Tɔɔɓɛlaa dɔlɔɔ 13:33 - Yálá laawoo hɛɓɛ (dc)

³³ Ə mą kɛ tii, Ɉeroboamə hvo ɲee kulɔ nwɔ túwɔ́ pələ ɲɔ̨n ɉu; ə kɛi lɔ ni nuą həɠə lɔ tii nɔi lonnii lɔwai, yɛ di kɛ a haláá laa həli nuą; di wɔ haláá kulɔiɠaai ɓa. Nui lɔpee a kɛ bɔ, di kɛi ɉee a ɉaláá laa həli mun da.

Yálá laawoo hɛɓɛ

³³ Ə mą kɛ tii, Ɉeroboamə hvo ɲee kulɔ nwɔ túwɔ́ pələ ɲɔ̨n ɉu; ə kɛi lɔ ni nuą həɠə lɔ tii nɔi lonnii lɔwai, yɛ di kɛ a haláá laa həli nuą; di wɔ haláá kulɔiɠaai ɓa. Nui lɔpee a kɛ bɔ, di kɛi ɉee a ɉaláá laa həli mun da.

Bible

³³ M̀ɛnii ŋí kɛ́ɛ pôlu ma, Zɛroboaŋ fé kpera ní ŋɔsɔnyɔ̂ŋ-ŋai dîa. Kɛ́lɛ è ŋɔ́nɔ lì tuɛ-pere a sâla láa-soŋ-ƃela seɛ́ɛ ŋɔsâla kula kwaa-ŋai ma nyii-ŋai è díkùla nûa sii kélee sáma. Ǹúui nyíi kélee kɛ̀ ŋ̀wɛ̂lii é kɛ́ a sâla láa-soŋ-nuui, è wúlɔ pù maa-nuui tí ŋûa ŋɔsâla kula kwaa-ŋai ma mɛni ma ǹyée-tɔɔ-ŋai tôŋ su.

Tɔɔɓɛlaa dɔlɔɔ 13:33 Referans Kwoze

Kɔlɔnikɔ Veerɛi 13:9

Kɛlɛi kaa ɓə Yai-Laa nwɔ haláá laa həli nuąi a Aarɔn lonnii da lévi lonnii di kpɛ-e! Kaa ka kpɔɔ ɓa haláá laa həli nuą həɠə, a ka liiɓa, yɛ bələi lɔi takpɛliɠaa kaa la-e? Nui lɔpee kɛi pa yɛ ɉaláá laa həli mun naa tii hu hvɛli, a nwɔ taalɛlɛɛi hu nįŋɛ̨ lon dɔ̨nɔ̨, da ɓɛlaa hilɛ mɛ̨ihveelɛ, di kɛi gɛ a ɉaliɠaa tii di hvo a Yálá, di wɔɔ haláá laa həli mun.

Kɔlɔnikɔ Veerɛi 11:15

Kɛlaa, Ɉeroboamə ə haláá laa həli nuą hee a nwɔɔ, hali kɔ́iɠaa ɓa, diɛ ɓaa a ɓooli hilɛɠaa da nįŋɛ̨ lonnii di di pɛli.

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Amɔsə 6:11

Ka gɛ a nɛlɛɛ, mąąhɔlɔɓo, mɛ̨nį Yai-Laa ə mo, ya ka: Bɛlɛ kɛnɛ̨ kaa pai pui, bɛlɛ logolo ə ɓɛla.

Ɉeremi 18:4

Nəɠi tɔɔmun a lɛɛ kɛ hɛn da pɛlii a nəɠi pɔlɔ, ɲee pɔɔ a kala, ɉɛn ə kɛi bɛli a wala kɛ a nɛlɛɛ, a daɠa, yɛ dakpɛli pɛli yɛ bələi ɲɛlɛ kaa la ɲəi.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Nwun mąąɓo 17:12

Mika ə Levi mun tii hee a nwɔ haláá laa həli mun. Ə ɉee ɲəi bɛlɛ́n.

