.’ ”

Tɔɔɓɛlaa dɔlɔɔ 14:11 Referans Kwoze

Tɔɔɓɛlaa dɔlɔɔ 16:4

Baesa yəi bɛlɛ́n mun nɔpee pai haai taai, yilɛɠaa ɓə da bowa mįi, ɛlɛɛ, ɲəi bɛlɛ́n mun nɔpee pai haai kpomói, yələi nwɛ̨nįɠaa da bowa kpələ.»

Ɉeremi 15:3

Yai-Laa woo ka nwɔ̨nɔ̨, yɛ diɛ: «Gáá pai heei di hu a pələ nąąn: Kɔ kɔ́ ɓɔwa yɛ di paa, yilɛɠaa diɛ di powa yala. Yələi nwɛ̨nįɠaa da lɔwɔ huwɔɠaa diɛ di powa mįi, diɛ di huwu pu.

Azaya 66:24

Nuąi daa di kwɛli tee ɲə́i, di powa kaa pai kɛi puuni, nuą da kulɔ, diɛ di kaa. Di mįi kóló hvo pai haai, di kələn nwɔ̨n va luwun di kaa pai kɛi a nu huwu kəlee mąą ɲɔw hɛn.

Tɔɔɓɛlaa dɔlɔɔ 21:19

Yá li ə́ bələ ŋɛ̨i ɓo mą, yɛ mą: ‹Yáá nu paa, ɛlɛɛ ə́ kaa nwɔ̨nɔ̨ bɔ ə́ hɛn ɉɔlɔɓo›, yɛ nwɔ̨nɔ̨ mą; Yai-Laa woo ka: ‹Ɓɛi kpɔlɔɔ tii, yilɛɠaa di Nabɔtə ɲąmą kpələ laa, yilɛɠaa kaa kpɔlɔɔ pai yɛ́ kpɛli ə́ ɲąmą kpələi laa.›»

Tɔɔɓɛlaa veelɛ 9:9

Gáá pai Akabə nwɔ pɛ́lɛ́i kɛi yɛ bələi ŋą́ Nevatə lon Ɉeroboamə nwɛi kɛ la; ŋą́ gɛ yɛ bələi ŋą́ Ahiya lon Baesa nwɔ pɛ́lɛ́i kɛ la.

Ɉeremi 34:20

gáá di tooi di yowoɠaa yee kɔ́nma, nuąi di kaa bɔ di di paa, di yee kɔ́nma; di powa a lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Tɔɔɓɛlaa dɔlɔɔ 13:34

Yili ɓə kɛ a nɛ̨ŋɛ̨n Ɉeroboamə nwɔ pɛ́lɛ́i ə ɉəɠə yaa li. Yili mąą mɛ̨nį ɓə gɛ, ɉuwu yɛ kpɛɛ lɔi mɛ̨i.

Tɔɔɓɛlaa dɔlɔɔ 15:29

Ə dɔɔlaa hɔlɔɓo lɔ, ə Ɉeroboamə nwɔ pɛ́lɛ́i kəlee mu nuą paa. Hvo nui lɔpee ta lɛɛ Ɉeroboamə yəi bɛlɛ́n a vulú; yɛ bələi Yai-Laa ə nɔ la nwɔ tímun Ahiya la, yai kɛ a Silo mun.

Tɔɔɓɛlaa dɔlɔɔ 16:3

Yili mąą mɛ̨nį ɓa, gáá pai Baesa da nwɔ pɛ́lɛ́i di kələi yɛ kala. Bələi tii ŋą́ Nevatə lon Ɉeroboamə nwɔ pɛ́lɛ́i kɛ la, bələ ɓə gáá gɛi la a nwɔ pɛ́lɛ́i.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!