Lonon mo 17:5

Mɛ̨nį kili too hɛn ni Israɛlə lonnii ŋą, yɛ diɛ nu takpɛli yii hvo a Aarɔn huwu, mąą hvo nɛ̨ɛ̨li hvo tɔɔ yɛ kɛ gaa lansan kələn ɉii Yai-Laa lííla. Mɛ̨nįi laa Kore da bulu nuą diɛ, da hvo pa nee laa mąą nu ɓa. Yai-Laa ə bu Moisə la, yili yɛ ɉukulɔ Aarɔn ɓa.

Lonon mo 3:10

'Gɛ a nɛlɛɛ, Aarɔn da nonnii diɛ tɔ̨nɔ̨ di kɛ lɔ a ɉaláá laa həli nuą; Nui lɔpee hvo a di ta, a lɛɠɛ laa, da baa.»

Lonon mo 1:51

Da kɛi li a gee kaa kələ, Levi lonnii ɓə da gboloon diɛ li la, da kɛi dɔɔ, diɛ ɓə da ɉee gee la. Nu takpɛli a lɛɠɛ mą, mąą nu a haa.

Lɛɛ gbɔwɔ ɓa 28:41

Ə́ ɉəɠəɠaa tii kɛ ə́ liɛ Aarɔn da lonnii diɛ, ə́ nwulɔ mąą həɠɛɛ hiɛ diɛ, ə́ ɉaláá kulaa mąą laa tɛɛ di pɔ, ə́ di hee a nwɔ́ haláá laa həli nuą.

Nwun mąąɓo 17:5

Ɉulɔnui tii a Mika, haláá kulɔi ta ə kɛ ɲəi bɛlɛ́n. Ə haláá həɠə ta pɛli, da mąąnįnįn ɉaɠaa takpɛliɠaa. Ə non ɉulɔnu tɔ̨nɔ̨ həɠə, ə ɉee nwun na, a ɉaláá laa həli mun.

Tɔɔɓɛlaa dɔlɔɔ 15:26

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Nadabə ə ɲee lɔ ɉu. Ə hvilɛn nąn dúwɔ́ pələ pulu. Nɛ̨ŋɛ̨n nąn ə Israɛlə nuą yee lɔ ɉu, yaai tii ə da kɛ.

Tɔɔɓɛlaa veelɛ 10:29

Kɛlaa, Nevatə lon Ɉeroboamə, nɛ̨ŋɛ̨n ŋɛ̨i ə Israɛlə yee lɔ ɉu, Ɉehu hvo həɠə yiliɠaa pulu; ya ɓaa: Nįŋɛ̨ lonŋaai di bɛli a hɛni Betɛlə da Dan, hvo di kala li.

Amɔsə 7:10

Nąąlɔwai, Amasia ŋɛ̨i kɛ a haláá laa həli mun Betɛlə daai, ə wɛlɛɛ tɔɔ Israɛlə tɔɔmun Ɉeroboamə pɔ, yɛ mą: «Amɔsə kaa bɔ, ə ə́ wɔ tɔɔlaai kulɔ ə́ yəi Israɛlə lɔi hu, nɔi nuą kəlee di hvo kɛa pɛli di wəli tɔɔi nwoo ɓa.

Kɔlɔnikɔ Veerɛi 17:4

Kɛlaa yaamun, ə tɔɔ a nwąnąi, ə nąnni di wɔɔ Yálá Yai-Laa liiɓa kwɛli, ə hvilɛn ŋą tɔ́nŋąąi pulu, hvo túwɔ́ yɛ bələi Israɛlə nuą di túwɔ́ la.

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Hanwon 27:22

Ə́ ma kilikpɛɛgwəi mun ɉiɠɛ kwənąi da mɔ̨nun, mɔ̨nun gala a kulɔ mą, Kɛlaa, yili hva kilikpɛɛgwəi mun ŋą kilikpɛɛgwəilaa kulɔ mą.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.